السلام عليكم ورحمة الله وبركاته
أنهار عذبه شاكره تفاعلك وشاكره نصيحتك
زوجي ليس بهذا السوء نعم يحب نفسه ويحب يهمشني ولكن مجرد اني اطنش يبدأ يصالحني ويجد لكل تصرف تبرير زوجي داخله متناقضات يعني حنون وقاسي صارم في قرلراته يوم يعيشني فوق السحاب ويعيشني في احلام وبعدين يتراجع ويقول انسي مدري ليه بإمكانه ما يعشمني في شيء
زوجي يشوف الناس يوم يتمشون ويطلعون وده يسوي مثلهم بس يتراجع بسبب عصبيته وسبب خوفه من انتقاد أهله وسبب حرصه على الماده
يمكن ما حبني ولكن دائما أحس انه يحبني أو يخاف من الفشل في علاقته بي أحس إنه ماهو سعيد كأنه مجبور في العيش معنا مدري داخله حزن أو خوف من المستقبل أحيانا أحسه يشعر بالتقصير تجاه أهله أكثر من اللازم يعني وأنا جالسه معه ومع بناتي يقول كل رجال عند أهله وأنا بعيد علما أن كل أخوانه ومجتمعه مستقلين عن أهلهم وهو يروح لهم كل يوم وأنا كل أسبوع اروح وأحوالهم الماده ممتازه جدا وصحتهم قويه يمكن اصح مني ومنه
احسه عايش وهو غير مبسوط يجي البيت وعلى طول ينسدح على السرير ما يتحرك نجتمع ونسوي حلى وقهوه ما يجلس معنا واذا جلس يجامل ما شوفه مستمتع بعكس يوم نروح أهله يكون مرح وتعامله مع البنات غير حتى احيانا استحي اخواته جالسات وهو يصب القهوه حتى اذا دخلوا المطبخ كل شوي يروح يشوفهم وذا بدوا يحضرون لازم يكون موجود معهم وانا والله ما يشوف الاكل الا على السفره عندنا احد ولا ما عندنا