اشوف حبيبتي انك ما تدخلي اهلك بينك وبين زوجك مادامك لا تعرفين رده
انت ليش ما تخبري اولاده هم يؤثرون عليه اكثر من اهلك ,اكيد تأخذهم الغيرة على اخواتهم
مسألة عدم الغيرة
لماذا لا تقولي مأمن فيني او يعرف اخلاقك جيدا لذا لا يمكن ان يغار
ارى انه شئ يفرح ولا يعصب
يعني لو شك لو 0.001 خاصة انك صغيرة وهو كبير بالسن كان خلى حياتك جحيم بالغيرة فاحمدي ربك

كلش كوم وان السواق معاه مفتاح الباب الخارجي كوم ثاني!!!
الله يعظم أجرك
زوجك اهم شي انه يرتاح من المسءولية

طالما السواقين ماراح يسافرو

اطلبي منه طلب ثاني .. وهو
انك تنقلي المطبخ لداخل البيت حتا لو كلف الموضوع
بناء مطبخ جديد يكون بابه للبيت يعني ماتكوني تطلعي
للحوش عشان توصلي للمطبخ

ثانيا شبابيك البيت كلها تسوي لها حديد

ثالثا مفاتيح البيت كلها بيدك انتي ونسخه له
والسواقين لهم نسخة الباب الخارجي ( باب الحوش؛
فقط واذا معاهم اغراض يحطوها عند باب بيتك
والشغاله تدخلها

خيريه بين تسفير السواقين او تامين البيت بالطريقة
الي ذكرتها فوق


بالنسبة لطلوعك لحفلات ورجوعك متاخر
فهذا غلط سوا كانو سكااارا او لم يكونو
اذا طالعه مشوار وعارفه انك بتتاخري
نسقي مع حد يروحك البيت من محارمك
قبل ماتروحي الحفله
( اخوانك .. ابوك .. سواق اهلك ويكون معاه خواتك مثلا)
حد من عيال زوجك

واذا مالقيتي حد خلاص بلاها الطلعه من اصله

لانه حتا لو ماكان السواق سكران
وروحتي معاه بنص الليالي ولعب الشيطان براسه
وتهجم عليك راح يحملوك انتي الغلط
كيف تطلعي لحالك بهالوقت معاه
لذا ضروري تنسقي مع احد محارمك يروحك عالبيت
او احد صديقاتك او اخواتك او ابنا زوجك

__________________
سبحانك لا اله الا انت اني كنت من الظالمين

مع رأي الغالية بكل كلمة
لأنه زوجك معند يسفرهم
وإنتي أولا وأخيرا محتاجة دريول يقط
أمورك .. المهم خليك حاسمة بهذي النقاط

__________________

من راي الاخت ام سما رايها حل وسط بينك وبين زوجك

وايضا" حل منطقي من ناحية طريقة تفكير زوجك

__________________
الحمد لله

الله يصلحك عارفه وضعهم وترجعين متأخر للبيت؟؟؟؟
يعني وش بتستفيدين من مناسبة لو صار لك شي لا قدر الله
ولا لواحد من اطفالك بعيد الشر

وبصراحه يا أختي نقلهم من بيتك او لا .. هم مازالو موجودين
بحياتك ويودون ويجيبون... وش بتستفيدين اذا نقلهم وكان
أمان مؤقت؟
ما تغير شي نفس الدوامة ومازلت خايفه ومترقبه كل مشوار
كيف تنحل المسألة إذن برأيك؟

زوجك مثل ماقال لك شاري راحته
اطلبي سواق جديد
وترى انه يدفع للسايق نعمه
اعرف متزوجات حتى سايقها عليها

اغلب الكبار بالسن مايغارون اشوف ابوي كلشي عنده سهالات ماشاء الله،،عكس زوجي ناشب لي بكل شي،،مشكلة السواقين قفلي ع نفسك وانتهينا واذا جيتي تركبين معاهم اعتقد تعرفين شكل السكران يروج يمين ويسار لاتركبين معهم اذا كانو مو بطبيعيين ..اذا لهم سنوات عندهم اكيد واثقين فيهم

المستجدات اللي حصلت معاي

كلمت ابوي وقلت عشان خاطري عطني فرصه احل الموضوع معاه قال معاك اليوم بس وتعطيني رده فعله وانا اتصرف

طبعا ليتني ماقلت ل اهلي من البدايه زوجي ماعنده عقل ولا حكمه ولاذوق وانا كبرتها ع الفاضي


تخيلو بديت معاه النقاش بالادب والذوق قلت اشوفك ماصلحت شي ع السواقين واهلك يطلعون ويجون معاهم عادي ويودون المدارس

قال ايه عادي وش المشكله قلت انت قلت بسفرهم قال اهاا غيرت رايي وهم ماصلحو شي غلط
سكرو وانتهى الموضوع لحد هنا بالنسبه لي

قلت بس انا ابوي عرف وزعلان وحالف مااركب معاهم ويقول لازم يطلعون من بيتك وانك لازم تضم مطبخي ضمن البيت وتغير مفاتيح الابواب

جلس يضحك كاني قايله له نكته قال لاياشيخه اول شي البيت مو بيتك بيتي انا وحر بالتصرف فيه وثاني شي اللي خايف عليك يجي يحرسك وثالث شي لانك قليتي ادبك وتدخلتي باللي مايخصك ممنوع تطلعين معاهم ولامع غيرهم لو قلتي توبه وعادي اروح معاهم انا خلاص قررت ماعاد لك طلعات نهائي

الا لبيت اهلك ومره بالاسبوع وحسب مااقرر انا الوقت ولاعاد فيه عزايم ولاحفلات ولاخوال ولاعمان ولازيارات لنفاس ولاسوق تبين شي ضروري وضروري جدا اذا انا وافقت تجيبه امك غير كذا الدلع والطلعات ذي ماانتي كفو لها

قلت مو انا اللي سكرت ع فكره اللي سكران السواقين وش ذنبي تحبسني وانت تسافر وتطلع وانا انكتم بالبيت قال ذنبك مسويه فاهمه وانتي غبيه ولاتفهمين شي

سواقين وكفار ويشربون السكار مثل المويه ولااثرو على احد ومخلصين شغلي من اكمل وجه من حقهم يسكرون ماطلعو من غرفتهم هم احرار يسكرون بس بحدود

وانا تفاهمت معاهم وهددتهم اذا مره ثانيه صلحوها اسفرهم واعتذرو وكل البشر تغلط ومن واجبي اسامحهم

قلت طيب اول مره سكرو وهذي الثانيه عادوها قال مو انتي اللي تقيمين وتقررين متى يسافرون
حدك نفسك وبزود عليك

طبعا عصبت وقلت له اجل انا بشرب اذا الشراب حريه شخصيه وش بتصلح وقلت انت مافيك دم الي يمشي بعروقك مويه طبعا مسح فيني الارض قال ترى شغلي والتزاماتي الزم بكثير علي من خوفك اللي ماله مبرر

انتهينا ان مالك شغل في اي شي يخصني وانك ماعاد تفتحين الموضوع عنهم وانك مالك طلعه من بيتك الا ل اهلك

وش اصلح والله دمعتي عيت تجف قهرني مافيه اي احساس بالمسؤوليه

اخلي ابوي يتكلم ولا خلاص انكتم

امنيه حياتي اني اتطلق منه وارتاح من دمه البارد واعيش براحه نفسيه بس مقهوره ان عيالي مره متعلقين فيه وخايفه احرمهم منه وهم يحبونه بزوود

تكفون حطو نفسكم مكاني اسكت وارجع اطلع واجي مع سواقينه واطنش ولو صار شي لاقدر الله من يدفع ثمنه
ولااكبرها وادخل ابوي واتحمل رده فعله لانها ممكن توصل ان ابوي ياخذني لبيته لان ابوي مره مو راضي عن هالفكره

لازعل ولانقاش ولاادب ولامنطق يمشي معاه

الله يفرج همك ويكفيك شرهم

__________________
سبحان الله وبحمده..سبحان الله العظيم