ههههههههههههههههههههه انا كمان اكره الصراصير اشوف الموت ولا اشوفهم وزوجي اليوم نزلني عند صديقتي كان في صرصور على الجدار خليته يروح يذبحه عشان انزل وافوت البيت
لعنة الله على الصراصير الحقيره القبيحه القذره
بس حبيبتي انتي ريحي نفسك وحاولي تنسي واتغيري جو يعني روحي سافري انتي وزوجك حتي لو كنتي تعبانه
وزوجك الله يهديه على هل المزحه بس لا اتزاعليه لانه يمزح
انا من قريت الموضوع في قشعريره بجسمي

^^

اللعن : الطرد والابعاد من رحمة الله
وهذا من خلق الله و ماخلق الله شيئا الا له حكمه وفائده

أنتبهي غاليتي



إبراء للذمه

بتعطيه كف ثم بكره تنزل موضوع عطيت زوجي كف وزعلان وبرا البيت
حليتي المشكله بمشكله


الحل انك تهونينها
زوجك يمزح معاك وتأسف منك وش باقي
عليه يسوي؟
لاتستسلمين وتخضعين للشيطان
تعوذي منه وفرغي شحنات غضبك وقهرك بضرب المخده او اقري قصص غيرك في قسم المتزوجين والمطلقات
حتى تهوون قصتك
راس ماله صرصور الله يرحمه :-P

حقيقة كلنا نكره الصرصور ولا نطيقه .. أكيد .. لكن ليس بمثل هذه الصورة المخيفه ..!!
زوجتي مزحت عليها بدمية ثعبان تفاجأت إنها بكت وصارخت وزعلت .. بس الحمد لله راضيناها ..

عموما أختي غيري جو روحي أهلك يومين وحاولي تنسي الموضوع حاولي .

__________________
كيف اقاوم الهم والألم. بالسجود راحة واطمئنان.

نهاية نوال..!

حبيبتي انت شكلك فعلا عندك فوبيا من الصرارير.. وبما انه الدكتور قال لكم حالتك نفسية فالأفضل برأيي تتعالجين عند أخصائي نفسي ما فيها شيء.. والفوبيا هو خوف زايد عن الطبيعي ..

أنا مثلك أخاف من الحشرات والصرارير وكل الحيوانات.. مرة وأنا صغيرة حلمت بصرصور .. . كان ينظر في وجهي .. قمت مفزوعه ومن غير ما أحس صار عندي خوف من كل شيء.. كنت أخاف أروح أي مكان لوحدي .. حتى من غرفة لثانيه في البيت ما أروح إلا وأمي معاي ..

وأنت حبيبتي ما تضمنين انه ما تصير لك مواقف مع الحشرات أو الصراصير في المستقبل .. واذا كل مرة هذه ردة فعلك انت اللي بتتعبين .. لهذا السبب يا ريت لو تتعالجين .. على الأقل الفوبيا يتحول عندك لخوف طبيعي ..

والله يعينك على ردود الناس اللي تقرأ وترد بدون ما تفهم المشكلة .. !

الله لايسامح ابليسكم لا زوج صاحبة الموضوع
ولا الاخ ثنيان

انتم كاانكم تمزحون مع رجال ...وهذا مزح ثقيل بينهم
اما مع زوجاتكم
وش هذا ؟؟

تخيل لدقيقه لو توفت زوجتك من الخوف والصدمه
ترى والله بعض التخويف يموت او يصبح في العقل شيء ..

اذا تبون تمزحون معليه امزحوا محد رادكم
امزح ضرب بلمخاد ..او اي مزح الا التخويف
بصرصور او ثعبان ...

حبيبتي
تبين تردين نفسيتك
سوي كمييييييين لزوجك بصرصور .....بجد لو انا ورب البيت لاارد له الصاع صاعين
احطه بجيبه او بمخدة نومه
او او الخ

وقولي ابي كم ريال مثلا 20 ريال ابي اطلب من الدكان ! وطبعا يكون قد طلعتي الفلوس من المحفظه بجيبه اللي حطيتي فيه الصرصور وخليه يدخل يده
ثم بعد مايحس
قولي صادوووووووه ,

او اي كمين له ...خليه يحس شوي
او شوي وش يكره من الحشرات وجيبيه
وخلي الشغاله تحطه بطلب منك انتي .


لو انا وربي لاارجع له الفعله .

__________________
اللهم فرج همي وهم كل مسلم ...

اختي 00

ما تشعرين به من الوهن هو نتاج ردة الفعل القويه 00

فالخوف االشديد والفزع 00 يأثر على جسم الإنسان ويصيبه بالمرض**

كل ما عليك أن ترقين نفسك بالرقيه الشرعيه لمده اسبوع او إلى أن تتعافي00


وهناك عشب اسمه ( العصفر ) مفيد جدا لك 00 تضعين عليه مويه مغليه وتشربينه

مهدئ للأعصاااب 00

وقد نهى الرسول عليه السلام عن ترويع المسلم 00

قال ( لا يحل لمسلم أن يروع مسلما ) رواه أبو داود وأحمد والطبراني


الله يشفيك ويريح بالك

__________________

والله بعض الناس ماتتفهم هالمواقف ويعتبروها سخيفة او حاجة مالها داعي

أنا في أمور جداااااااا تضايقني وفي نظر زوجي مالها داعي واحيانا يجيب طاريها ويمزح ويضحك

وبعدها معدتي يصير فيها الم لا يوصف وممكن اخذ مسكن وممكن يتطور الأمر لأكثر من كذا

عزيزتي

ماراح اقول لك تحكمي في مشاعرك لأن شي هذا بدر غصبن عنك ولكن أقول لك هكذا الحياة حاولي مع نفسك شوي شوي الى ان تستعيدي صحتك

وماحد بينفعك غير نفسك

فعلا احتاج طبيب نفسي وضعي جدا متازم ..
بسب مزحة سخيييييفة جدا ...