الله يجزاكم الف خير على مروركم ..
متزوجه منذ 3 سنوات وسوف ادخل بالسنه الرابعه
وعمري 26 سنع وعمره29
كانت طريقه التعارف عبر منتدى وتعارف بكل احترام ثم اخذ رقم بيت اهلي وتاني اسبوع جاب اهله وتمت الخطبه..
من اول الزواج له نفس الطبع ماتغير لاكن كان هناك اسباب شي عن النضافه شي انه طفشان من حياه الزوجيه وحجج مالها اي داعي وطبعا نضل بالأيام مايكلمني لحد ماحاولت تفهمه وتفهم عالمه وماتركتله اي حجه ليقول فيها لو ..
اما الأن يدخل بغيبوبه صمت اسبوع اسبوعين انا وحظي ولاكن الفرق هالمره من غير سبب اسأله بأي طريقه وبكل الأساليب ومافي غير كلمه مافيني شي سلامتك ..
اشك ان على علاقه بأمرأه اخرى ولاكن لم احصل على دليل لحد الأن.لأن علاقته بي غير طبيعيه اطلاقا..
في الأمس تحديدا جبرني ان اذهب عند اهلي حصرني بالوقت والمشكله لما روح عند اهلي يتركني 3 ايام او اربعه ومع طفل وللمعلومه اهلي بنفس المنطقه لي عايشه فيها يعني مده مثل هذه تحتاج لتجهيز قبل وقت جا فجأه وحصرني بالوقت وحاولت اقصى جهدي ان ماأتأخر عليه لما ركبت السياره لقيته اخذ اخواته على ايكيا وهو لي غصبهم يروحو معه وانا من فتره اطلبه منه ان روح على ايكيا قلتله ايكيا وانا رايحه الأهلي كيف بتصير قلي اذا ماعجبك خليكي بالسياره احنا مندور..
نزلت من السياره وهو مايتكلم ولاحرف وانا ساكته طبعا افكر بكلمته كيف يخليني بالسياره وبالأضافه ان كبر كلام لأن ناديت ابني عشان البسه جاكيت صار يسب ويتحجج ان الناس سمعت صوتي مع ان بيني وبين ابني متر وماكان في احد وكنت بناديه بصوت بس يسمعني المهم ضل ساكت ومارضي يكلمني بالسوق وصار يلحق اخواته وتركني وتركت جوالي بالسياره لأن الشنطه كلبره قلت خليها بالسياره فضعت عنهم وجلست انتظرهم عند البوابه قلت الا ماشوفهم واسمع صوت وانا جالسه واذ زوجي جالس بالكرسي لي وراي لاكن في مسافه رحت لعنده وعاتبته بصوت خفيف ان وينكم حسبتكم رحتو وتركتوني قطع كلامي وصار يسب والله لربيكي والله والله وصار يحلف يمين ويسب بعدين جلست جنبه لأفهم شو لي صاير معه صار يقل اخرسي موقدام الناس مع العلم السوق فاضي ومافي احد وبعدها قام وقطع كلامي وصار يمشي لوحده تذكرت ان اخي شغله بنفس مجمع ايكيا قلت خليه يوصلني عند اهلي احسن مارجع معه طبعا هذه كلها افكار ماتكلمت بشي قلتله ان باخذ الشنطه من السياره قلي ابشري راح السياره قلي خذي شنطتك وابنك وانقلعي ومن هالكلام طبعا عادها الجمله اكثر خمس لست مرات بعدين اخذتها وسكر السياره قلت خليني حط الشنطه قدام بالنهايه ماودي تكبر المشكله اكثر مالقيته الا حلف 3 ايامين ان ماركب سيارته وقلي روحي خذي تكسي دبري نفسك وكان في واحد جالس بسيارته وكل مايشوفه يقلي والله لدفعك التمن غالي فضحتينا .. وبالفعل جيت لأخذ تكسي ولا اخواته طلعو من السوق واذ صار يقلي بتروحي البيت مافي بيت اهلك واذا تبي خلي اخوكي يجي ياخذك من البيت..
بعد مارجعت البيت بساعه ارسلتله رساله عتاب وشكر ان وصلتي بسيارته وماخلاني اخذ تكسي مارد عليي ولما رجع من سهرته حاولت كلمه بأسلوب مارد عليي ابدا حتى مارمى السلام ونام بالغرفه الثانيه..
طبعا لما كنت ضايعه ورجعت اخذت الشنطه قدامه طلعت الجوال اشوفه لقيته متصل كذا مره ومرسل رساله كاتب فيها ان هذه الحركات مو عليي وانا عارف وينك وليش مابتردي وفهمك كفايه..
ارجو المعذره على الأطاله ..

** زوجك يغار عليك وحاس بأنك مو مقتنعة فيه كزوج ..

** وكأنك قوية بالجدال فيلجأ للصمت بدل ما يجادلك لأنه عارف أن ما في نتيجة ترضيه من جدالكم

** لاحظي الأمور اللي تثيره وتجنبيها ( مثل الصوت أمام الناس حتى لو ظنيتي بأنه صوتك منخفض)
كثرة تكرار نفس المشكلة لكن بأشكال مختلفة تثير اليأس .

__________________

اشكرك اختي بيتا على مرورك ..
عندي تعليق على كلمه يغار هل موقف مثل يخليني بالشارع ومايخليني اركب سيارته وارجع بتكسي مع ولد من ضمن حدود الغيره ايضا..
صوتي كان منخفض جدا جدا ولم يسمع هو حتى يسمعنا الناس ..
بس حجه ان يكبرها وبالأضافه هو لي اصر ان اخذ الأغراض وهو لي ماخلاني اركب السياره واخر شي يقلي ناس وفضيحه ..
في بعد والبعد لي بينا واقف على شعره وبهالمشكله انقطعت هالشعره لاكلام ولاسلام حتى اغراض ماجاب البيت والله اعلم لمتى هذه الحاله ولو كلمته مايتكلم ..
اسأل الفرج من رب العالمين..

امين .. الله يفرجها .. تصدقي لو قلت لك أحس بعصبيتك وتوترك من عندي هنا ؟؟ يمكن لو اننا بجلسه وجها لوجه لسكت ووضعت بيني وبينك حاجز وأبعدت مثل زوجك بالضبط
في ناس حبيبتي ما عندهم قدرة أو قوة على الجدال .. أعرف أنه غلط لكن هذي هي شخصيتهم .. وأنا هنا حبيبتي ما أقول انه معاه حق بطريقة معالجته لمشاكلكم لكني أحاول أشرح لك حتى تفهمي زوجك لأنه عنوان موضوعك عجزت عن فهمه ..

في أمور نقدر عليها وما نخسر شي لو سويناها ... صح مو مقتنعين فيها ونشوف أنه الصواب عكسها لكن برضه لو سويناها ما نخسر شيء كبير بحجم خسارة علاقتنا بالشخص اللي نعزه

زوجك يوجهك بإتجاه معين .تجاوبي معاه بدون ما تتعبيه وتحاولي تقنعيه يغير رأيه لأنه بالنهاية انتي اللي خسرانه معاه بفشل علاقتكم .

مثلا .. قلتي أنه كان ناوي تظلي بالسيارة لما رحتوا ايكيا وينزل ويا خواته .. بعدين قلتي انك نزلتي ..
طيب .. كيف تغير القرار ؟؟؟ أكيد بلحاح ونقاش شديد بدليل أنه بعد ما وافق لك سكت عنك وتجاهلك داخل المحل ... هل نزلتك تستاهل كمية الغضب اللي ولدتيها عنده ؟؟
داخل المحل وبالرغم من أنك عارفه طبيعته وعارفه أنه غضبان وقتها وأكيد راح يتصيد لك الغلطة ويقفل عقله عن أي تبرير وعذر .. كان أجدر بك أن تكوني حريصة جدا ما تضيعي .. كيف ضعتي عنهم وانتم مجموعة سايرين ويا بعض .
نقول كل واحد ممكن يضيع وأمر ما قدرتي عليه ... طيب ... لما وجدتيه ليش مصره تناقشي وتجادلي وهو قاعد يسكت فيك ويقول لك بعدين .. المفروض سمعتي منه بدون ما تحاولي تكوني رأي خاص فيك بأنه في أحد أو مافي أحد وتنفذي اللي براسك انتي .. رجلك معصب ومقهور ..أقل ما فيها أسكت وأمتص غضبه بطاعتي له إلى أن يهدا
أعتذر إذا كلامي يضايقك .. كل غرضي راحتك واحتمال في أشياء ما أعرف عنها .
رأيي هذا ممكن يكون قاصر لأنه بناءا على موضوعك هذا فقط ما رجعت للمواضيع القديمة

__________________

اشكرك جزيل الشكر على نقاشك في المشكله
كل الذي قلتيه صح 100٪ ولاعليه غبار
لاكن للتوضيح فقط ذهابي معه ونزولي من السياره ومشاركته التسوق كلها ماساهم فيها واحد بالميه كلها مبادره من عندي عشان ماتكبر المشكله..
دائما ابادر لكي لاتنقطع شعره معاويه التي بيننا واذ اوقفت مبادره تنقلب على راسي القصه كلها ويصير الباب يوسع جمل..
صوتي لايستطيع سماعه نقاش لايناقش هذه بشكل عام مهما كانت المشكله طبعا هذا لايمنع شعور الكره الذي بداخلي اتجاهه بعده جفاه وضعني بموقف ان لاأتحمل منه شيئ..
هذا هو صامت ومايجي البيت رغم رساله الأعتذار لي ارسلتها ورغم كل غلطه اعتذرتله ومارحت عند اهلي ولما رجع البيت كلمته مارد ..
محتاره بموقفي ارجع كلمه روح عند اهلي حتكبر المشكله ومستحيل تصغر ولما كلمه مايرد هو انسان في خير لاكن اتوقع مو لي اشعر به ان مافي حب بينا الغلطه معه شي مرعب واصغر كلمه ياخذ موقف واسابيع مايتكلم طبعا من غير الأيام العاديه الي يصمت فيها بدون سبب..
اختي بيتا شاكره لك مره ثانيه يكفي انك تحللي التفاصيل وتعطيني حلول..

اعانك الله اعانك الله

اثابك الله اتشكر مرورك..

__________________

جزاك الله أخي أبو مريم على مرورك ..
بالفعل هناك فجوه كبيره وكبيره جدا ..
لم تكن إي علاقه لي قبل الزواج ولاكن منذ سنه تقريبا رأي في جوالي برنامج شات كانت مابداخله محادثات عاديه جدا جدا طبعا صارت مشكله كبيره جدا ووصلت لطلاق..
وبعد فتره صارت مشكله مع العائله مع زوج أخته أكتشفو أنه متحرش بنصف بنات العائله ومن ضمنها أنا وطلعت القصه براسي ولما وضحتلهم كل شي بالتفصيل صرت بموقع شك دائما رغم أن صارحته بكل شي وهو عارف ومتأكد أن زوج أخته السبب وأنا مجرد رقم من البنات الي طلب يتكلم معهم ورفضو لاكن خبيت عليه القصه لأن لو تكلمت حتقلب علي ماحبيت قولها عشان ماتكبر ولما انكشفت كبرت علي طبعا أنكشفت من صديقه زوجته جت واشتكت عمايل زوجها معها فحققو مع صديقات العائله طلعو كلهم محاول يكلمهم حتى بناتهم وانا من ضمنهم لاكن ماتكلمت لأن موقفي ضعيف جدا وزوجته تغار عليه غيره جنونيه ورغم هذا الشي ماخلصت ..
عفوا على الأطاله لاكن للتوضيح أن هذه سبب الشك المستمر ومن وقتها وأنا عايشه بحياه شك وإي تصرف بسيط عفوي مباشره يحطني بذمته حتى لما يكون رايق يحط كلام بين السطور أنه مو مرتحلي وأن لازمني مراقبه ..
طبعا من جهتي ماخليت طريقه لأستعيد الثقه لاكن مافي فايده حتى طلبت منه يحط كاميرا بالبيت وبدون ماعرف ولايقلي رفض وهو يائس من حالتي ..

ذهاب لأهلك طبعا لا ..

حل مشكلتك يبدأ من منزلك




مشكلتك لها جذور يجب عليك حلها والصبر على طول المدة , قد تحتاجين لشهور حتى تصلي لما تحبين

لكن النتائج سترضيكما بإذن الله

الصبر وحبه من جديد

وتلمس مواطن حاجاته وما يحب وإكرامه بها

والدلال والإبتسامة

أعيدي بذور الحب في قلبه

ولا باس بجلسة حوار هادئة وإن رفضها فأنهي موقف الرفض بذكاء وقولي : لا بأس وإن رفضت الحديث .. فلأجلك ولأجل حبي لك ولأجل صغيرنا ستكون حياتنا أجمل

واصمتي

دعيه يقلب الجملة في خاطره

ودعيها تمسح عنه وهم النفور السابق


ويتأمل خيرا


وإن عاسرك أو لم تجدي سريع استجابه فلا تتراجعي .. ربما يختبرك ويرى جديتك في التغير

اثبتي واصبري وتذكري أن أقل ما تفعلينه أنه لوجه الله ولأجل رضى زوجك فحقه عند ربه عظيم


واستصحبي معك الذكر واللجوء إلى الله والصدقة والإستغفار

وستكونين بخير حال بإذن الله