الله يجزاكم خير
ااحس بالحراه اكثر الاحيان تقريباً واذا حسيت بالحراره احس بصدري ممتلئ
والحمدلله كشفت علي الدكتوره تقول مافيه شي
اما المضاد توني بديت استخدمه من البارح والاغراض من قبل
وبالنسبه للبرد انا الايام اللي فاتت كنت اتروش يومياً وامر ع المكيف تتوقعين منه؟
اماالفطام احس صعبه احرمها منه خاصة انها ماترضع كثير
شاااكره مروركم

الحمدالله والشكر لله عز وجل مافيك الا العافية ان شاء الله تعالى وصدقيني ان الحرارة سببها تجمع الحليب بصدرك حاولي انك ترضعين الصغيرة بإستمرار واهتمي بأكلك زين التغذية الصحية ضرورية للمرأة المرضع طيب تاخذين مانع حبوب والا عندك طرق اخرى لمنع الحمل انتبهي اذا كنتي تاخذين حبوب احتمال ان الحبوب لها دور في الحرارة اي مانع حمل تدخل فيه هرمونات يسبب مشاكل للمرأة سوى حبوب او إبرة او لصقة كلها لها تأثير لأنها هرمونية تغير كل شئ بالجسم وتلخبط كل شئ عندك الله يكون بعوننا يالحريم ويكتب لنا الأجر والثواب حياتنا كلها مشقة وتعب في الحمل والرضاعة وحتى لو الوحدة فينا بغت تريح شوية لازم تاخذ مانع ولو اخذت مانع يأثر عليها وعلى جسمها بالكامل شعرها يتساقط واما تنحف او تسمن والدورة تخربط عندها هاذا غير الحالة المزاجية والعصبية الله يعين ويرزقنا بالأجر والثواب

بالنسبة للمضاد استخدميه للمدة اللي ذكرتها لك الدكتورة وكمان حاولي انك تاخذينه على وقته مثلا اذا كان ثلاث مرات يكون كل 8 ساعات واذا كان مرتين معناته كل 12 ساعة حاولي تضبطين مواعيد شرب الدواء وتكون معدتك مليانه لازم تاكلين زين قبل اخذ الدواء والمضاد حلو اذا سمح الله وفيه هناك التهابات فيروسية او بكتيرية يقضي عليها ان شاء الله بس انتي اعطيتي الدكتورة خبر انك ترضعين علشان الطفلة ما تتأثر من المضاد

لأن اي دواء تاخذه المرضع ينفرز مع الحليب فانتبهي لطفلتك

وبالنسبة للفطام بنتك عمرها تسعة اشهر ماشاء الله احس ان توها صغيرة فلا تمنعيها من صدرك ماشاء الله تبارك الله اذا كان الحليب بصدرك يدر زين فلا تمنعيها لاكن لو انه الحليب اللي بصدرك ماهو كثير ومايكفيها وانتي تتعبين حاولي انك تدورين لها بديل وعلميها خليها تاكل اخلطي لها بالخلاط رز ودجاج وادام وخففيه بشوية موية خليه مثل السريلاك وحطيه بالثلاجة واعطيها منه كل مابغيتي تأكلينها طلعي جزء منه وسخنيه واطعميها بالملعقة بالبدايةراح ترفض لاكن مع الوقت ترجع تتقبله واعطيها زبادي وملوخيا بالأرز والله انها زينه ماشاء الله تبارك تزيد وزن الطفل وترفع عنده نسبة الدم دائما اسويها لأطفالي وهما صغار


المهم توهتك طلعتك من موضوعك ودخلتك في موضوع غذاء الطفل

انتي الحمدالله مافيك الا العافية ولاتفكرين ولا توسوسين

صدقيني وانا اقولها لك الحين انك طيبة ومافيك خلاف وكمان

بنصحك نصيحة لك ولغيرك لا ترضعين بنتك قدام احد ماتثقين فيه

ترى العين حق انا الاحظ بعض النساء ان طفلها لو بكى على طول تطلع الثدي وترضعة بدون ماتحسب حساب للي حولها
اعرف امرأة عز المعرفة ولدت ولما روحت لبيتها كانو يجونها الحريم يزورونها ويباركون لها وكان كل ماصحت بنتها المولودة

شالتها ورضعتها والحريم عندها والله انها ماكملت اسبوعين الا وهي تعبانه وطلعت لها كتلة بالثدي وامتدت لتحت الإبط ولما راحت تسوي فحوصات وتحاليل طلع عندها مرض السرطان الله يحفظنا واياكم منه وحولوها لرياض على طول وعملوا لها تحاليل وجدوه منتشر عندها بنسبة عالية وصل حتى لركبتها ونخاع العظم والله انها كانت تمشي على رجولها رجعت على عربية متحركة يدفونها واستأصلوا لها الثدي كامل واليوم يعالجونها بالشعاع وكمان ودوها عند مشايخ رقاة رقوها واعطوها ماء وزيت مقري فيه والحمدالله اليوم طيبة صارت تمشي على رجولها ومواصلة على العلاج بالمستشفى في الرياض نسأل الله ان يشفيها ويشفي مرضى المسلمين اجمعين يارب

وربنا يشفيك ويعافيك لعيالك يارب وماتشوفين شر ياجمو

طهور ان شاء الله طهور و ماتنسين طمنينا عن احوالك يالغالية .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

الله يجزاك الف خير ياام سلطان
وان شاءالله ماتشوفين شر انتي وكل من يعز عليك
الحراره والم الثدي خف الحمدلله بس التعب والوهن والدوخه باقي
اتعب من اقل مجهوود
انا عندي نقص فيتامين د
هل ممكن يكون السبب؟

الله يسلمك ويشفيك ويعافيك يارب والحمدالله انك ابتدت حالتك تتحسن بفضل الله عز وجل

بالنسبة لتعب والوهن احتمال يكون من نقص الفيتامين اللي

عندك فيه مكملات غذائية لنقص الفيتامينات بالصيدلية وفية اقراص فيتامينات تباع بالصيدليات خوذي لك منها علشان تعوض النقص اللي عندك اذا ما قدرتي تعوضين النقص عن طريق التغذية .

واتمنى لك الشفاء ودوام الصحة والعافية يارب .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

الله يجزاك خير ويسعدك دنيا واخره
انا اخذ اللحين فيتامين د
والله يشفيني ويشفي مرضى المسلمين

السلام عليكم
الحمدلله ع كل حال بعد سنه رجعت لي نفس الاتعاب
بس الفرق المره هاذي صدري مايألمني
بس زياده غثيان
ونفس الشي احساس كأني علي حمى وانا مافيني حمى
بس احس بحراره داخليه وتعب ووهن ورجفه بجميع جسمي
حتى اعمالي المنزليه تتعبني يادوب اسوي اي شي واروح انام
والصداع مره متعبني
ادعوا لي بالشفاء

عزيزتي جمانة لاباس عليك ان شاء الله

حبيبتي انصحك تعملي تحاليل الغدة الدرقية
يمكن تكوني حامل ؟؟

الله يجزاك خير
حللت الغده وطلعت النتيجه سليمه الحمدلله
بالنسبه للحمل لايوجد حمل
وهذه الحاله تتكرر معي بعدما اغتسل من الدوره بيومين!!!

الله يشفيك شفاءً لا يغادر سقما ومرضى المسلمين
واسأله سبحانه ان يفتح لك من ابواب رحمته وعافيته ..

اعملي تحاليل شامله .. فالاحتمالات عديده ..
وارقي نفسك عند النوم مثل هدي الرسول عليه السلام كل ليله ..
انفثي في كفيك الإخلاص والمعوذتين .. وامسحي ما استطعتي من جسدك ..

__________________

لما كان عندي فقر دم كنت كذا ..
حتى بالصلاه لما ارفع نفسي اطيح ..
حللي فيتامينات دم ، كالسيوم ، دال
طبيعي يحصلك نقص وانتِ بمرحله رضاعه ..
الله يعافيك ..

__________________