عزيزتي احلام المحيط... جزاكِ الله كل خير فعلا تخطيط منطقي وجميل وعقلاني جدا وهذا المخطط متبعينه من اول الزواج بس احنا ما عنا شغالة لهيك بالشهر اللي بنحس التزاماتنا المالية اقل بنحاول نجيب مواد تنظيف وتخزين المواد الغذائية بزيادة قدر المستطاع مشششششششكورة جدا موضوع مفيد
__________________
(اللهم أحفظ جنيني وثبته,اللهم أقذف التوحيد في قلبه ،اللهم أجعله قره عين لي ولوالده,اللهم ارزقه الشهاده بعد طول عمر وحسن عمل)
الملابس :
انا بصراحة جربت الاسلوبين
الاسلوب الاول لبس كتير الحذاء على لون الملابس الجاكيت الشتوي على لون الطاقية لبنتي الكبيرة والنتيجة ........
انفجار في الخزائن لبس زائد كلو بيروح على الجمعيات والله نص الملابس مش ملبوسه الا مرة او مرتين
الطريقة الثانية
لبس للخروج 3-4 غيارات بيجامتين كل موسم
بدلات رياضة 3-4
حذاء عدد 2 لكل طفل
جاكيت عدد 3 الوان محايدة
النتيجة خزاين منظمة وبصراحة ما حد رايح يتذكر او ينتبه ليش لون الحذاء اسود واللبس بلون تاني
خصوصا للاطفال
الخروج
زمان لما كنت انا وزوجي و بنتي كنا نطلع كل نهاية اسبوع ومرات اكتر من مرة بالاسبوع ولما نروح على الملاهي بنتي ما بتكتفي يتذكرة ولاتذكرتين بتكون تلعب وعينها على لعبة تانيه والنتيجة
كبرت ولحد الان ما بتقتنع باشي واحد وبصراحة بنتي ابدا مو قنوعه لانها تعودت على انو كل اشي متوفر وكتير
غيرت الاستراتيجية
صرنا لما نروح ملاهي كل طفل نشتريلو تذكرة فيها 4 العاب اول ما بيدخلو نظرة عامة على كل الالعاب بعدين بيقرروا شو بدهم يلعبوا هالشي بيخلي عندهم قناعة وتخطيط ورضى , و توفييييييير
ادوات البيت
مين بيحكي انو اذا كنتي ذو دخل قليل ما بتشتري اللي بدك اياه
يعني خلي كل فنرة الها هدف target مثلا انتي نفسك بتلفاز اكبر او ثلاجة احدث خبي كل شهر مبلغ واعتبريه مش موجود وبعد مرور فترة بتلاحظي انو جمعتي الفلوس اللازمة وبستمتعي انك حققت امنيتك بالعكس بيكون الها طعم احلى
بالتوفيق للجميع ودعواتكم لنا بسعة الرزق وراحة البال