شوك

اقول شي بس لا تخاصميني ^^

امي كنت أتمنى انها تحضننا و نحضنها ..
اشتريت بطاقة لامي عشان اهديه لها و انا أولى جامعة

جلست البطاقة معايا لحد دحين
عشان كنت اخجل أقدمه لها و ماقدمته لها الى الان ..

تداركت الامر هذا مع أولادي و الحمدلله

.
.

صرت دحين و مرات مع اخواتي تلاقيني اعمل حركات و يدفوني ( لانه عندهم جفاف عاطفي برضو خخخخ )
و اجلس اضحك و يضحكوا البقية

أمسك اختي و احضنها غصب
تقوم تدفني و تقول ( يووووه انقلعي ) <--- معليه اختي اصغر مني بس دفششششة و نسميها حامد ولد هههه
بحركة فجائية أبوس خدها و الكل يضحك و هي تدفني اكثر

مرات مافي مكان في الكنب لو تجمعنا عند وحدة من اخواتي
أقوم اجلس فوق اي وحدة .. و يدفوني ( بعدي )

.
.

امس اسال ولدي الكبير ( لانه شايف حاله كبير )
اقول له ( تحب ماما ! )
سااااااكت و حرك راْسه انه ايوة

قلت له ماني سامعة ايش تقول ؟
قال ايوة

سألته ( ايوة ايش ! )
بس جلس ساكت و محرج مني

قلت له ( قووووووول ايوة احبك يا ماما )

.
.

اليوم رجعت و سألته .. ابغاه يتعود
خاصة اني انشغلت عنه فترة مع اخوانه الصغار

لما سألته اليوم ..
جاوبني و قال ( احب ماما )

قلت له طيب تعال و اعطيني بوسة ..
و مدحته قدام اخوانه و قلت ( حبيبي ولدي .. يحب ماما مرة كثير )

.
.

جربي ..

و لو كلامي أزعجك ( مررررررة سوري <--- خافت هههه )

تجربة رائعة ،
و ممتن لحضورك ، دمتِ بود و سعادة

__________________
لقاءات مع اللاشئ

علينا ان نتقبل بعض
بما انا تقبل نفسي بكل حب بعيوبها قبل حسناتها
علينا ان نتقبل بعض بكل حسناتنا و عيوبنا
المكان يجمعنا لنتعاون و نتساعد
و الكل يكتب و لا يعلم عن ظروف و مشاعر و أحاسيس الاخر
فل نجعل ل اخواننا و اخواتنا هنا سبب و عشر أسباب قبل ان نحكم
ممتن لحضورك و مشاركتك
و منتظر تجربتك لدعم الموضوع .

__________________
لقاءات مع اللاشئ

هههه
لما قلت لبناتي تقنية المراية ضحكوا علي
لما جبت لهن مقطع لبنت تعمل التقنية
تقريبا تغيرت نظرتهن
ممتن لمشاركتك و حضورك

__________________
لقاءات مع اللاشئ

موضوع لا اريده اثار حفيظه ومخاوف البعض
البعض بتخاف تكون نهايتها مثلها
وفعلا الي مايزرع ورد ماراح يحصد ورد
موضوعها خلانا نفكر وخلا الي يعانون من جفاف عاطفي يفكرون
والله الكلام والحنيه والاسلوب والادب مافي منها
تلقاها بمحبه الناس و الاولاد و الزوج
خاصه الاطفال
كثير يعانون من اهلهم
بس لانهم ما يشبعون عاطفتهم ومكشرين دايما
الطفل ما يذكر اشتريت له صرفت عليه درسته
يذكر الللحظات الحميميه
واشكر لااريده على شجاعتها لكتابه الموضوع
لانها لامست الكثيرين
من العابسين الكئيبين
وممكن تغيرهم ليش لا
انا عن نفسي بستفيد من موضوعها
وبحضن ماما واي طفل وصديقاتي

الأحضان نعيم وجمال واحساس ما ينوصف !

مع زوجي وابنائي متعودين دايما نعبر عن حبنا لبعض بالأحضان

من صغري تعودت وانا في بيت اهلي على كذا

والدي يسافر بالشهور ويجي في ساعة وحدة باحضانه وحبه وحنانه يعوضنا عن كل فترة غيابه ويقلب لنا جو البيت فرحة وسعادة

والى الآن يحضن أمي قدامنا وهم الاثنين على نهاية الخمسين الله يطول في أعمارهم

ماشاءالله
الله يخليكم لبعض

اختي الله يعافيك اي وسواس تقصدين ؟
الوسواس القهري؟
كيف تعالجتي منه انا اعاني منه من عشر سنوات

اعذريني لسؤالك هنا
ردي عليه بالتفصيل برساله خاصه يا اختي لاني اريد التفاصيل عن حالتك وكيف تعالجتي

فانا اعاني معاناة شديده منه
الله يجزاك خير ويفرج همك

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

لو سويت مع اخواتي هذي الحركات شكوا باني غير طبيعيه وعندي ميول شاذه
او ابغى اتزوج بسرعه!!!

اخواتي واعرف تفكيرهم

الشاطره الطبيعيه عندهم اللي ما عندها عواطف حب وحضن وبوس
واللي عندها ينخاف منها ويشك في سلوكها لا تجيب لنا فضيحه او عار لان عندها حركات غريبه!!!!

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

مجتمعنا صصعب و جاف
نادر مانلاقى أمهات يقولون لأولادهم كلمه حلوه نااااااادر ماتصير
حتى الحب بينهم وبين أولادهم يخلونه حب مشروط
أنجح عشان أحبك وإذا مانجحت هالسنه ماأحبك و و و و إلخ !!!!!
إن شاء الله هالأسلوب الجاف و الجارح مستحيل أطبقه مع أولادي
لأني أنحرمت و جربت الحرمان من العواطف و الحنان
أصعب إحساس ممكن يمر فيه الطفل إنه يحس بالغربه وهو بين أمه و أبوه

__________________

اللهم أكفني ما أهمني بما شئت و كيفما شئت إنك على كل شيء قدير