توت بري...ليه الحلو مايكمل ؟؟؟!!!


فلسطيني... نصايحك حلوه وراح اجربهم بس بعض الاحيان ماتكون عندي اني اصارح زوجي .


hoba..انشاء الله اخلي زوجي يتكلم زي ماخليتي زوجك يتكلم .

أسيل..يعني قصدك من كلامك اني مو لازم اهتم اذا يمدح فيني ولالا ... لا انا احتاج اسمع منه كلمتين حلوين .
وحرام ان زوجك ماتفاعل معاك في الاشعار
انا نفس الشيء عطيت زوجي كم من خاطره وماحسيت انه اهتم منهم

ومره قلت له ودي انك تكتب لي قال بكتب لك بس قال اذا تحقق لي هذا الشيء راح اكتب لك

لا طبعا مو هذا قصدي
انا ابي اوصلك فكره انك ماتكبرين الموضوع ولاتاخذين هالامور بحساسيه حاولي انك تكتشفين جوانب ثانيه
يعني مثلا انا زوجي مايحب الاشعار ولا يهتم لكنه انسان عاطفي جدا وهذا اللي حبيته فيه واذا ودك تسمعين منه كلام حلو استخدمي الاسلوب اللي قال لك عنه الاخ رومنس مثلا اسأليه عن رايه ؟؟!! قولي له وش يعجبك كذا والا كذا؟ اي اكثر ؟؟
واذا ودك بكلام حلو ارسلي له مسج انتي اكتبه
مثلا اكتبي له فيه احبك ، وحشتني ، اموت فيك

وشوفي وش يرد عليك
حاولي انتي اللي تحركين الجو وشوي شوي بيتعود وبيصير احسن صدقيني
وخلي في بالك ترا الناس اللى تعرف تتكلم كويس وتتغزل واجد تراهم ناس بياعين كلام !! ومغازلجيه في اغلب الاوقات !!

خلي في بالك ان كلام الحب والاطراء مايقوله الا اللي فعلا يعنيه وصادق فيه ويقوله من كل قلبه ماهو دهان سير او متعود يقوله لالف وحده قبل لا يتزوجك !

هذا انا من جديد يا لوتس اشحالحج رديت عشان اكتب اللي امسح عني البارحه بالغلط

شوفي يوم بتطبخين اي شي نقول برياني اساليه شو رايك فيه بيقولج طبعا لذيد انت لاتسكتين عنه قولي شو رايد في الملح مناسب والا ازيده طبعا بيجاوب عشان يتغدى اسأليه شو الدجاج المره هاي الذ او اللي قبلها خلج تقريبا اسبوع او اكثر بعد اسبوع اسكتي شوفيه كيف بيفتح حلجه وبيبدي رايه في الاكل


الشعر:
اذا حبيتي تصبغين شعرج خليه يشاركج مثلا خليه يشوف الصبغات قوليله الاحمر احلى علي او الاسود او تفضل الكستنائي انزين الهايلايت شو تحسه افضل مع هذا اللون (بس لاتاخذين بنصيحته لانج بتخافين من النتيجه) انزين القصه تحسها على طول الشعر او اقصره افضل وووووو لين يتكلم روحه بدون ماتسالينه عن الشعر والوانه



الملابس :

اذا لبستي فستان قوليله شو رايك فيه اتحس ان القصه حلوه والا اذا كانت مائله احسن انزين الشيفون احلى علي والا الحرير الاحمر احلى علي والا الفوشيا بعد فتره لا تسالينه عن فساتينج وشوفي بيستوي مثل البلبل يغرد بصوت عذب


ملابس النوم او قمصان النوم :
نوعي له مره طويل ومره قصير ومره مختصر مفيد ومره خيوط تكشف اكثر ماتستر ولا والعطر خليه يوم حاشر ويوم هادي ويوم بدون عطر والمكياج ركزي على الشفايف والعيون واختاري روج ماروني احيانا لانه يخلي الشايف مثل التوت فيبرز جمالج ولاتسكتين في هذا المرحله بالذات خليه يفكر في اللقاء الحميمي وانت اساليه شو رايه اف لبسج اليوم مكياجج طبعا هو بيرد بسرعه لانه يبغي ينهي موضوعه لكن خلج اذكى منه وكملي اسالتج لين ايحس انه خلاص وصل درجه الصفر وبعدين رومنس عاد كملج الباقي وهو مجرب ويدري ان شاء الله ما اكون طولت عليج واكون افدج بعد

بايييييييييييي ايدي اتكسرت من الكتابه