احتى هونى على نفسك . المشكلة ان شاء الله تنحل . الحشيش من الممكن تبطيله مش زى المخدرات والعياذ بالله تحتاج لأطباء علشان يعينوه على التوقف لكن الحشيش هو لو اقتنع هيتوقف من نفسه وبسهوله باذن الله بس لازم ارادة واقتناع.
اكتبى له جواب عرفيه فيه انك عرفتى بأمر الحشيش وان ده يخرب البيوت ويغضب الله ويذهب الصحة وانك بتخافى عليه اكثر من اى حد فى الدنيا ولازم تنصحيه لأن ده واجبك وانك مش عايزه تواجهيه وجها لوجه كى لا تحرجيه فأنتى تحترمية وعرفيه انك بحثتى على النت وعرفتى اثر وعواقب تدخين الحشيش وهى كذا كذا كذا وانك منتظره منه جلسه هادئة يصارحك فيها بنيته هل سيقلع ام ان كلامك لم ولن يؤثر فيه وانه ان لم يرد عليكى فمعناه انه رافض تدخلك بالموضوع وفى هذه الحاله سوف تتصرفى بما يمليه عليكى عقلك وضميرك. واتركيه يفكر وان لم يرد فعلا يبقى يسفرك عند أهلك لحد ما يلاقى له حل كوسيلة للضغط عليه. ولكن احذرى الحده والشدة فى الكلام لأنه ممكن ما يكونش فى عقلة ويضربك او يطلقك لا قدر الله . اتبعى سياسة النفس الطويل والله يكون بعونك.