ما ابغا أعدي الموضوع خلاص تعبت من حركاته يزعلني وقت ما يبغا ويراضيني وقت مايبغا
أنا مولعبه عنده ليش ما يحسب لي حساب إِيش أنا بالنسبة له!!!!!

ليش اكبر عقلي مو هو الرجال ومسوي فيها سي السيد خلاص هو اللي يحافظ على بيته
أنا ماعاد تفرق معاي وصلها للسماء وعلى فكره لما جاء يراضيني كان يبغا علاقة زوجيه ما كان فارق معاه زعلي كل تفكيره بنفسه

؛؛
نتائج نصيحة زميلتك لك ؛؛
استمرار الزعل ثلاثة ايام .. وازدياد الفجوه بينكم ..

انتي اعرف بنفسك وزوجك .. رضاك حين يراضيك .. كرم اخلاق منك ومنه .
ويعتمد على اساس المشكله اذا تستاهل زعل ساعه او ثلاثة ايام او اكثر ..
وانتي وتقديرك للامور الطارئه بينكم ..

ويا اختي ليش تقدرين نفسك بطلعة مول او غيره ...
انتي قدرك اكبر ورضاك .. ولا تصغرين نفسك للتفاهات ..
فإذا بترضين ارضي تقدير لحق نفسك وعظم رضا زوجك عليك ..

__________________

ليش مركزين عليه هو لازم يعرف انه محاسب على تصرفاته مو طفل
شخص بالغ أكيد لكل فعل ردة فعل مو معقول يغلط علي
واسامحه عشانه فكر بعتذر واعتذار بارد مثل وجهه
ليش مايحسب لزعلي الف حساب صاير هين عليه زعلي
يراضيني بكلمتين واستكثر علي روحة مول

؛
طيب اهدي مرام ;
لو كان بالإمكان وبعد اذنك نعرف سبب زعلك منه ؟!
وماهو الخطأ الذي فعله لنحكم ؟


*واقرأي عن طبيعة الرجل وطريقة اعتذاره .. لكي تتوافقي معه ..

__________________

اختي الزوج اذا شاف زوجته تزعل على كل صغيره وكبيرة او تبكي طول الوقت على كل صغيره وكبيره خلاص يصير متعود على هالشي ومايهمه زعلتي رضيتي بكيتي هالشي يصير روتيني ورح يقول مو جديده انها تزعل مو جديد انها تبكي فهمتي !!

أما لو ماتزعلين الا ناااادرا رح يهمه هالشي وش فيها زعلانه وبيحاول قد مايقدر يعتذر لان زعلك مو دايما وغريبه زعلانه يعني اكيد في شي كايد ونفس الشي بالبكاء

هذي نصيحه الله يجزاها خير اللي نصحتني وحده من قرايبنا مارح انساها من الدعوات

لأن كلامها صحيح وجربت هالشي وبعدها تعلمت وتغيرت

جربي انتي وشوفي

حسب كلامك أخت مرام أنكما دائمي الشجار والتراضي السريع
ولكن ما هو الخطأ الذي لا يغتفر هذه المره من زوجك ؟

شقردية وابوحكيم بما أنكم حابين تعرفون الموقف راح احكي
الموقف لما جينا ندخل المول ولدي راكب ألعربيه وابوه يدفها
أنا كنّت أخذ شنطتي من السياره والتفت لقيته سابقني وداخل المول
جلست اللحق وراهم ودخلت كم محل حتى حصَّلته قلت وينك قال اشوف كراسي السياره
قلت تعال بنأخذ للولد ملابس وجلست أفتش بالملابس وهو يتفرج بجواله ومطنش
المهم قلت مافيه هنا شي كويس بنروح محل ثاني راح سبقني ويدف ألعربيه بسرعه
المهم ناديته وقلت خير ليش مسرع راح دف ألعربيه وقال ما ابغا اتمشي
وجلس على كرسي ونفس الشي يتفرج بجواله قلت طيب بسيب الولد معاك
قال لا خليه معاكي وتهاوشنا قلت بطلع من المول راح طلعني ورجعت البيت
وطلع يسهر ومارجع الا الفجر
وعلى فكره متعمد ينرفزني لانه مو كذا اذا طلعنا المول
ولا تخلقون له عذر لانه رجع من الاستراحة مبسوط ورايق

الله يهديك
تخلقين جو النكد بالقوه
مااشوفه سوا شي غلط
حتى طلعته من السوق انتي الي قررتي وهو نفذ قرارك
ليش الزعل
حرام تضيعين ايامك بالزعل والنكد على مواقف عاديه جدا

اختي مرام مارح اقول ان زوجك مو غلطان صح انه غلطان بس انتي لو جيتي له باسلوب رح يسمعك مثلا لو قلتي له انا طلعت عشان اتمشى معك اترك الجوال بس شوي ابغى اصير معك ... يعني من ذا الكلام

وفي أسلوب ثاني كمان انك تتركيه بحاله الين ترجعوا البيت اضحكي معاه وسولفي قولي له اليوم استانست معاك بالطلعه واذا ماقدرتي تجامليه بوجهه سوي له رساله ^_^

عاد لو تشوفين زوجي لو طلعنا يقعد يشوف برودكاست ومقاطع احيانا يترك واحيانا لا

وجيته باسلوب الرساله والله بعدها صار مايمسك الجوال لما نطلع الا للضروره

لا تنكدي على زوجك والله الرجال مايحبوا الحرمه النكديه

ربي يسعدكم