طبب معلش انا عايزة اسأل حضرتك هو دلوقت غير انه مبيكلمنيش مبيطلبش مني حاجة خالص حتي الغدا بيجيب معاه اكل ليه وهو جاي من الشغل ، اعمل ايه بأة انا تعبانة ومكتئبة جداً، برده ابعد عنه ؟ انا خايفة ببعدي عنه يفتكر اني موافقة ع قرار الانفصال، ارجوكي ردي علية معلش تعباكي معايا

ما تعبتيني حبيبتي أتمنى من ربي أني أقدر أفيدك

بصراحة هو ممكن يفتكر كده ... امممم ممكن تكلميه كم كلمة بس أنه مكنش قصدك وانك بتحبيه .. لكن ما تلحي عليه .. وارجعي سيبيه لوحده

__________________

معلش انا جديدة في المنتدي ازاي اطلب مساعدة الاستاذ رؤوف؟

اكتبي بردك هنا .. أود مشاركة الأخ رؤوف .
والادارة حيغيروا العنوان

__________________

استأذن الادارة في مشاركة الأخ رؤوف وشكراً

اقتباس:

المشاركة الأصلية كتبت بواسطة يسرية11 استأذن الادارة في مشاركة الأخ رؤوف وشكراً

بنتى يسريه
اولا اشكر ثقة الاخت بيتا فى واتمنى ان اكون عند حسن ظنها ..
ثانيا انا اب ولدى بنت وزوجة ابن لذلك عندما اناقشك ساناقشك من هذا المنظور .
قد اكون قاسى قليلا فى ردودى ولكن تاكدى انه لمصلحتك ..
واضح ان اعماركم صغيره وحديثى العهد بمشاكل الزواج ولكن لى ملحوظتين ..
الاولى تكرار تنازلك وعدم المطالبه بحقوقك وابسطها العيش بكرامه ..
ماالذى تخشين منه .. الطلاق
طيب اعيش ذليله ولا اتطلق بكرامتى ؟
ثانيا ايه حكاية بكاء الرجل هذا ..
انا لا استسيغ ذلك الا حينما يشعر الانسان بقهر شديد ولا يملك التصرف ..
ارجو منك الهدوء قليلا ..
هو يريد ان يشعرك انك لا تمثلين له شيئا وهو يستطيع ان يتدبر اموره بنفسه دون الاعتماد عليك ..
وهذا غير صحيح .. فان صبر لبعض الوقت فلن يصبر كل الوقت ..
اجلسى بحجرتك ولا تفتحى مواضيع ولا تتاجاهلى الرد عليه ..
ان كان لك رأى فى موقف لا تربطيه بتصرفه بل ردى الحقيقه ..
انتى استكبترى تخرجى يديك من العبايه لبرودة الجو وهو فهم انه استعلاء على كلامه ..
كان ممكن تتابطيه وتتدفى والنتيجه واحده ..
لا يوجد حل سحرى ولكن انتظرى قليلا ..
لا تتنازلى ولا تعاندى ..
انتظر ردك ورايك .

السلام عليكم استاذ رؤوف، اشكر اهتمامك كثيراً، انت معك كل الحق في كلامك انا دائماً كنت اتنازل لأني احبه واعلم انه يحبني جداً ولأنه دائماً يبدي ندمه علي ما فعله ويقول اني انا السبب لاني استفزه حتي يخرج عن شعوره لكن بعد سنوات من الزواج لم اعد كذلك بدأت اسيطر علي تصرفاتي واسكت حين يتنرفز علية واتركه حتي يهدأ ويشعر بغلطه وفعلاً بييجي يعتذر،
في العادي دائماً اشعر بعدم ثقته من حبي له فهو دائماً يسألني انتي بتحبيني، انتي سعيدة معايا ودائماً جوابي نعم احبك ومقدرش اعيش من غيرك، لا اعرف لماذا يبكي الان انا قلت له اني لا اريد ان اتركه واني لازلت احبه بالرغم من ضربه وسبه لي ولاهلي واني مجروحة منه، هو يقول انه يبكي بسببي لانه قرر ان لا يكمل حياته معي او نعيش مع بعض منفصلين وهو يبكي لان القرار صعب
انا محتارة وتعبانة جداً مش عارفة اعمل ايه معاه ولماذا هو يشهر بهذا القهر وهو صاحب قرار الانفصال؟انا احبه ولا اريد ان اهدم بيتي لانه في اوقاتنا العادية يكون طيب وحنين حتي مع اولاده ولا يقصر معنا في شئ، هو الآن فعلا لا يكلمني ولا يطلب مني شيئاً وانا بالفعل اجلس في غرفتي وهو يجلس لوحده ،ارجو ان تكون حضرتك قد تفهمت وجهة نظري ولك جزيل الشكر.

طبعا فاهمك يايسريه والمواضيع دى مش حاتنحل فى يوم وليله ..
احتفظى بهدوءك ولا تفتحى معارك الان حتى لوجلس لوحده شهر ولا يكلمك ..
المهم هو لماذا يسألك عن حبك له .. ما الذى يهز ثقته فى حبك له ؟
لا تدفعيه لقرار لا تريديه ولا تنهارى ان هددك بالطلاق ..
فكما وضع الله سلطة الطلاق بيده فهو يتحمل نتيجة قراره ..
نامى دلوقتى وقومى على الفجر صلى وادعى لربنا ان يصلح احوالكم ودائما اجعلى المصحف رفيقك ..
كمان لا يصح ان تقولى احبك ولا اريد ان اتركك بالرغم من ضربه وسبه ..
ماهو حاجه من اتنين اما غلطانه يبقى ماتقوليش ضربنى ..
او مش غلطانه يبقى ماتسمحيش انه يمد ايده ..

لا اعرف بس كل فترة يسألني انتي بتحبيني ومبسوطة معايا اقول له اه طبعاً بحبك وسعيدة معك، انا لا اقول اني مش غلطانة ممكن يكون رد فعلي عليه غلط بس لا يستاهل رد فعله هو من ضرب واهانة هذا هو قصدي يا استاذ رؤوف، هو دائماً او غالباً في ااغلب المشاكل بيننا يهددني انه سوف يتركني وكل مرة اتحايل عليه واقوله انا بحبك لكن هذه المرة عندما هددني ف اول الامر قلت له وانا ايضا زهقت من اسلوبك ومبقيتش قادرة استحمل . بصراحة انا مش فاهمة هو عايز ايه شوية يقول قررت مكملش معاكي بس مش هطلقك عشان دي آخر طالقة ويخيرني اننا نعيش مع بعض منفصلين وشوية يظهر لي انه لا يريدني نهائي ولا هو بس بيهددني .علي العموم حاضر يا استاذ رؤوف لن اتكلم معه في شئ، شكراً مرة اخري ع وقتك وتعبك معي جزاك الله كل خير

شوفى يايسريه ..
انتى بايدك تخلى اللى قدامك يحترمك او يهينك ..
يوم ماتكونى غلطانه ماتحدديش انتى مقدار التصرف الذى امامك ان كان يتناسب مع الخطا ام مبالغ فيه ..
طالما مخطئه يبقى تسكتى وتعدى العاصفه وبعدين فى الوسع تعتذرى عن خطاك وليس فى حينه اعتذار المرعوب ..
هو لما ضرب واهان مالقاش موقف صلد امامه لانك كنتى تشعرين بانك مخطئه ..
هو يقول نعيش منفصلين لانه يخشى التطليقه التالته وهو لا يهددك بزوجه ثانيه ولكن الطلقه التالته لن تعودى له الابزواج اخر لك ومتاهه نحن فى غنى عنها ..
ان طول فى الهجر فمن حقك ان تشتكى لوالده عن معاملته او والدته ولكن لا تركزى فى شكوى الهجر عن العلاقه الحميميه ولكن ركزى على الجفاء والبرود فى التصرف دون جريمة منك .
لى ملحوظه ..
اراؤنا نابعه من عرضك للمشكله ونحن لم نسمع الطرف الاخر وانتى ادرى بالحقيقه
نصيحتنا ليست قرآنا ..