زوجك ممكن يتخلى عنك
مافي امان ابدا

مو هامني الفلوس ولا حتى ليه اخواني سووا كذا .. بالأول والأخير هم اخواني وهذي فلوسهم ... بس العتب على زوجي ليه يسوي فيني كذا ... يومين مانام احس بصدري نار من القهر ... مو مصدقه اللي يصصير ... انا تفكيري الحين كيف اقهر زوجي واخليه يندم عاللي سواه فيني .. للحين مايرد علي ولا حتى بكلمه.. وش سويت له انا !!!!

نرجسيه انا اللي فهمته من اخواني حتى رجعت سألت اختي وقالت لي نفس الشي ... < هم يبونا نتنازل عن كل شي ومايكون شي لنا ويستثمروها وبعدين يعطونا كصدقه !! >

ريماس ... ماينفع معهم الطيب لكن بحاول معهم وبعدين بشوف وش الحل معهم

__________________
-

فأجبر خَاطري .. بفيّض نعَمك ❤ ....

كيف ماتهمك الفلوس أهم شي أخوانك وزوجك؟
اللي رموك من أولها ماينشد فيهم الظهر
أنا أبيك تتخيلين وضعك بعد 10 سنوات مع هالزوج الضعيف ماديا وأخوانك منعمين زوجاتهم وعيالهم بقصور وذهب ولبس وصايرين ناس هاااي
وأنت تقولين ترا ماعطيتوني حقي من الورث
تدرين وش بيقولون؟
ورث مييين؟ عشر سنين نكد ونتعب على هالشركة وأنت نايمه ببيتك والحين تبين شي؟ هذا حلالنا وتعبنا ويمكن لو فيهم خير بيعطونك كم ألف تسكيته يعني هذا حقك في ذاك الزمن
جد ترا السالفه كبييييره انت بأول عمرك وزوجك ماله أمان وأخوانك باين معدنهم ومالك أبو
توكلي على الله واستقوي وأمني مستقبلك
لا تتنازلين
ومن الآن أقولك لو بتتعبين وتزعلين أخوانك وآخرتها تشرين بيت وتكتبينه باسم زوجك استرييييحي واطلعي من المشاكل
اذا بتمسكين بحقك للنهايه كافحي

زوجك نوعيته واضحه
مايبي يسكن ببيت باسم مره
واذا سكن وعيروه جماعته بيجيب زوجه ثانيه عشان يثبت لهم انه المسيطر وان زوجته مالها منه عليه وان البيت بيته غصب على اللي مايشوف هالشي

مقهوووره عليك
استعيني بالله ثم برجل واحد كبير عاقل منصف يخااااف الله
ما اقترح انه يكون ابو زوجك ممكن من أعمامك أو أحد يحترمونه ويهابونه أخوانك

زوجك بيرسل رسالة لاخوانك ان تبون فلوسها خلوها عندكم السالفة نكاية فيهم مو فيك
الموضوع ملخبط مرة لا تحكمي على احد ولا تخسري احد استني لحد مايخلص الموضوع على خير وطالبي بحقك

غرناطه .. افترضنا طالبت الفلوس واخذتها ... وش بستفيد منها وانا لوحدي !؟ انا ابغى سند وظهر لي .. هم منعمين زوجاتهم من زمان وعايشين افضل عيشه مابيتغير شي ...

اذا بستعين بيكون ابو زوجي لانه يخاف الله وكبير ومنصف ... لو يدري باللي سواه ولده وطمعه رح يتبرى منه .. عمي واعرفه ولله مابيسكت ... وانا من البدايه مارضيت ادخله عشان خايفه على زوجي بس الحين مايستاهل اني اخاف عليه ... واخواني برضو يخافو من عمي.. واذا ماتصلحوا رح اخبره ويصير اللي يصير..

جنا الموضوع مو ملخبط هذا هو واضح هما كلهم يلهثوا ورى هالفلوس وبايعينا ...

__________________
-

فأجبر خَاطري .. بفيّض نعَمك ❤ ....

كلام كبير

وعين العقل

بس للأسف مهي معاكي مره ولاهي مستوعبه المستقبل المظلم اللي مستنيها

عاطفيه لابعد درجة

باعوها بالاكراه

وهي تقول لك ابي اشد ظهري فيهم!

شدي يختي بس انتبهي على ظهرك لاينقطع منهم.

اختي سمورة

شيلي نفسك بنفسك واعملي بكلام اللي يقولوا لكي خذي حقك بالطول وبالعرض

وبكره هم اللي راح يجرو وراكي

هذا حقك شرعاً 100٪‏

اضغطي على قلبك وبقوة واكتميه

معليش خليه ينزف

كلها كم سنة ( من بعد ماتاخذي حقك) وراح تلاقيهم يحسبون لكي الف حساب

لكن ادرسي وضعك مضبوط واعرفي انك ممكن تخسري حتى زوجك وتتزوجي غيره

اهم شي في المعادلة

هي

سمورة

والله راح تعرفي قيمة كلامي هذا خلال العشر السنين القادمة

__________________

ابو زوجك بينكم قرابة دم ؟؟

ذكرت انه عمها ( شقيق ابوها الله يرحمه)

__________________

مو عاطفيه بس ماعرف وش بيصير بالمستقبل..
الحين مايهمني زوجي صار اخر همي .. اذا ضمنت ان اخواني بيزعلوا كم يوم او كم شهر وبعدين يرجع الوضع طبيعي كان قلت لهم باخذ حقي ومابتنازل ... لكن ان شاء الله بمشي على نصايحكم وادعس على قلبي وربي يكون بالعون...

نرجسيه ... ايه هو عمي ... إذا مالقيت فايده منهم بتكلم معاه ومتأكده انه بينصفني .. بس بنفس الوقت خايفه يخرب علاقته مع ولده

__________________
-

فأجبر خَاطري .. بفيّض نعَمك ❤ ....

الحق حق
والمؤمن القوي احب الى الله من المؤمن الضعيف ..

وبالنسبة لعلاقته مع ولده ..مع انت اللي خربتيها ومو مشكلتك ولا لك يد فيها
اذا بتخرب العلاقه فهو اللي خربها بسبب سوء تصرفه وطمعه ..

وعلى فكره علاقتك مع زوجتك خاربه خاربه سواء كنت تنازلتي لاخوانك او عطوك حصتك من الميراث ..
هو بس يبغى الاموال باسمه وبوريك الوجه الحقيقي له
لكن ربي من رحمته بك كشفه لك قبل مايستلمها ..