حنا مالنا دخل بزوجته وشخصيتها ..ممكن تعيش مرتاحه وحقوقها كامله
اتكلم عن زوجها بظلمه لها لن يرتاح بحياته ولا راح يلقى للسعادة طعم

لاتظلمن اذا ماكنت مقتدرا .... فالظلم اخره يفضي الى الندم
أما والله إن الظلم شؤم ******* وما زال الظلوم هو الملوم


إلى ديان يوم الدين نمضي ******* وعند الله تجتمع الخصوم

صحيح.. وكل ظالم هذا جزاءه ان في الدنيا ولا يستناه الجزاء في اخرته..

__________________
( والذاكرين الله كثيرا والذاكرات )
ادعوا الله ان يجعلكم من الذاكرين له..

السلام عليكم

حبيت اقولكم علا اخر شي استجد بموضوعي

طبعا مر علا زواج زوجي شهر وكم يوم وعلا فراقنا شهر ونص

وطول الفتره هذي لاحس ولاخبر. والحمدالله لازمت سجادتي وقيام الليل والدعاء والقران
ان الله يصبرني ويفرج همي

لما كمل شهر بالظبط. بنفس تاريخ الزواج اتصل علا اخوي الصباح
بس مارد عليه ورجع اتصل بالليل ونفس الشي طنشه
وكلمني اخوي وقال تبين ارد والا لا. اخذني الكبريا والالم قلت لا ماترد علا طول خليه
وجلس ثلاث. ايام ورجع اتصل ورد عليه اخوي
طبعا انا ماكنت موجوده عند خوي لان انا عند امي واخوي ببيته
المهم. قال له بعد كلام كثير من اخوي وتهزئ ومواجهه.
قال انا غلطان وطريقتي غلط بس حلف يمين اني خايف منها ولاقدر اوجهها او اكلمها
عشان كذا قفلت جوالي ولاعندي شي اقوله لها حتى الحين ابغى اجي ومو عارف كيف اقابلها يقول لاخوي ساعدني انا ندمان وغلطان وحطيت حالي في ورطه
قال ليه طيب ترسل اغراضها قال انا من زود الحرص وعارفف ماهي راجعه اني برسل كل شي عشان مافي شي ينقصهم من اغراضهم طبعا انا ماصدقته لان ماعاد له مصداقيه عندي ماعاد اشوفه الا كذااااااب ومرارغ
المهم جلس يحلف لاخوي حلوف اني واني واخوي يقول ماقدرت اقول له شي لانه اعترف بكل شي سواه مانكر شي حتى تنزفزت علا اخوي قلت المفروض تشد معه بالكلام علا الي سواه قال تبغيني اتضارب معه وهو مالنكر خلاص يقول غلطت ولها اللي تبغى انا حاضر بكل شي تبونه وببجي نهايه الاسبوع
طبعا ماجاب طاري لزواجه ولا اي شي عنها واخوي يقول مالي حق اصلا اسأله ليش اتزوجت او اسأله عنها
الحين انتو وش رايكم كيف اقابله هنا بيتحدد مصيري ولاعارفه اش اسوي كرهتتتته
وبنفس الوقت شايله هم عيالي وهو الحين راجع من كيفه والكره بملعبي وش تنصحوني فيه
اهلي وخواتي يقولون ارجعي واقعدي علا قلبها لاتتركيننها تاخذ خيره وفلوسه لحالهاهي بتنبسط اذا مارجعت
وانا محتاره مازلت مجرووووحه ومغبونه ولاني متخيله برجع مع شريكه والله بقلبي زي النار وقلت ليته مارجع استمر علا ماهو عليه

رحاب..

اختاري

فلوسه وخيره ولا كرامتك؟

مشكلتك تحديدا معاه! هو اللي فعل وفعل

ماهي مع زوجته عشان تتصرفين معاها.. لذلك هو الطرف اللي بتاخذين حقك منه

شدي شدي لانك بموقف قوة حاليا..

الماديات منه ماراح تشتري خاطرك ولا شعورك بالامان..

انتي ايش رغباتك حاليا؟ وايش الخيارات والاشياء اللي تقدرين تسوينها؟

أنا من رأيي إذا تبغي ترجعيله اشرطي عليه يرقي نفسه بالأول

طيب وموقف اهله واقاربه معاها؟ معقول كلهم مسحورين؟

مستحيل

قابليه بكامل حجابك خبلي بعقله
وانا اشوف ان موقفه يدل على ضعف وقلة حيله
اطلبي واتشرطي بس لاتفكرين بالطلاق وبينكم اطفال
وبالتوفيق

اخواته بس اللي ماردو علي. مادري وش عذرهم.

اذا رجعتي له بسهوله بعد كل اللي سواه معك فانت مع كامل احترامي صيده سهله وساذجه ...

زواجه عليك ماقلنا شئ هذا الشرع
بس حركته ذي باي دستور ؟ وباي قيم وباي شرع ؟

ماقدر اوجهها وغلطان وندمان كلها عذر اقبح من ذنب
وينه يوم كنت تبكين وينه بعز ازمتك ؟ماوقف معك وخفف وجعك ؟

رايي
خليه شهر من غير اي تواصل ومن غير اي رد
خليه يذوق اللي ذقتيه ..

وكلام اهلك لاتخلينه يتهنى معها لايغرك ياحياتي
الظالم عمره مايلقى الهنا والسعاده بحياته ..هي بسلامتها ان بغت تعيش بقصر وعز وش علينا منها

اهم ماعلينا موقفك

انا طلعت من الصدمه وبديت اتوازن وصرت اقوى من اول بكثييير وتغيرت فيني اشيا حتى من ناحيته
بس اكذب عليك اذا قلت مافكر بعيالي ومازلت احس بجرح. ! مرات احس ماراح احس بانتصار الا اذا طلبت الطلاق وفارقته ومرات اقول ااكسر علا خشمي بصله وارجع عشان عيالي دام هو اللي رجع وندم
بس محتااره.