طبعا كان عندهم عرض اخر السنة قيمتها الاصلية 245 الف واخذها 200 الف

__________________
سبحان الله وبحمده سبحان الله العظيم

غاليه 245 ..

المرسيدس غالية يا فليكا.

بس تستاهل صراحة.

قبيل زواجي كانت عندي وحدة .. وظلت عندي حوالي أربع سنوات وشوي ... مريحة وممتعة.


وقبل شراء سيارتي الحالية كنت أرغب في مرسيدس دفع رباعي .. فاتصلت بالوكالة .. كان عندهم عرض وباقي ثلاث سيارات.

زوجي كان في الدوام وهو اللي المفروض يتمم عملية الشراء .. فالموظف قالي على الأقل ادفعي عربون ألف عشان أحجزها لج.

طبعاً استخرت .. لكن زوجي رفض إني أروح أدفع العربون باعتبار إني عيب أنكشف على رجّالة .. وقال: انتظري لين أرجع.

وسبحان الله استخرت على السيارات الثلاثة .. وبعد كل استخارة تطير سيارة ويشتريها حد .. لين طارن كلهن.

لذلك عندما طرحت خيار المرسيذس الآن على زوجي كنت مهيأة للرفض .. وما جادلته أبداً .. وكأنني اقتنعت أن الله خلاص ما بيكتب لي المرسيدس أبداً.

__________________


اللهم طِيبَ الأثر .. وحُسْنَ الرحيل.

ممكن تضعي لنا صورة الكاديلاك الكروس اوفر؟

__________________

هذي

XT5

__________________


اللهم طِيبَ الأثر .. وحُسْنَ الرحيل.

جميلة قايلك، بس اللون وش رايك فيه!؟ ربما بالطبيعة يكون أحلى
بالنسبة لي أقبل أي لون لو فسفوري ماعندي مشكلة

__________________
ياصبحِ لاتِقبل !!
عط الليل من وقتك..

جميلة بالبركة
حتى لونها حبيته
بس يا مهرة لازم تعطيني اعمل لفة اموت بالسيارات الجديدة الجميلة

فعلاً اللون ما أدري كيف طالع .. مع أنه المفروض فضي.


عموماً الألوان اللي أحبها في السيارة تقع بين درجات الفضي والرمادي .. وما أحب مثلاً اللون الأبيض أو الأسود.

وباقي الألوان أحسها .. ممممممم مثل لون الشنطة أو الحذاء عزك الله أو حتى العباية .. ممكن ألبس عباية كحلية أو بيج في يوم ما من باب التغيير أو إذا اقتضت المناسبة .. لكن مجمل عباياتي وأكثرها استخداماً هي ذات اللون الأسود.

يعني مثلاً ممكن أسوق سيارة حمرا مرة أو مرتين عن خاطري .. لكن السيارة اللي بتم معاي سنين لازم تكون فضية أو رمادية.

__________________


اللهم طِيبَ الأثر .. وحُسْنَ الرحيل.

فهمت عليك، ماتحبي الألوان التقليدية أو الألوان الفاقعة
اللون البنفسجي حلو للبنات يبدو لي

عموما اللون الفضي لون جميل وهادي

والفسفوري وش رايك فيك

__________________
ياصبحِ لاتِقبل !!
عط الليل من وقتك..

الله يسعدج يا وفا .. ذكرتيني بعضوة كانت معانا .. الله يذكرها بالخير ويسعدها وين ما كانت .. أول ما طلعت سيارتي الحالية وكتبت عنها في المنتدى كانت تقول لي: خذيني فيها لفة.

هالكلام كان من حوالي سبع سنوات.



على كل حال .. أنا بعدني ما استقريت على قرار نهائي .. واليوم طلعت بخيار جديد .. وباشوف نقاشي مع زوجي على شو بيستقر.

الخيار الجديد هو انفينيتي QX60

__________________


اللهم طِيبَ الأثر .. وحُسْنَ الرحيل.