السلام عليكم
اسمحي لي اختي ، ردي الاول كان على عجل ، والان لدي وقت كافي لقراءة الموضوع كامل، والمشاركه.
انتي مشكلتك موب بسيطه ، وبرضوا مش كبيره الي تخليك معصبه ومتحامله على زوجك لها الدرجه، مهماً كان هذا ابو عيالك.
ما ادري ليش انتي متحامله عليه لها االدرجه، هل انتي جالسه ببيت اهلك مغصوبه، او مو راضيه، وتقولين مبسوطه وفرحانه، يعني ليش الزعل ، وبعدين هو مواعدكم ببيت كامل لك ولعيالك، وش تبين اكثر من كذا.
اما على مسأله السفر وللحين ما فتح الموضوع قدامك ،
... لا تقولين انا اثق بأخوي واخوي ما يكذب، اخوك صادق وعلى العين وعلى الراس ، ولكن ممكن الرجل للحين ما صمل ، ممكن هون ، ممكن أجل الموضوع ، وبيقول لك في الوقت المناسب ، الا يعني بيسافر ولا راح يقولك.
وبعدين انا ما ادري ليش ما فاتحتيه با الموضوع الي مخليك معصبه ومتضايقه لها الدرجه الي تقولين لو يخيرك بين الطلاق والاستمرار معه لطلبتي الطلاق ، الي هو السفر، كان ممكن تلمحين له ، او حتى تسألين له ، مو طاريك تسافر اي مكان ها الصيفيه ، او وش رايك نروح نتمشى سوا بأي مكان ، ودي اخفف على اهلي شوي ، يعني من ها القبيل وتفتحين الموضوع وتعرفين كل الي تبين.
ابي اعرف لو ان اخوك ما قالك انه بيسافر ، ممكن اعرف وش بتسوين ، او وش كان موقفك الان تجاه زوجك، ترى السالفه ما تستاهل وانا اخوك.
الحل انك تكلمينه سواءاً با الصراحه او با التلميح وتشوفين ردة فعله او وش عنده.
اما مسأله الفندق وما الفندق، الي ابي اعرف حاجه وحده، واتمنى تجاوبيني بصراحه، انتي تقولين وخذا الي يبي وردني لبيت لأهلي ولا قال لي عن موضوع السفره.
هل انتي مغصوبه، هل انتي ما تبين ها الشيء، هل قالك ماراح نسويها وسواها وانتي ما تدرين او ماكان عندك خبر ان ها الشيء بيصير، جد اختي ترى تحاملك على زوجك غرييب حييل واول مره اشوف وحده متحامله على زوجها كذا وتتكلم فيه كذا.
صدقيني وانا اخوك ، لما تقولين اكيد عنده شيء ثاني يخليه يصبر عن زوجته شهر ، صدقيني وربي اي رجل بحالتكم عنده مورد ثاني سواءاً حلال او حرام صدقيني ما راح يكلم زوجته ويصرفها بكل الطرق عشان ياخذ ويحصل قدر الامكان منه قبل لا ترجع المدام.
على اي حال انا ما ابي اطول اكثر من كذا ، ولكن نصيحتي الاولى والاخيره تقربي لله وخليه سبحانه الملجأ الاول والاخير، ومنها كثري من الاستغفار وطلب الهدايه والستر والصلاح والتوفيق لك ولأهلك ولبيتك وعيالك.
ثانياً: لا تقولين دخل بحماره ومدري ايش ،، ترى هذا زوجك وابو عيالك ، وانا ما اشوفه سوا شي غصب عنك ، انتي راضيه با اللي يصير ، ومالك اي حق با التحامل عليه، با العكس انا اشوفه موب مقصر مع تحفظي شخصياً بوجودك عند اهلك كل ها الفتره وهذا وجهة نظر شخصيه بحته.
ثالثاً:
انصحك بأحترام زوجك بوجوده وغيابه ، ترى عندك ابناء وبنات وصدقيني يتأثرون با اللي يصير من حولهم، وترى الأطفال يحفظون كل صغيره وكبيره ويتأثرون فيها. حتى وان كنتي تحترمينه، حتى انتي شخصياً اذا احترمتيه صدقيني بتحبينه من احترامك له، وجربي وشوفي.
الله يوفقنا ويوفقك
27-07-2009, 01:29 AM
ضوابط المشاركة
العرض العادي
