يا اخي الحمد لله انا انسان تقي واعرف ربي جيدا .. وعارف الفتوى وعارف ان الاستمتاع بين الآلتين حلال بدون إيلاج .. واكثر من مره اقول لها ابحثي في قوقل عن الفتوى وهي تشوفها بنفسها .. وتوافقني وبعدها بدقائق فقط تغير كلامها !!!

ومن ناحية إفهمام أهلها .. في كل مره اقول لها نفس كلامك تقول لي يفهمومها مثل ما يفهموها المهم اننا رجعنا لبعض !!!

المشكله انها شايفه اني فرحان اني رجعت لها والحمد لله على كل حال انا ما كرهتها .. ما رفضت الطلاق الا عشان بنتي فقط .. لكن الفكره الي اهلها اخذوها عني تقتلني كل دقيقه مليون مره ..

طبعا سويت تعديل, انا اقصد توضح اهلها.

في كلامي اقصد هي تتيقن من الموضوع اذا هو حلال ام حرام وليس انت.

اذا هي مو مصدقه, الحل الوحيد انك تتكلم مع اهلها واخبرهم باللي حاصل.

.

__________________
الجنس: ذكر

افهم زوجتك انك متضايق جدا من تصرفها ... وان نظره اهلها لك تزعجك جدا .. واطلب منها ان توضح لأهلها انك لم ترتكب محرما
و انك يجب أن تعرضها لطبيب ..

الم يوصلوا القضيه للمحكمه لانهم ظنوا بك السوء .. حتى انت يجب أن تثبت براءتك سواء باقناعهم او بدليل واااااجد جدا

النظره لك هذي بتطول مادمت لم تثبت براءتك وانا ما الومهم ..

لكن الطلاق ابدا ابدا ابدا ليس حل ولا اثبات لبراءتك .. بالعكس بينشرون السالفه وهي ستعتقد انها على حق وان فعلك حرام

__________________
أعلل النفس بالآمال ارقبها .. ما أضيق العيش لولا فسحة الأمل

حاولت اكثر من مره اتواصل مع اخوها الكبير بحكم ان عمي الله يرحمه متوفي .. لكن بدون اي فائده ..

بكل مره نتواصل ابين لها اني متضايق جداً .. لكن لا حياة لمن تنادي ..

انا عارف أن باب الحل من الممكن يكون مقفل أمامكم أخواني والف شكر على مساعدتي لايجاد الحل .. ومن باب السخريه انا من يجد الحلول لكل من هو قريب مني ولم اجد حل لمشكلتي ..

اخوي وليد طالما انك طرحت موضوعك هذا لطلب الرأي والمشوره فـ اتمنى ان يتسع صدرك لكلامي والتفكير فيه بشكل جدي وبدون مكابره

اخوي اعتقد ان مشاكلك كلها هي من شخصيتك اللي ضروري تحاول تغيرها وتبعد عن السلبيه في تصرفاتك وردود افعالك
فـ كل مشاكلك ماحاولت ايجاد لها حلول وتكتفي بكل مره بالهروب وترك المشكله قائمه
ابتداءً من مشكلتك مع اخوك وتركك لشقتك الملك واعطاء زوجتك مصروف مبالغ فيه جداً مايعطيه اللي راتبه 20الف ووصولاً الى مشكلتك الاخيره مع زوجتك والسكوت على الاتهام بجريمه قذره ومحاولة الهروب من خلال الطلاق بدل محاولة اثبات براءتك
يااخي اذا حبيت تصلح حياتك عليك باصلاح كل شىء صار معك لانه كله مرتبط ببعض

انا معاك بكلامك .. بعضهم يشوفني سلبي وبعضهم يشوفني طيب وما احب المشاكل ..

لكن انا مو راضي بفكرة الطلاق عشان الهرب من كلامهم او نظراتهم انا افكر بالطلاق لاني اعطيت بنتهم كل الي اقدر عليه وما نفع معاها بشي .. حتى عمتي لما تطلب مني مشوار و اروح لها اشوف سياراتهم كلها موجوده وما اقول شي بالعكس ما قد رفضت لها طلب وما احب ارفضه لها .. وبالاخير يمنعوني وقت المشكله من اني اشوف بنتي شهرين كامله !!

ليش يا اخي ؟!! ليتهم على الاقل سالوني على طول صدقوا كلامها مع انهم ما اشافوا مني شي غلط طول 7 سنوات ..

لكن قول لي كيف اغير شخصيتي ؟

هذا طبع فيني ما احب المشاكل .. والي يقول عني شي او يغلط علي احب اخذ حقي بيوم الحساب واستفيد منه هذه فلسفتي في الحياه .. لكن بجد تعبت كل ما افتكيت من واحد يطلع لي واحد ثاني واحصل سكين بالظهر جديد ..

هنا مربط مشكلتك

لو هي دارية انك مضايق لدرجة تفكر ب طلاقها
كان هي من سعت لتصحيح وضعكم
لأن واضح أنها متمسكة فيك
لازم زوجتك تعرف حقيقة مشاعرك بكل صراحة وجدية !
لأن حسيت انك بارد مدري مسالم
وهذا يعطي انطباع عند زوجتك أن الأمر عادي !!!