25-11-2014, 03:27 AM
|
المشاركة الأصلية كتبت بواسطة املي في الله
بخصوص تجديد اللوك انا اصبغ شعري في البيت لان المشاغل عندنا ما ترحم الشعر .. كل ثلاث شهور اجدد نفس الصبغه وكل ست شهور صبغه جديده .. اقص اطراف شعري منتصف الشهر احبه طويل لكن كل سنتين اقص قصه قصيره وبعدها ارجع اطوله ..
المكياج ما احب استخدم غير الكحل او الماسكرا وقلوس فقط الا اذا مناسبه خاصه بثقل مكياج العيون ولا استخدم كريم الاساس او البودره مطلقا .. |
25-11-2014, 03:31 AM
|
المشاركة الأصلية كتبت بواسطة .Queen
رجعت لك ياعسل ... ياحياتي تسلمي انتي المميزة  احاول اختصر كلامي وارتبو قد مااقدر ... قبل ماابدا بنظامي بكتب الاشياء المهمة الي مااستغنى عنها .. (الترمس .. السدر .. السكر .. والملح الطبيعي .. ماء ورد) >>> طبخة سارت  ...واحب الزيوت بالنسبه لي ( السمسم .. اللوز .. جنين القمح .. الاركان ) طبعا الزيوت طبيعيه افضل .. .. طبعا كل دي المكونات مجهزة بعلب بدولاب بالحمام ... *المقشر ..( الملح واضيف معاه اي زيت من الزيوت الي عندي ..لكن اكتر شي احب زيت السمسم ) *والماسك (السدر والترمس مع مويه الورد ...وبعض الاحيان الترمس لحاله او السدر لحالو ) السدر ... والترمس ... مامتي ماتستخدم غيرهم وماشاءالله عمرها نهاية الخميسين وبشرتها مشدودة وصافيه مرا ... والمرطبات مااستخدم غير مرطبات طبيه .. سيتافيل وبيوديرما ارتحت عليهم مراا ... وزبدة الكاكو .. والشعر مرة بالاسبوع احط زيت بشكل مكثف واعمل مساج ..وباقي الايام مسحة بس .. الوجة .. مرة بالاسبوع احط اي ماسك ماعندي شي معين .. لكن اهم شي اهتم بالمرطب ... حمامي الصباحي : قبل ماابدا شغلي بالبيت ..احط بجسمي زيت اللوز او الاركان والبس لبس مستر ... وشعري امسح عليه بشكل سريع من برا والاطراف باي زيت كمية قليله مرا ... عارفة انو غلط الزيوت بشكل يومي بس لاني استخدم الفير بشكل يومي تقريبا فلازم اعوض ... بعد مااخلص شغل البيت اتحمم واستخدم يوم مقشر ويوم ماسك .. بعد المقشر او الماسك لاني مااحب ريحة المواد الطبيعيه استخدم بعدهم اي شاور جل من اي ماركة .. ومااهتم بالماركة لان الاهم عندي الريحة .. واستخدمو بشكل سريع عالجسم لاني احسها تجفف بشرتي مرا ... والمرطب استخدم زبدة الكاكو من بالمرز على جسمي وهوا مبلول .. صح ريحتو مش ولابد .. لكن هوا الوحيد الي نفع مع السيلولايت ويخلي بشرتي مرطبه طول اليوم ...وبالنسبه للريحة تخف بسرعة وتروح مع العطور... حمامي ورتيني قبل النوم : مااحب استخدم غير السكر اعشقو يخلي البشرة حرير ... احب اخلطو مع زيت الاطفال من جونسن ...واخليه جامد شوي واحطه على بشرتي وهيا مو مبلوله مرا ... طبعا بعدو مااستخدم شاور جل ... والمرطب استخدم بيوديرما للجسم والوجة .. واستخدم لوشن معطر باماكن النبض بس وبعض الاحيان اسغني عنو ..حسب المزاج ... والوجة ... ازيل الماكياج بغسول بيودرما مرا خفيف على البشرة ويزيل الماسكرا بسهوله ... وبعض الايام استخدم غسول سيتافيل ... هما افضل اثنين للبشرة بالنسبه لي .. الشفايف : بعض الاحيان اقشرها بسكر ناعم مع اي زيت .. واستخدم مرطبات من كدا ماركة بنكهات  اما عيوني.. استخدمت حولين العين كريم لويس ويدمر .. و اكحلها قبل النوم بكحل الاثمد .. ورموشي كنت استخدم ماسكرا من قزاز مرا فادتني .. لكن دحين احط مسحة فازلين خفيفه مراا ... واحس رموشي طولت اكثر .. قدمي ... لازم فازلين وشراب .. ويدي لما يدخل زوجي بالنومة  احط اي مرطب واكثر والبس قفازات ..،،، *الحمام المغربي مو كثير احبو .. يعني استخدمو ممكن كل شهرين مرا ... واطول ممكن ... والحمدلله دا نظامي من 10 سنين واكثر ... والحمدلله مااشتكي من مشاكل ببشرتي وشعري .. (بالنسبه لمويه الورد ... خدامتنا الاندونسية نصحتني فيه مكعبات ثلج للمنطقة الحساسه .. لو حابين اقول نصايحها الثانية ماعندي مانع بس اخاف يوقفون العضويه هههههههههه ... بس نصايح تجنن زوجك  )طبعا انتو تحسو الكلام كثير ... لكن كلها حمام بالنهار نص ساعة .. وبالليل نص ساعة ... ومع الاستمرار مستحيل تشتكي من مشاكل بالبشرة .. . .gif "ge") اما تغير اللوك .... اكثر شي اغير بطريقة اللبس والماكياج .. وبطريقة شعري ... اما الصبغة قبل سنتين صبغتو غامق قريب من شعري عشان اريحو من الصبغات فترة طويله ... ودحين اتمنى اصبغ فاااتح مرا لكن مااحب منظر الصبغة وهيا نازلة .. وضميري يأنبني لما اصبغ ...  والقص مااحب الشعر القصير لازم يوصل لاخر ظهري ولا مااعتبرو شعر .. بس ادرجو على خفيف ... واعشق الغرة اقصها كل فترة تخليني كيوت  وبس كثرت عليكم هدا وانا احاول اختصر .. ايش اسوي احب السواليف دي  |
25-11-2014, 03:54 AM
|
المشاركة الأصلية كتبت بواسطة عاشقة القهوة
شفتي كيف يا عسل مشاركتك مميزة فعﻻ
بالله خلي اﻹندونيسيات في حالهم هههههه صح خبره بس بﻻش خلينا ع الفطرة اجل لو تعرفي انها قالت لي دا الكلام وانا عمري 17  و الله شجعتيني على منتجات بيوديرما بإذن الله اجربها انصحك فيها مرا جميله ... طيب كيف السدر و من وين تجيبيه مطحون و ﻻ كيف ؟! السدر اشتريه مطحون من عطارة المرواني بالمدينة ماادري لو فيه بمكة ... هوا افضل محل يبيعه نضيف .. كنت بسألك لما شفت قناع السدر 》بس كيف عشان السيلوليت ﻷن قناع القهوة بالنسبه لي عشانها و الحمدلله اختفى بفضل الله السدر مو للسيلولايت ... هوا للتفتيح اكتر شي .. الترمس ينفع اتوقع للسيلولايت لانو يشد البشرة مرا ... بس كيف زبدة الكاكاو من بابمرز عشان السيلوليت >>> ازاي تجي دي فهميني هو الكريم من ماركة بالمرز معروف ينباع بالصيدليات ... قصدي ان هوا الوحيد الي خفف لي السيلولايت .. ماادري عاد فهمتي او لا ممتازة عنايتك ما شاء الله بس صعبه احفظهم انا يادوبك استمر على نظام معين عشان يسنتر في مخي و يكون روتين ما احب مره في اﻹسبوع اعمل مدري ايش و مره تانيه ﻻ مخي كسﻻن بس فديتيني كثير و الله شكرا لك |
25-11-2014, 07:55 AM
25-11-2014, 08:19 AM
|
المشاركة الأصلية كتبت بواسطة عاشقة القهوة
بسم الله الرحمن الرحيم
السﻻم عليكم و رحمة الله و بركاته وعليكم السلام ورحمة الله وبركاته كيف عنايتكم اليوميه بالبشره و الشعر عنايتي اليوميه اني لازم أكل تفاح وسلطه واشرب ماااااي كثير وللعلم التفاح يعمل خدود جربت لمدة شهر تفاحتين باليوم والنتيجه جميلة و كل متى تجددوا اللوك بالصبغه او القص او او ؛؛؛؛؛؛:: عني انا اهتم بنفسي عناية يوميه و اسبوعيه بس تغيير اللوك مأجلته لين ما اولد ان شاء الله بعدين صح فيه ناس يغيروا اللوك كامل كل 3 شهور ﻷن احس فيها ارهاق للشعر و متى يمدية يطول !! ممكن اجدد بالمكياج يعني مكياج برونزي مكياج خفيف بدون مكياج مكياج دخاني و هكذا طيب ببدأ انا بعنايتي اليوميه // * ازيت شعري قبل الحمام بزيت سمسم * اغسل شعري بالمويه البارد و شامبو و بلسم و ارفعه * اعبي البانيو مويه حاره و اجلس فيها 5 دقايق تفتح المسام * احط بيكربونات الصوديوم ع الركب و اﻷكواع ( عندي في الحمام البيكربونات و خلطات ثانيه جايتكم فيها ان شاء الله ) كيف تحطيها وأيش الفايده منها؟؟؟؟؟ قبل ما ادخل الحمام عندي علبتين اجهزهم قناع لوجهي و هو ( شوفان + نشا + زبادي ) بمقادير متساويه ملعقه من كل شي و في علبه ثانيه اجهز خلطه من ( زيت زيتون + قهوة تركيه + سكر + ليمون ) برضه مقادير متساويه اللي يكفي جسمك كثير أسمع بهالوصفه ومو داخله مخي كيف بتفيد يعني  هل شفتي نتيجه مرضيه منها * المهم بعد ما اتنقعت في المويه الحاره اصرفها و ادهن القناع على وجهي و ادهن جسمي بالخلطه اعﻻه اجلس 5 دقايق و افرك جسمي بعدين افرك وجهي ﻷن القناع ينشف و الشوفان يساعد ع التقشير* بعدين اتروش عادي * لما اطلع من الحمام عندي في الفريزر موية ورد و بقطنه ادهن وجهي منها و احط لجسمي لوشن يوم الجمعه من كل اسبوع حمام مغربي يالله هاتوا نظامكم و ﻻ تبخلوا # * بس كنت بقول ترا نظامي سهل و ﻻ يأخذ نص ساعه للي متعود لنا شرحته حسيت كأني سكنت في الحمام اكرمكم الله |
25-11-2014, 11:48 AM
25-11-2014, 03:17 PM
|
المشاركة الأصلية كتبت بواسطة .Queen
مشكورة انتي عالموضوع الجميل
|
25-11-2014, 03:21 PM
|
المشاركة الأصلية كتبت بواسطة سمو الأميرة
مره الموضوع جميييييييل
بالنسبه لعنايتي بجسمي مرررره حأكتب كلام كتير بس استحملوني ☺️ انا جربت كتيير اشياء وتوصلت اخيرا لمعلومه مهمه سمعتها في برنامج اجنبي وفرقت معايه كتير ، انه الإهتمام بالبشره والجسم والنعومه يبدأ من الداخل قبل الخارج ، يعني ركزي اهم شي على تغذيتك الصحيه والعصيرات الفرش والفيتامينات واشربي مويه كتير وحللي الحديد ولو ناقص خدي حديد مفيد للشعر والبشره دا اهم شي بالنسبه للأعشاب والطب البديل كل فتره انتظم على شغله وفعلا احس بالفرق وافرح بالنتيجه يعني شربت الصمغ العربي ( ممتااااز ) واستمريت عليه لكن طعمو مش ولا بد اخذت بذور لقاح النحل ( علاج للتجاعيد ومناعه للجسم ) ومن عيوبها انها تفتح الشهيه والان صرت اخد ملعقه من ( خلطة زنجبيل وماش وفلفل حلو ) احطها يوميا في كوب الحليب والفلفل مفيد للرحم وسمعت عن العسل والزنجبيل ينحط على السرة لكن ماجربتوو ويقولو انه يصفي البشره ان شاء الله حأجربه احس اني طولت في القرقره ههههههه دا بالنسبه للإهتمام من الداخل وان شاء الله اذا مداني حأرجع واكتب لكم كريماتي وعنايتي اليووميه سلااام ياحلوين |
25-11-2014, 03:25 PM
|
المشاركة الأصلية كتبت بواسطة ندى_1406
الخلطة حق الوجه الي ذكرتيها أعملها بلاسبوع مره ومره أعمل عسل لوحده وهلايام بجهز ماسك البرتقال بقولكم عنه قريبا
بالنسبة لشعري مااصبغه أحنيه بالشهر مره وأعمل له حمام زيت بلاسبوع مره وكريم جونسون الوردي شي اساس بعد الحمام وزبدة معطرة من مكياجي للأماكن الي تجف بسرعه ومثل ماقالت سمو الاميرة الاهتمام يبدا من الداخل علشان تبين النتيجه مثل مانحب |
25-11-2014, 03:27 PM
|
المشاركة الأصلية كتبت بواسطة وحشة روحي ♡
ي عساكم على القوه يارب
ابي شي يكثر الرموش واستمر علي ممم مدري عن زيت الخروع هو مضمون اولا حطته صديقتي وسبب لها كيس دهني في العين ياكرهي للخلطات ابي افضل شي بانتظاركم ياطيبين |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
