يمكن المشكله الي حصلت في بيت اهلك لها دور كبير يمكن فهم شي منها يخصه خاصه انكم ساكنين مع اهللك

والرجل في هذا الشي حساس جدا اي كلمه اوحركه من غير مقصوده اكيد بتجرحه


حاولي تفهمين منه وتفهمينه ان ماله اي دخل اذا ما اقتنع 00تطلعون تعيشون في بيت لوحدكم من غير ماتكبر السالفه معقوله يتخلى عنك وعن ولده عشان كلام سمعه زوجك غلطان وما يعرف يتصرف

بعدين انتي لازم تاخذينها درس ماعاد تقولين له شي يسير في بيت اهلك 0000والكلام هذا ماينطبق على زوجك وبس ينطبق على كل الرجال

__________________

اولاً احب اسألك

بالنسبه للمشكلة اللي قلتيها لزوجك ..... هل فيها مسألة عاااااااااااااااااااااار مثلاً ... يعنى هل سبب المشكلة احد تحرش فيك زماان او شي من هذااا


الشي الثاني اللي انصحك تسووينه

هو الحين اخذ القرار لحاااله .... وما شاور احد ..خليه لحاااله ولا تردي عليه .. يعنى خلي الموضوع طبيعي وخليه هو ياخذ المرحله القااااااااااااااادمه
هو الان يمكن يفكر افكار ... واذا شافك لازقه فيه مررره ... يصر على افكاره
لكن هو بالأخير بيحكم العقل ... ويرجع لك .....


اتمنى ربي يرجع لك زوووجك

واحترامي

الله يكون في عو نك اختي بس ما يصير اي شي بدون سبب

حاولي ان تتذكري المواقف الي تصير بينك وبين زوجك يمكن زوجك ما يبغيكي تتلكمي في اي موضوع يخص اهلك علشان ما ينشغل بلاموضوع

ويمكن كثر المشاكل الي تدور ماودة ان تتكلمي فيها

اختي حاولي مرة والف مرة

ولا تيئسي والله يهديه

في مشاركة سابقة لك ذكرتي انك زوجة ثانية ... ربما زوجك تعب من ان يكون له اكثر من زوجه....


الله يساعدك .. ويا رب يكون الموضوع مجرد رياح ما تلبث ان تهدأ..


تحياتي

__________________

الله يعينك اختي .

اكيد انقلاب حال زوجك يرجع للمشكله الي في بيت اهلك .


هل طلبو منكم الخروج مثلا .؟ وانجرح

او صارت مشكله فيها مسألة شرف وخلافه ..؟؟


انتي الوحيده الي تعرفين السبب .

كما ذكروا الاعضاء قبلي ،، ليس تدخلا في شئونك الخاصه ،، ولكن هل الموضوع الذي بينك وبين اهلك يدعي إلى العار أو غير أخلاقي مثلا ؟؟

وكيف له علاقة بقرار زوجك؟؟

اعتقد من الافضل بعد الصلاة والدعاء لله سبحانه وتعالى أن يخرجك من هذه الازمة ،،

هو مراجعة نفسك ،، هل تستمرين مع شخص مثله أم لا؟ وهل بعد أن قرر أن يطلقك ستنسين هذا الموقف وتستمرين معه أم لا؟

وبعدها يجب عليك أن توقفي اتصالاتك له ،، او ترسلي له آخر مسج ،، وهو عبارة عن تذكير بالحياة والعشره التي بينكما وكيف ممكن يتخلى عنها بهذه السهوله وتذكيره بابنه وطبعا تذكيره اولا بربه ،،

هذا المسج تحسمين فيه الموقف ،، اما يرجع وتتفاهمين معه أو يدعك بسلام ،، وقولي أيضا في المسج ما تفضلينه انتي ،، إما الرجوع او الطلاق والعياذ بالله ،،

والله الموفق

لاتخافي ممكن يكون تهديد وبس وبعدين لاتتصلي فيه كتير اصبري حتا يأتي واذا كنتي مظلومها الله راح ينصرك بس انتي اصبري حتا يأتي لوحده ممكن الله يهدي

اخواني و اخواتي اللي ردوا على موضوعي .. اول شي اشكركم على اهتمامكم و انكم عطيتوني من وقتكم و رايكم .. انا صدق كنت محتاجة اطلع اللي في قلبي لحد و الحمدلله ردودكم ريحتني شوي وهدت اعصابي

الكلام اللي قلتوه صح 100% .. مافي شي بدون سبب و انا عارفه و متاكده ان في سبب معين هو اللي خلا زوجي يتكلم عن الطلاق بس المشكلة اني مو غارفه شو هو هالسبب .. خاصة اني اعرف زوجي عدل و هو مو من النوع الطايش او المتسرع .. بالعكس و الله و هذي كلمة حق لازم تنقال في حقه هو ريال محترم و عاقل و يعرف الاصول زين .. بس سبحانه ربي هو الاعلم باللي في القلوب

بالنسبة لمشكلة اهلي .. للاسف ما اقدر اقول هالمشكلة في المنتدى لانها وايد حساسة .. بس هي لا تخصني و لا تخص زوجي بشكل مباشر .. مجرد مشكلة صارت مع اهلي و انا خبرته عنها لاني ماتعودت اخبي عنه شي و ماكنت اريده يعرف عن الموضوع من غيري .. و في نفس الوقت كنت ادور رايه في حال ان عنده حل او اقتراح للمشكله اللي صارت .. يعني مشكلة اهلي ما تخصنا انا و هو عشان تكون هي السبب في الطلاق .. لكن من بعدها ما صار بيني و بينه اي شي ثاني و اتغير علي فجاه و هذا اللي خلاني اشك ان هذا هو السبب .. بس و الله ما ادري


انا امس بعد تميت طول اليوم اتصل فيه و ارسله مسجات بس مافي فايده.. حتى اخوي كان يباه في سالفة امس و اتصل فيه بس بعد ما رد عليه


تدرون شو اللي صدق معور قلبي .. اني في خاطري متاكدة و مقتنعه انه يحبني .. و انه لو ناوي يطلق الحين فاكيد السبب مني و انا مو حاسه .. بس و الله مو عارفه شو اسوس عشان اخليه يتكلم و يقولي اللي في قلبه .. يعني حتى لو خلاص صدق بيطلق و مالنا ردة لبعض على الاقل ننهي اللي بينا بالمعروف مو بهالطريقة


هو يدري اني اموت فيه ومااقدر اعيش بدونه يعني حتى لو ما كتبتله هالكلام في المسجات هو عارفه من قبل .. و مع هذا كتبت مسجات بالهبل و بعد مافي فايده .. و مالي حد ممكن اخليه يتدخل .. انا من تزوجت ما دخلت اهلي في حياتي لانهم بطبعهم يكبرون هالسوالف و يزيدونها و انا احب اكون امينه على اسرار زوجي و علاقتي وياه فما تعودت ادخل حد .. بعدين لو حتى كلمت حد من اهلي او اهله عشان يحاول يفهم اللي صار و يصلح الامور زوجي بيزعل اكثر و بيعتبرها اهانة لكرامته و بتكبر المشكله

والله ما اعرف شو اسوي تعبت من كثر التفكير ..انا كنت ناوية اني ما اتصل اليوم و خلاص اترياه هو ياخذ الخطوة الثانية شو ما كانت بس مو قادرة اصبر .. والله من بعد صلاة الفجر على طول وانا اريد اتصل بس ميودة عمري اقول اتريا احسن

ما ادري شو اسوي .. ادعولي ربي يفرج همي و تنتهي هالسالفة على خير لاني صدق ما بتحمل انه يطلقني لانه بالنسبة لي مو مجرد زوج و بس

من وجهة نظري والله يعلم ...
احتمال وده يعرف غلاته عندك او مدى تمسكك به وخاصه ان موضوع الخلااف اللي ذكرتيه امامه فيه نقطه والله اعلم تحسس منها زوجك ...لا تتركيه تناقشي معاه!
لا تتركي لظنونه مجالا لدعم قراره المتسرع بطلاقك...

من وجهة نظري (لا اقصدك او اقصد زوجك )الرجل اللي يتسرع في الطلاق وانهاء علاقته بزوجته بكل سهوله ولأسباب تافه احتمال حصل فرصه للفكاك من مشاكل ومسؤوليات الحياةالزوجيه والزوجه واهلها ومب عاجبه اصلا ولا قادر يتحمل حياته ..اوعنده موضوع آخر زواج وما شابه ..

اختي بنت الحب ..

حاليا ليس لديك من حل سوى الصبر وانتظار النتائج .. اصبري وادعي الله تعالى عسى يفرج كربتـك وهو تعالى قادر على كل شي ..

اللهم فرج هم اختي بنت الحب ..