لا حول ولا قوة الا بالله

اللهم انت ناصر المظلوم فانصرها ووالدها ... اللهم اجعل كيد من تقول عليها في نحره ورد عليهم كيدهم بما تراه أهلا لعدلك

اللهم لا ملجأ لنا إلا إليك ولا ناصر لنا غيرك .. اللهم يا رب العباد ومصرف الأمور اجعل فرجها قريب وخفف عن والدها وبيض وجهه يا كريم .

قلبي معك .. لا تخافي .. ربك أعدل وأرحم من بني ادم وما يرضى بالظلم .. أزمة وتعدي باذن الله

__________________

88
88888888888888888
امين اللهم انصرها على اعاءها واظهر برائتها مثل ما اظهرت برات امنا عائشه رضي الله عنها طيب فايض حناني كتبي لنا وش صار وش سويتي من بعد الي وصيتج عليه رحتي لجدتج ولالا غيرتي رقمج ولالا دامه جندي الناس ماله الا الظاهر ترى الناس همم الي متوظف في الحكومه ولا همهم ديونه ولا شي طيب زوجج جميل فيه شي زود ولا لا وش توقعج على الحركه الي مسوينها امانه كتبي لنا وش سويتي

خلاااص انا بطلب الطلاق وصدق اني بتعب بس مصير الايام تنسيني وجرحي يضمد اليوم عمي مرسل لابوي تخيلو وهو اخوه مرسل يستفزه يقوله ياغليم ماراح تحضر الزواج خلك عند زوجتك الساحره اللي تسوي سحر وخلتك تطرد خواتي وخلك عند بنتك المدلعه اللي وطت راسك بالارض ،، رد عليه ابوي قاله على ترااب انت وخواتك معك وراح ابوي لجدتي وقالها امسكي ولدك عني والحين يشيل اغراضه ويطلع من بيتي واذا شفته ذبحته قام جدتي قدام ابوي تدعي علي وتقولي انت ساس البلا الله ياخذ روحك خليتي ابوك يطرد اخوانه وخواته عاد ابوي قالها لاتدعين على بنتي وخلي عيالك يسكرون فمهم عنها وقاله ايه بنتي فاااجر وانا راضي فيها انا حر راضي ببنتي وش عليكم انتم طبعا ابوي قال بنتي فاااجر من العصبيه بس كذا يبي يقتعهم انه راضي فيني بكل حالاتي سواء كنت صالحه ولا لا يبي يبين لهم ان انا راضي وانتم وش دخلكم وقال ابوي لجدتي كل وحده من خواتي تربط لسانها عني وعن بنتي ولا بروح لازواجهم واقولهم امسكو حريمكم ولا اقص لسانهم لكم وامد يدي عليهم واضربهم ضرب القراده وقال لجدتي انتي على عيني وراسي امي وكل شي لكن خواتي انا بري منهم ومن اخواني المهم جدتي وصلت هالكلام لعمي وارسل عمي مره ثانيه لابوي وقال انا بطلع بيت لحالي وخواتي بيجوني والله مغنينا عنك ياخرووف زوجتك ،، وطبعا كل هاللي صار بتحريض من عماتي لعمي عشان يولعها على ابوي ويسمه ويرفع ضغطه وقال عمي لابوي لك عين ترسلي روح ضف بنتك واسترها ،، عاد عمي هذا والله اكبر مغازلجي وعنده بنت صغيره وكثير ظلم بنات وطلع معهم وجاي الحين يقول لابوي ضف بنتك واسترها نسى ان الله قال كما تدين تدان المفروض هو يخاف على بنته ،، وابوي قال لجدتي يايمه ابي جواب صريح لاتلفين وتدورين انتي وبناتك بنتي لو فيها شي ليه توهم يطلعونه قال جدتي وش يطلعون قال ابوي السالفه ان لها عشيق عتيبي قالت محد طلع قال ابوي كيف محد طلع وبنتك تقول انا قلت قالت ايه بنتي تقول انها قالت قال ابوي امنا بالله هي قالت ليه توها تتذكر ان بنتي ماتناسبهم قالت جدتي وش فيك انت مهبول خواتك ماقالو شي عن بنتك ،، الزبده انهم هبلو بابوي يقولون قلنا يقولهم ابوي ليه توك تتذكرون ماتناسبه يقولون ماقلنا ،، عاد حلف ابوي ان ما ارجع له لو اموت وان لو رجعت له بيذلني وقالي ابوي بترجعين له ارجعي بس بتخسريني وبتخسرين اطفالك وبيذلك وياطا عليك قلتت لا ما اخسرك اخسره هو ولا اخسرك ،، وقالي والله يابوك مابيلك الطلاق لو كنت اشوفه بيعزك والله ارجعك له بس يابوك هانك وذلك وسمح للناس تدوس عليك وهو متفرج كانه بسينما وانتي عرضه وساكت ومبسوط كلهم يتهددون عليك ونافخ ريشه ،، وعمي مرسل لابوي مسج ان زوجي وراهم مسجاتي وكاتب عمي لابوي بمسج ان زوجها موريهم مسجاتها تترجاني تبيني ارجع لها وهي تقول مشتاقه لك وكاتب لابوي هههههههههههه شوف بنتك تترجاها لانها خايفه ،، وانا والله ماترجيته كل اللي سويته بلحظة ضعف وابي يحن علي ويفتح عيونه للحقيقه مادريت انه يسوي كذا حسبي الله ونعم الوكيل ،، ابوي عصب علي وجلس يصارخ يقولي قهر انا حارق دمي عليك وانتي تحفرين من وراي وترسلين له مسجات وجلس يقول قهر ويضرب على صدره قالي ليه خدعتيني ليه خليتيني من اول اتدخل دامك ترسلين له من وراي واعتذرت لابوي وهدا ،، وزجي داق على عمي النذذل اللي يرسل لابوي وقاله جيب ولدي معك يحضر الزواج ويرجع وهو كذاب مايبي يرجعه يبي ياخذه مني هذا قصده وعمي النذذل هذا حاضر زواجهم زواج عمان زوجي وماقدر اخوه اللي هو ابوي وكلهم يعرفون ان ابوي متهاوش مع زوجي وابوه بدال عمي يوقف مع ابوي لا ماوقف وقف معهم هم ضد ابوي ،، الحين صرت انا وابوي وامي لحالنا ماوقفو عماني معنا تخلو عنا ،، انا بس ابي اعرف ليه وش سويت لهم وغير كذا زوجي ساكن ولاتكلم ولا كلمه ولا حرف يقولي ابيك وعند عماني يقول مابيها وعند خالاته يقول مابيها ونسيت اقولكم عمي قال لابوي انا حاب خشم زوجها عشان يرجعها ويسترها وشو يسترني مالي صور انتشرت ولا لي مقاطع ولا لي اي شي كل هذا عشان قبل دخلت شات طيب انا اذنبت وبناتهم كانو معاي ما اذنبو؟ زوجي ماتبيني خلاص يطلق ويوقف الكلام عني مدري حسيت نفسي عدوته مدري وش سويت له والله حتى عيوني عطيته معقوله مايشفع لي عنده اللي كنت اسويه له انا ما اقول مابيه يطلق بيطلق براحته خلوه يطلق لكن يحترم العشره اللي بينا يحترم سمعة اطفاله يسكت الناس ويقول خلاص لها ماضي وهاذي ورقتك ومع السلامه ليه جالس يتفرج ومستمتع انهم يتكلمون انا فسرتها مدري تفسيري صح ولا لا هو خايف اني اتزوج غيره احساسي يقول كذا لو صحيح طايبه نفسه بوقتها يطلقني مايجلس يسوي كذا ،، وانا ابي الاعضاء الرجال يفسرون لي افعال زوجي لان الرجال يعرفون بتفكير الرجال بالله قربت انجن ابوي قالهم طلقو بنتي ارسل عمي له مسج بنتك تترجاه مايطلقها وتقوله تكفا لاتطلقني وبعد كم يوم قالت طلقني خافت انها تنفضح مدري ليه يسوي كذا انا والله ماقلت له تكفا لاتطلقني ولا قلت له طلقني ولا ارسلت له مسج كذا هذا الكلام مدري من عند عني ولا من عند زوجي انا قربت انجن وش يبون والنهايه وبعدين والله قربت انجن شكلي نهايتي بشهار

إذا خواته داخلات شات معك هدديهم وقولي وربي لو السالفة مالميتووها وسكرتوا عليها وأعترفتوا بكذبكم
لأوصلها لأزواجكم وإلي جرى علي بخليه يجري عليكم داويها بالتي كانت هي الداء لأنهن لو خافن على بيوتهن وأنفسهن وسمعتهن بيسعن لتقفيل السالفة وأنتي لاترجعين لهذا الوسخ النذل تطلقي منه لأن الحياة معه تخوووف وماهي مضمونة واسمعي شور أبوك تكفييييييييييييييييييييييييين وشيلي هالرجال من أعتباراتك
والمهم خوات زوجك خوفيهم فقط من باب التخويف خليهم يسكرون على هالفضايح وتشويه السمعة ويعترفن بظلمهن وتبليهن عليك وأنتي بس تهديد مو تروحين وتسوينه صج لأن ذي مو أخلاقك بس هدديهم عشان يخافن ويقعترفن ويلمن الفضايح ويخلن أخوهن يعظ أصابعه ندم

وبعد كذا ابتعدي عن هالعائلة وأقطعي دابرهم

والله يعوضك برجل أفضل منه وصدقيني حقك بتأخذينة هذا قذف محصنات وخراب بيوت وربي حوبتك ماتعداهم وياويل الظالم والمفتري من ظلمة ينام لكن عين الله ماتنام

زوجك ما طلق لحين لأنه انسان حاقد ما نسي كلمة والدك له لما قال له بنتي مو رخيصة عشان حضرتك تكلم بنات قدامها .. يبغى يذلك وينتقم

ولأنه انسان عقله صغير وينضحك عليه بكلمتين وما عنده القدرة يميز الصح من الغلط حتى لو كان قدام عينه . مرخي أذنه لخواته ويسمع لهن ويسمع لشورهن .

موضوعك يحتاج لجوء قوي لله عز وجل .. لو أنا مكانك ما أخلي ليلة بدون قيام ليل من قراءة جزء أو جزئين وصلاة وتسبيح واستغفار وبالاخر دعاء مع تضرع وبكاء من قلب مقهور أطلب من ربي يرفع الظلم عني مو عشاني بس عشان والدي .. وصيتني يا ربي ببر الوالدين ... ووالدي مقهور يضرب على صدره من القهر .. مقهور من أقرب الناس له . أمه واخوانه . يااا رب بيض وجهه . واجهشي بالبكاء بين ايديه سبحانه

لا تنزلي المصحف من يدك لا ليل ولا نهار .. وان انعذرتي من الصلاة لا تتركي التسبيح والاستغفار .
كربك عظيم يحتاج جهد عظيم .

__________________

تدرين أنا خايفة على أبوك وأبيك بعد أنتي تخافين عليه الرسول عليه الصلاة والسلام أستعاذ بالله من قهر الرجال وهالأمر يذبح الرجل ويخليه يحس بقلة حيلته وضعفه فأنتبهي يا أختي لأبوك لاتظهرين له أنك زعلانه ولاتخلينه
يتنكد حاولوا تراعون صحته وربي لو زاد عليه الضغط أخاف يصير فيه شيء بعيد الشر عن قلبه حاولي تخلين جو البيت طبيعي وهادي وأبتسمي وعيشي حياتك وطمنيه بكلمات عاقلة وتشرح القلب وذكريه بالآيات إلي فيها نصرة المظلوم وأن المؤمن مبتلى
حتى يحس بالرآحة ويهدأ باله ترى هذا عزوتك وسندك أن صار له شيء بتفترسك الذيابه وعمانك أنتي شفتي مافيهم خير فحافظو على أبوكم الله يطول لكم بعمره ويكفيه شر من فيه شر ويبعد عنه كل مكروه وينصركم على من عاداكم

انتبهي علي ابوك اهم من كل شي

انا مابي ازود على كلام اخواني وخواتي بس هاذا نتيجة الي مايسمع الكلام زوجك طلع واحد رخيص وبزر وماعنده عقل ليش يروح يوريهم رسايلج الخاصه يوم كنا نقولج غيري الشريحه غيري الشريحه ماعطيتنا وجهه وظليتي مصممه انج تراسلينه وانا كنت خايفه ابوج يدري وينكسر ظهره عليج اهو الحين خسر اخوه واخواته واكيد جزء من الجماعه الي بيوقف معكم والي بيوقف مع الزوج وترى انا بقولك لا تترجين احد يوقف معكم الا الي متاكد واثق فيج زين والا الناس مالها الا الظاهر حتى رسايلج كنتي ترسلينها ماتبين بيتج ينخرب شوفي شلون فسرها زوجج وعمج واحد فسرها انج تترجينه واحد فسرها انج تبينه يستر عليج ويسكت عن فضيحتج وانتي ادري ان قصدج ماتبين بيتج ينخرب حنا كنا نشوف الي انتي بعز مشكلتج مو قادره تشوفينه من البدايه وانا اقولج لا تراسلين له شي لانه اكيد بوري خواته ويقولهم ها شوفو ميته فيني وماتبي الا انا
استغفر الله الي مثل زوجج ماينفع معاهم كذا قوليلي كيف عرفت لان طليقي كان زي زوجج من النوع الي فاتح اذنه ويسمع ظليت اتحمل منه الى 4 سنين اصلح شي وبقعده من خواته يخربون كل شي ام امه لا والله كنت حاطتها فوق الراس وماجا منها شي مانضريت الا من خواته الكبار مع انهم متزوجين وزوجهم عندهم وانا زوجي كان يجي بالشهر مرتين وهم ما اسلم لاصار شي قعد يوريهم رسايلي وايدخلهم حتى بيتي ويفتح لهم داري ويقولهم خذوراحتكم ومن هالكلام ولمى عفته وطلع من خاطري والله والله تزوج وحده اختاروها خواته خلته يطردهم من بيته طردت الجلب وللحين الزوجه هاذي حتى امه وابوه مايعرفهم مع انهم ساكنين بنفس البيت وصلولي كلام انه سامحينا يابنت العم وماعرفنا قدرج الا لمى جربنا غيرج بس مايفيد الكلام هاذا الحين بعد مانخرب بيتي وتطلقت فعلا باختياري بس حتى لو يرجع الزمن برجع اختار اتطلق وانا الحين قاعده اكمل دراستي واحمد ربي وساده اذني عن الناس الي بيتكلم وعاير اني مطلقه امطلقه خل عاير الى الصبح والله ياني وحده عايرتني وبعد اسبوعين رجعت لها بنتها مطلقه انا معروف ان لي هوبه لاني ماترك شي يحز بخاطري على طول ادعو ربي وتحسب ربي اني مسني الضر وانت ارحم الراحمين وكلمة حسبي الله لا اله الاهو وصلاة على رسولنا الكريم هذي 3 ادعيه لاتطيح من السانج ابد المشكله مو فيني ولا فيج المشكله بها المجتمع الغبي الجاهلي الي هنا فيه الي يشوف المراءه المطلقه خلاص انتهى دورها من المجتمع ولو ودهم كان اودوئها وراتحو بس انتي خلك قويه ولا تسوين شي وتندمين عليه وابيك تقولين لي بصراحه وش سويتي بشريحتك رقمك الي يعرفه زوجج؟؟؟؟؟؟؟؟
وش سويتي فيه عطيته ابوج ولالا
اوراقج قدمتيهم للوظيفه ولالا
زوجج طلبتي الطلاق وانتي مقتنعه والا الظروف اهي الي حدتج عليه
وش اخر شي ارسلتي لزوجج
بعد ما طق ابوج على صدره وش سويتي وش كانت ردة الفعل ؟؟؟؟؟؟؟؟؟؟
اتمنى تجاوبيني على الاسئله الي قبل

ارجع واقولج ليت ابوي زي ابوج ما شالله ابوج عازج ورازج والله والله والله لوان ابوي زي ابوج لا عوف الزواج واقعد خامه عند رجلينه والله
انا اشهد ان ابوج رايته بيضاء عزج ورزج وسوى لج استقطاع من راتبه ويحاول يقدم لج وظيفه طرد خواته واهله من البيت قاطع الكل عشانج
وبالاخير تجيه رسايلج وانتي تترجين زوجج بالله مانكسر قلبج على ابوج فايض ياااااااااااااااا فايض انتي تركضين ورى واحد رخيص وتاركه اعز الغالين
هاذا وابوج عازج وحاطج فوق راسه ولا مد يده عليج اجل لو ابوج مثل الابهات الي عندنا الي بالطالعه والنازله قال لو فيك خير ماعافج زوجج لو انتي مراءه ماتطلقتي وقعدتي عله على قلبي
لو ولو لو ولو انه ضربج وكسر عظامج كاان وش سويتي مو بعيده ترجعين لبيت زوجج بتكسي
وتتقبلين ذل زوجه واهله بس ابوج عازج ورازج واذا تبين نصيحة اخت لاختها
خلج ورى ابوج والي يسويه وافقي عليه ترى ابوج رجال حكيم ونعم الرجال بوسيه على الراس من فوق بدخلته وطلعته
ربي لا يحرمج منه واهتمي بصحته لان الي حوليج مافيهم خير ابد ولاجيتي عند ابوك بيني له انك مستانسه وخلاص اقطعي موال البكي والحزن
ابيكي تروحين لابوك وتبوسين راسه وتقولين له الكلام هاذا تروحين لبوك وانتي مبتسمه ولا كنا بقلبك هم
وقوليله يا يبه انا الحمد الله احمد الله على البلاء الي انا افيه وربي يمكن سبب الاسباب عشان نعرف معادن الناس وتطلع لنا وجيهم الحقيقيه وتطلع لنا معادنهم وانا تحت شورك يا يبى سو الي انت تبيه وانا من اليوم بعتبر نفسي خدامه تحت رجلينك ولاكني اعرست والي تشوفه مناسب يا يبى سوه
وخلااااااااااااااااااااااااااص من بعد الكلام هاذا وكلي امرك لربك وادعي لك ولبوك ولعايلك وان ربي يسوي الي فيه صالح لامرك ان كان برجعتك صلح لك راح ترجعين وان كان برجعتك اذى لك ربي ماراح يحققها وقلبي معاج يا اختي وادعي من ربي يحقق لك الصالح بامرك فايض لاتقولين يارب ارجع لزوجي لا قولي يارب ان كان برجوعي خير لزوجي سبب الاسباب يارب وان كان شر ياربي بدلني خيرا منه طيب
الشي الثاني عيالك الزم ماعليك عيالك لاترسلينهم مع احد عشان يشوفون ابوهم ابد لا مع عمك ولا مع احد من الجماعه ولا بطيخ يبي يشوف عياله يجي لعند بيتكم ويشوفهم لاترسلين عيالك مع احد لانه طلع رخيص ويمكن ياخذ ولدج ولا يرجعه ومحاكمنا اليوم عن سنه انتي خلك حريصه على عيالك ولا تعطينهم اي احد
3الوظيفه الي تكلمتي عنها خلي ابوك يرفع اورقها دامه الوسطه عندكم موجوده ولا صرتي وموظفة ماراح يصير عليكي قاصر
ابد والى هناء تنتهي نصاحي اتمنى تسوينها وتراك بتندمين ان ماسويتها مثل لمى قلت لك لا ترسلين له شي وطنشتي الكل ورحتي رسلتي له جاكي الرد من عمك مثل الصاعقه على ابوك
اذا توظفتي راح تتغير النظره لك من امراءه ربة منزل الى امراءه عامله وبدال ما ابوك قاعد يقتطع لك من راتبه تصير انتي تساعدي ابوك بكرى عيالك بيكبرون والتزامتهم بتكبر معاك وابوك تحملك اليوم وماتدري عن الظروف بكرى الوظيفه ضمان لك انتي بها الظروف الغير مستغره فهمتي
فايض ان شالله تكبرين وتفهمين معنى كلامي زين ان مافهمتيه اليوم بتفهمينه يوم من الايام
حزتها اذكريني بالخير ودعي لي دعوه من قلبك الطيب الصافي اللهم انصرها على اعداءها
ورحمها وويسر من امرها ووفقها استودعكي الله الذي لاتضيع ودائعه

كلي زين ودلع بيض الله وجهك والله ماقصرت كلامك درر وشوفي كيف لما طنشت كلامنا على قد مانصحناها ماترسله شي شوفي كيف طلع رخص زوجها وكسرت ظهر ابوها برسايلها. . اهم شي الآن ابوك والله لو سار شي على ابوك غير تضيعين انتبهوا له ترى ممكن تجيه جلطة من سوات إخوانه حاولي ماتبيني له زعلك ودايما ابتسمي له وقولي له اهم شي صحتك عندي وابيع الدنيا واشتري رضاك عندك كنز يافايض حافظي عليه تكفين

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين