المشاركة الأصلية كتبت بواسطة السيد مهندس

نصيحة لا تتزوجها
اسمع كلام عمك وش فيها بنت عمك منك وفيك
وكمان ما حصل الا موظفة وفي مجال طبي ؟ صدقني بتندم ولا يغرك ظاهرها هذا امام الناس
لكن انت بتعاشرها يعني بتعاملك بطبيعتها الحقيقية

المشاركة الأصلية كتبت بواسطة Rudi

+1
خال صديقتي تزوج وحدة من قبيلة معروفة ولكن مجهولة النسب في البداية عاند أهله و أعمامه و تزوجها لكن بعدين كره حياته ما قدر يتحمل وضع الانتباذ من الصغير و الكبير
قام طلقها بعد ما:
جابت له بنت و صار فيه ضحية بينهم .

المشاركة الأصلية كتبت بواسطة المتواضع305

والله ياأخي مثل هذه المسائل تعتبر مسائل حساسه جداً للغايه ، ويطول بها المقال والمقام وتقدر تقول انها معقده ومثل السلاسل حلقه داخل حلقه لاتنفك سواء بالوقت الحالي او بالمستقبل ...!

المشاركة الأصلية كتبت بواسطة ياسر !!

هههها ما يقدر يطلقها منك بحجة عدم تكافؤ النسب لو يطير وينقز. لأن لا يوجد شيء في الدين اسمه نسب وكلام فاضي.. وبعدين نسب يا بعدي وش قدم فلان بن فلان للبشرية ؟؟ لو ترجع 50 سنة ورا ما عندهم الابيوت طين وغنم,. بينما العالم كان فيه ناطحات سحاب.
.. والي صار لتلك العائلة الي طلقها القاضي.. كان القاضي قريبهم وجابوها من طريقة ثانية قالو ان الخاطب خدعنا بنسبه وهذا تدليس وخداع يسبب بطلاق العقد.
لكن انت ما يقدر يسوي لك شي.. خصوصا الاعلام وتويتر قوي جدا .. واي قاضي ممكن يروح بسين وجيم على سواليف مثل هذي لو طلعت للاعلام.. اقول توكل على الله وماعليك من احد.

المشاركة الأصلية كتبت بواسطة kooki3

ممكن تخسر الي حواليك اذا كنت واثق بلي اخترته والي راح تكسبه ، البنت ما تعرف عنها الكثير ومستعد تبيع الدنيا بلي

فيها عشان شويه معلومات عرفتها عنها ؟!! اعتبرها مجازفه وخطوه كبيره ما لك قدره فيها ، واذا انت رضيت بهذا الشتات

يمكن البنت ما ترضى بهذي الحياه

المشاركة الأصلية كتبت بواسطة Rudi

للأسف المجتمع عندنا يمكن تحج البقر على قرونها و هم ما تغير تفكيرهم في مسألة قبيلي و غير قبيلي

المشاركة الأصلية كتبت بواسطة Lofty

انا لله و انا اليه راجعون ...
و هل يفضل بعضنا على بعض نسبا ام كانت التقوى هي مقياس التفضيل ؟

احسن الله عزائنا !
و كان الله في عونكم اخي الكريم .