قصتك مؤلمة

ولكن لازم يكون لك موقف من زوجك

لأنه طايش بشكل غير مقبول

__________________
أنا جنتي وبستاني في صدري أين رحت فهي معي لا تفارقني إن حبسي خلوة وقتلي شهادة وإخراجي من بلدى سياحة
إبن تيمية

اعانك الله ، فعلا انت تحتاجين الى صحوة كبيرة صارمة يا اختي ...

__________________
أشهد أن لا إله إلا الله و أشهد أن محمدا رسول الله صلى الله عليه و سلم

للاسف انتي عارفه ان زوجك خاين وسيىء لكن تتجاهلين
الامر ماينسكت عليه لاتقولين احبه وبخسره
اذا تعذبتي معه راح الحب وصحيتي على نفسك بس
بعد مافات الفوت
صدقيني ماراح تصحين الا اذا رزقتي باطفال وشفتي وضعك
وقلتي ليتني لحقت نفسي قبل ماتورط باطفال
زوجك لو شاف منك موقف قوي راح يتعدل
لازم يكون للوالد او اخوانك وقفه قويه معك الموضوع
اكبر من انك تحلينه بنفسك ضرب وخيانه وزادها اخذ مالك
وشلون تصدقين كذبته انه مديون لها ولله ولدي 7 سنوات
لو اقوله ماصدق وشلون تصدقينه خليه يرجع لك فلوسك
الرجال ماتهمينه ولا يشوفك قدامه ونايم برا البيت بعد
اللي صار ولله انك في قمة السذاجه وكلي امرك لله ثم
لاهلك وقفيه عند حده اما امساك بمعروف او تسريح
باحسان

اخاف تصحي على نفسك بعد ماتكوني خلفتي وتحملتي مسؤولية اطفال انت الأن وحده قرري لو حابة وجود ضحايا آخرين فاصبري وتحملي

والا ضعي حد للامور انا لا اخبب على زوجك لكن لاتسكتي للظلم ولاةعلى خطا ولا حرام ...الله كشفه لك من البداية ولازلتي تعطينه الاعذار لو عندك اطفال اقول تضحي لاجل ابناءك لكن لو ماعندك فالحب سيتحول يوما ما الى كره عندما تزيد الجروح وتصابين بامراض ....خذي فترة واذهبي للراحه في بيت اهلك حتى تستطيعي التفكير اكثر ...إن الله لايحب الجهر بالسوء من القول الا من ظلم ....الله امر الرجل بالإحسان للمراة وحافظ على حقوقها وكرامتها لكن اذا انتي ارخصتي نفسك وتهاونتي فانتي ستضرين نفسك .....زوجك محتاج وقفة جادة لاجل احترامك انا علاقاته بالبنات ذنب ابتلاه الله به ولن يتركه اللا ذا هداه الله لن نظمن لك صلاح حاله لكن اذا اذا حزمتي معه الامر ستحصلين على الإحترام ....

ارجوك استيقظي من سباتك
زوجك خاين وكذاب وعاشق للعلاقات المحرمة

وفري اعصابك وشبابك وصحتك لنفسك
وابلغي ابوك واخوانك فورا بالضرب المبرح والخيانه والنصب الاحتيال
ليش بات برة بعد ما اخذ المصاري
اخذ فندق مثلا وبات فيه؟؟
ومع مين؟؟
كوني فطنه
وكلما زدتي طيبة مع سذاجه كلما كرهك ونفر منك
كيف بتعتذري منه لانه عصب لانك اكتشفت خيانته
ما هذا الهراء
اياك ان تعتذري مرة اخرى

فورا اخبري محارمك ليتصرفوا ويوقفوه عن اذاه وليقرروا وانت للاسف تكادين تموتي من البكاء
استيقظي فلا يستحق دمعه

واحمدي الله ان عرفتي حقيقته قبل ان ترزقي بالابناء وقبل ان تضيع سنوات عمرك

استخيري الله كثيرا في امر بقائك معه
واعرفي ان الله اذا احب عبدا ابتلاه
ولكن الله يحب المؤمن القوي فلا تكوني ضعيفه تتسولين منه الحب والحنان
فمثله لايستحق مشاعرك

رزقك الله الرأي السديد
وفرج همك

__________________
وقل ربي ادخلني مدخل صدق واخرجني مخرج صدق واجعلي من لدنك سلطانا نصيرا
ربنا هب لنا من ازواجنا وذرياتنا قرة اعين
واجعلنا للمتقين اماما

http://www.66n.com/forums/showthread.php?t=272431
إقراء ردرجل الرجال
الله يفرج همك وهمها ويصلح ازواجكم

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه

اخوي انا كل مشاكلي معاه بسبب * فلانة* طول 9 شهور حسبي الله عليها .. وكل مرة اكشفه ويفلت واطلع انا الغلطانة💔

لكن المرة الاخيرة قبل اسبوع الله فضحه
كان نايم وايده على التلفون ومفتوح على رسايلها
ويتواعدون على 7 ونص المسا

لكنه عقب الضرب وانا خلاص بيغمى علي قلت خلاص راح اموت وراح يقتلني من كثر ما هو معصب

ضليت اصيح من الالم وراسي تورم

عقب انكسر خاطره علي وقعد يراصي فيني
لكن انا عصبت وقلتله يعترفلي من هاذي

وقال لي انها طلعت عنده الشقه حق مشروع تجاري قبل زواجنا بسنتين ونص واقترحوا يسوون مشروع ويا بعض

واعترف القرض اللي في البنك طلع مو حق لما بنى شقتنا
طلع القرض ساحبه حق يسدد دينه معاها ولكن باقي مبلغ ولما تزوج ماقدر يسدد دينه

لما اعترفلي بكل شي

قاللي انا منحرج منج سامحيني
حتى لما اشوفج تصرفين على البيت وانا فلوسي رايحه حق الكلبة .. احس اني متفشل منج ومتضايق من روحي

سامحيني

وضل يومين يطلب مني اسامحه ويراضي فيني
واشترالي هدية وقاللي قوليلي شنو اللي في خاطرج قوليلي

صار يشتري اغراض حق البيت صرت صج اجس اني متزوجه ريال ..
عقب ما انا خليته يسدد دينه معاها من فلوسي .. وارتاح من ديونه

بس مادري هل انا غبية اني كنت كريمة معه لهالدرجة
مو عارفه ليش انا جذي غبية

وللحين مو قادره اصدق ولا قادره اوثق فيه

انا صورت كل اثار الضرب على جسمي في تلفوني حتى يكون دليل

بس انا خلاص تعببت من هالمشكلة والله اذا اكتشفت انه خدعني وكذب علي
اقسم بالله اتركله البيت وامشي

لان قلبي مجروح ومنكسر منه وزعلانه منه

للعلم بعد ماضربني وقعد يراضي فيني طلب مني اخذ حفي واضربه

قلتله .. لا .. انا احسن منك
انا على الاقل اتفاهم مع مشاكلك بالتفاهم والكلام ، مو بالطق والضرب وفوقها انت غلطان

انا احسن منك بوايد الحمدلله محافظة على نفسي لين تزوجتك

احمد ربك ان زوجتك عاقلة ولو وحدة ثانية فضحتك

انا ما احب اشوه صورتك قدام اهلي وقدام الناس
حتى لدرجة ان امي وابوي يحبونك ويدلعونك اكثر مني
شوف شلون زوجتك تستر عليك

حس في هالشي

هالكلام قلتله عشان يحس انه متفشل ومنحرج ويشوف شلون انا متحملته

علشان لو صار وتركت البيت
اخليه يندم انه خسرني وشلون كنت متحملته ومتحمله وصاخته وخيانته

حسبي الله ونعم الوكيل

والله ما تخيلت ان اتزوج واحد احبه وانصدم ان زواجي كذب واوهام
انا مخلصة ووفية له وهو راكض ورا شهواته وعلاقاته المحرمة

انا محافظة على بيته وصاينته
وهو يبي يدمر هالبيت ويسبب خراب هالبيت

انا قاعده اساعده بمصروف البيت وكل سفرة بنسبة 80%
وهو شوفوا شيسوي فيني هاذي جزاتي !!

الله المستعان 😢😢😢

وللعلم انا اعرف اسم البنت واعرف رقمها وحسابها على الانستغرام والسناب
وعندي صورها وفيديو اللي مطرشته حق زوجي وهي شبه عارية

لو انا ما اخاف الله فضحتها

لكنني ما احب اكون ما عندي اخلاق علشان وحدة تافهه رخيصة