دامك عارفه غلطك وين خلاص ليش تطلبسن الاستشاره،،هو مايهتم بك ولابمشاعرك لانك انتي ماتهتمين فيها!!لو انك ماترضين الظلم لنفسك كان مارضاهالك،،عدلي لطباعك وسلبيتك وبيتغير هو بعدها ويصير يحسب لك الف حساب،،حبيه واحترميه وقومي بواجباته كامله بس انتبهي تقصرين ع نفسك شي او تخلينه يقصر معاك بشي ،،اطلبي حقوقك منه ،،واحترمي اهله وعامليهم معامله زينه واذا زعلو بلاسبب لاتقعدين تراكضين وراهم خليهم يطقون بروسهم جدار

شوفي بقولك شي
كل شخص يحب اهله ويقدرهم وهذا شي حلو
ولكن الحياه الشخصيه بينك وبينه ولهنا واستووووب
وانتي بعد اعطيتي لهم المجال في التدخل بحياتك
ولا تعتقدين انك اذا قدمتي لهم هالاشياء بيرضون
لان ببساطه رضا الناس غايه لا تدرك
والافضل تحاولين تخلين علاقتك فيهم رسميه
لان مو معقول بتقدمين لهم تقرير بكل شي
وترجعين لهم بحياتك الخاصه
والغلط هنا مو منك وحدك حتى من زوجك
الحياه الخاصه بينك وبينه مال احد حق يتدخل فيها
واحترميهم ايه لكن لازم يكون لهم حدود
حبك لزوجك شي حلو لكن ترا كل شي بوسطيه احلى
وسبحان الله كذا الدنيا ان اعطيتي ما تاخذين وان اخذتي صعب تعطين
وحطي باعتبارك تنازلاتك عن كل شي لها تأثير سلبي
على حياتكم اللحين ومستقبلا
لا تتعودين على الرضوخ لكل شيء مثل ما تحبينه وتعطينه هو بعد لازم يحبك ويعطيك
واقعدي معه وغيروا انظمتكم تغيير جذري
يا بنت الحلال وربي قهرتيني ليه تلاحقين وراها لييييييه عنها ما رضيت اللحين هو انسان فتح بيت وخلاص صار مسؤل عن نفسه
وعارف وش يسوي صعبه يرجع لها بكل شي
بنطلع العصر بنرجع الساعه عشره
طيب والى متى امه ويبرها واخواته بر بعد
قوي شخصيتك ولفت نظري رد احد الاعضاء
لا تعلقين قلبك بغير الله
يا قموره انتي مانتي اقل منهم عشان تجرين ورى رضاهم
وتبين نظرت بعض الناس بمجتمعنا
اللي يكون طيب ويعطي يقولون اهبل واللي ساحب عليهم رافعينه فووووق
اهله الحل تعاملي باحترام وكوني رسميه زعلو كيفهم
اي شي تسوينه ما نتي مجبوره تشاورينهم
واللي بيزعل يزعل مصيره يرضى لا ترااااضين احد وانتي ما غلطي
زوجك قلت لك الوسطيه زينه والتنازل الزايد مو حلو وبياثر مستقبلا
ويبي لك جلسه اعادة نظر في الوضع اللي انتم فيه وبالذات من ناحة اهله وانه يحطلك اعتبار ومو كل كلمه والثانيه جا يتفلسف عليك ولا تتنازلين عن هالشي
وان شاء الله تصير حياتك احلى شي
وعسى ربي يشفي جنينك يالغلا

__________________
... هذا المستخدم لم يعد موجودًا...~ حللونا ~

همسھٓ ....
إن مرت ذكرايےّ علےّ قلوبكم فاذكرونيےّ بدعوھٓ فيےّ ظهر الغيب..

جزاكم ربي الفردوس الاعلى وغفر لكم ولوالديكم
أنا مابي موضوعيينقل وأبي استشارة اخوي البليغ واختي قرين

والأخوات اللي ردو علي الله يجزاكم. كل خير
والاخت اللي تسال أليست والدتي بحق بالهدايا أنا الحمدلله موب مقصره معها ربي يطول بعمرها
وكل اللي كنت اسويه ابتغي في وجه الله ثم رضى زوجي وانا سمعت من شيخ ان فيبر لوالدين الزوج
وانا طبيعتي طيبه بزياده وماحب احد يزعل علي واهله والله اغليهم أنا ومقصدي رضا ربي وأشوف بر أولادي والذكر الطيب بين الناس مو راياء لا والله لوجه ربي بجد أنا حزينه لان تفكير البشر بالطيب انه غبي والله أنا كنت أبغى اكون وحده من بناتها لأني أشوفها مثل أمي بس حياتي صارت كلها مشاكل بسبب اشياء حتى أجهلها هو دائماً زعلان ويصارخ ومايعطيني اي مجال للمناقشه اصلا كم حاولت لكن هو مكابر سبحان الله نفس طبع اهله مكابرين يطلعونك غلطانه غصب عنك وهم اللي مايسون شي
دائماً أبدا واسألهم ليه زعلانين والله من باب ادفع بالتي هي احسن مو عن ضعف لا والله بس وصايا رسولنا ماكان نبينا ضعيف لكن كان صاحب اخلاق عاليه
بس أنا عجزت وأخاف بيتي يخرب لان اخر مره طلبت والله الطلاق وقلت لزوجي يكفي أهانه وضعف
بس هو يقول مستحيل افرط فيك ًلانه مستحيل في انسان بطيبتك بالوجود وربي عجزت ومدري وش الحل
أنا حامل وتعبانه ووضعي وضع جنيني خطير بس محد يراعني أبدا دوم اقول كأنك انت اللي حامل وانا أراعيك
جد ابي حل بس لا احد يقولي اغير طبيعتي وربي صعب عجزت والله حاولت بس ماقدرت
ساعدوني لان احس بدات انهار والله

الطيبه شي حلو وما يختلف على هالشي اثنين
انا ما اقول صيري انسانه قاسيه وشريره لا
طيبه اوكي بس لحد يتدخل بخصوصياتي ولحد يستغلني
ويستغل طيبتي
الناس تستغل الطيب وما ترحم
لا تقولين مقدر اتغير مافي شي اسمه ما اقدر لو كل واحد قال مقدر
كان الكل بمكانه محد تقدم ولا وصل للي يبي
حلو تمزجين الطيبه بالحزم والقوه
تعاملي باحسن ما يكون لكن لا تتنازلين عن حقوقك ابدا
ولا تسمحين لاحد يدعس لك على طرف
انتي تعبانه وليه تتعبين عمرك اكثر اش اللي يجبرك !!
قدمتي كل اللي عندك من تنازلات وش اخذتي بالمقابل
مثل ما تعطين خذي وحطي هالجمله براسك
ما ادري اذا رايي صح او خطاء هاذي وجهة نظري
ممكن بقية الاعضاء يفيدونك اكثر
ومتاكده الكل بيقول غيري شخصيتك الطيبه بهالطريقه تتعب حيييل

__________________
... هذا المستخدم لم يعد موجودًا...~ حللونا ~

همسھٓ ....
إن مرت ذكرايےّ علےّ قلوبكم فاذكرونيےّ بدعوھٓ فيےّ ظهر الغيب..

يعطيك العافيه اختي
والله انك صادقه ماخذت اي شي الا تعب نفسي
والله ابي اتغير بس كيف وكيف أبدا رايك سديد ومابه غلط بس
ابي حل انه اتغير وماتاثر اذا شفتهم زعلانين مني وانا مو غلطانه والله ودي
آخرها اليوم كنت اكلم اخته اسألها ليه زعلانه مني ويش السبب وانا اعرف ان مافي سبب سويته زعلهم الا أني طلعت. اتمشى وامهم زعلت هو هذا بس ودي اعرف منها ليش زعلانه مني هي وأختها وانا مابدر مني الا كل طيب
يمكن تعصبون مني لسلبيتي بس والله مدري ليه أنا كذا
ترى من كنت أنا صغيره بس اراقب عيون أمي زعلت مني لأني لعبت والا خليت واحد من إخواني ولعبت مع أطفال عمي او عمتي واذا ردينا البيت طول الطريق وانا اقعد اسألها انتي زعلانه مني انتي بتضربني انتي وانتي
مدري أنا ليه كذا تأثير الطفوله والا وشو بالضبط

انتي عارفه انك ماغلطتي معهم بشي صح ؟!
وكل اللي حصل انك تمشيتي كاي زوجه مع زوجها
وين الذنب اللي ارتكبتيه؟!!
بتقولين مافيه يعني انتي على حق
وانتي داخلك مقتنعه انك ما سويتي شي يزعل
اذا خلاص ليه تسعين ورى رضاهم
هل جا يوم زعلتي وسعوا في مصالحتك !!
هل يستشيرونك بامورهم الخاصه!!
هل تحاسبين امه ليه خلت بنتها تقص شعرها!!

ان كان كذا فنقول عادي وحده بوحده
وان كان لا جربي تسوين تصررفاتهم معك واجزم لك بيقومون الدنيا وما بيقعدونها
تدري ليه لانهم ماراح يرضون احد يتحكم فيهم ولا يعلمهم وش يسون
معناته اسلوبهم غلط وهم عارفين لكن يرضونه عليك وعليهم لاا

اذا كانت هاذي ردت فعلهم معك فلا ترضين لنفسك الا الافضل
ولا بتقعدين بمكانك ونفس المشكله طول حياتك
وان حصل وهذا احتمال ضعيييييف وتقبلوها
ورضيو بتحكمك فيهم يبقى بينا كلام ثاني

ممكن تكون ترسبات من ايام الطفوله
وكنتي تعانين من قسوة امك او ابوك معك واثر عليك
سلبا في حياتك لان فيه ناس يتاثر بشكل كبير من عنف الاهل معه في طفولته والبعض ما شاء الله ولا عليه باحد ,,,


اعيد وازيد كل شي بالوسط احلى لا تبالغين بالعطاء
وقوي نفسك وجربي مره وحده وبعدها بتشوفين الفرق
وعباره حطيها بين قوسين واحفظيها
[الا كرااااامتك لا ترخصينها لاحد مهما كاااان]

__________________
... هذا المستخدم لم يعد موجودًا...~ حللونا ~

همسھٓ ....
إن مرت ذكرايےّ علےّ قلوبكم فاذكرونيےّ بدعوھٓ فيےّ ظهر الغيب..

جزاك ربي كل خير على اهتمامك اختي
وفرج عنك كل كربه وغفر لك ولوالديك
دعواتك لي

جزاكم ربي كل خير بس ابي حلول تساعدني اتغير شوي

وليييه يهتم فيك وانتي تبيعين ذهبك عشان تدورين رضاه وتتنازلين عن ابسط حقوقك في سبيل رضـاه
ياحبيبتي الرجال يحبون القويه اللي تعطيهم العين الحمرا
اما الحبيبات اللي مثلك ياقلبي بيدوس عليك هو واهـله
لو استمريتي بيستمر وضعهم معاك
صيري قويه معاهم وكلميهم بجفاف
شوفي كيف بيتعاملون معاك وقتها