السلام عليكم ورحمة الله وبركاته
أشكركم اخوتي على تفاعلكم معي بالموضوع بشكل سريع
وجاء لزياتري خطيبي او زوجي بمعنى اصح ليلة البارحة وعملت له عشاء متواضع واستدعيت والدي ليتكلم معه ويخفف عنه ويعطيه بعض عبارات التشجيع الناتجة عن خبرة ..
وانا ايضا تكلمت معه قليلا وقلت له ( وعسى ان تكرهوا شيئا وهو خيرا لكم) لعل ذلك النقل قد يكون نقل مسمى فقط ولكن قد يكون فيه اعباء كثيرة ومسؤوليات اكبر بكثير ونحن الان على وشك زواج قد تكون الترقية سلبية نوعا ما في وقتها اعني قد لاتستطيع ان تعطي وتبدع في هذا الوقت الحالي حيثما نحن الان منشغلان بترتيبات الزواج
هونها وتهون
اتركها على الله وتوكل على ربك ماتدري يمكن تجيك ترقية افضل واحسن
ممكن تجيك في وقت افضل ..
وربي مايسوي شي الا وفيه صلاح
كل هالكلام خلاه يرتاح وقاللي
والله لولا عباراتك وكلامك هذا كان انا الحين في اكتئاب شديد من كثر الصدمة بس لما اذكر انك معي وانك زوجتي واذكر بس همس صوتك اقول والله مافي شي يسوى انه اتضايق عشانه دام الغاليه معي هذا اهم شي عندي واهم من الترقية وماعلينا منهم عاد انا باقي شوي واتشقق من الفرح
ايه صح اختي ام مروة
انا في فترة الخطوبة ولكن في ملكة بيننا وانا لما قلت قبل الليل كنت اقصد انه جاي يزورني بالبيت فكان ودي اسوي حركة كذا تغيير تغير له جو
وشكرا
15-08-2004, 08:46 AM
ضوابط المشاركة
العرض العادي
