هههههههههههههههه الله يقطع ابليسك والله اني مت من الضحك على ردك خلطت الفصحى بالعاميه وانت مبين انك منغبن وودك تسافر ومنت قادر والموضوع جاك على الجرح خخخخخخخ ،

عموماً يا اخوات انا كرجل متزوج ولي تقريباً سنيتن ونص من الزواج إلى الآن ماسافرت من دون زوجتي ، ولكن ويعلم الله اني اتمنى اسافر من اصحابي ولو يومين بس ، والسبب ان السفر مع الزوجه أو حتى مع الام والاخت بإختصار مع الحريم عامةً ، فيه شوي تحفضات ويحد نوعاً ما من الحريه ، يعني يكفيني انا ( خالد ) اني لو سافرت من واحد من خوياي بيكون بالي مرتاح وراسي فاااضي بالمررره من اي (( مسئوليه )) انام متى ما ابغى ، اصحى متى ما ابغى ، اطلع وارجع ومافيه اي وقت او اي خطه تمشي عليها ، ما افكر غير بنفسي ،، يعني كذا الواحد يحس كأنه طييير .

ولكن بشرط / بداية الاجازه تسافر انت وزوجتك لمدة على الاقل اسبوع ونص ، وبعدها تقدر تسافر من خوياك وانت بالك مرتاح . ماظلمتها ، ولاظلمت نفسك .

أول شي بقول للأخ بديع الزمان الله يعطيك العافية ويوفقك مع زوجتك والله محظوظة المراة الي زوجها ما يستغنى عن وجودها الله يسعدكم ، الاسباب إلي ذكرتها يا اخي مهما كانت لاتعادل تعريض الرجل لنفسه ولزوجته للفتن في هذا الزمن نعم اكيد لسفر الرجل مع اصحابه ميزات واسباب لكنها لا تكفي ابدا لتركه لزوجته واطفاله وحرمانهم من حقوقهم واقول للأخ خالد الذابح إن الهوى يضيع الإنسان فلو تبع الإنسان هواه ورد موادر الهلاك يعني ضاع وضيع عياله علشان وناسته لا تقول مجرد يومين او اسبوع في بلدان كلها فساد والله ما تدري متى تجيك الفتنة ، وعلشان تحس تخيل نفسك مكانها بس تخيل وشوف كيف الاحساس صعب علشان وبعدين وين التضحية تطالبونا نضحي بكل شي علشانكم وانتم ما تبون تضحون بشي علشاننا !!!!!!! سبحان الله لو اكلم صديقتي بالتليفون ودخل زوجي لازم انهي المكالمة علشانه وهي مجرد مكالمة اشلون سفر !!!!!! والمصاريف ما هي حجة لأن المراة ممكن تساعد زوجها وتتقاط معها واش رايك يا بديع الزمان ؟ ممكن ولا لأ

عن جدا أكره هذي السالفه
بس الحمد الله زوجي ما يحب يروح مكان من دوني
ولا يحب طلعت الاصدقاء
ذا بيطلع في الشهر مره وكل طلعته ساعتين أو ثلاث
ما يحب يطلع الى معي أي مكان
ويقول أنا كذا مرتاح
أمون عليكي
بس إذا بسافر مع أهلي أو أصدقائي بيصير وضعي غير
مرتبط فيهم
وما أخذ راحي بكل شيء
والله لدرجه أني أجلس أنا ويه وأولادي بالفندق ثلاث أيام ما نطلع
بس في السويت تبعنا
وعادي
والسواق ما نروح له كثير يمكن مراه أو مرتين بس في سفرتنا
ومبسوطين
بس أعرف وش يريحه
ويعرف وش يريحني
بكذا نكون مبسوطين
والحمد الله
وما شاء الله علينا
بس أشوف أختي وشلون تنقهر من زوجها
إذا طلع مع أصدقائه ولا سافر معهم