تري زوجها بعد يشوف نفسه مستغل
بيدفع اقساط سيارة مش ملكه
هي لا قدر الله رجعت بيت اهلها تحتاج سواق بمرتب شهري و لو اخوها بيوديها طال الزمن او قصر بيطلب حقه و يمكن تحتاج سيارة بعد
الارض الي تدفع اقساطها لها و باسمها و البيت الي تبنيه لها و باسمها
و زوجها ملتزم بواجباته علي قد دخله مو مخبي عليها شيء
اذا علي المبلغ الي يعطيه امه هذه بركة حياته و اذا اليوم موجودة لكرة مفقودة

__________________

كيف مستغل بضم الميم
و هو يستخدم السيارة و هو طلبها. وهو مستفيد منها. ؟و يعرف انه مستحيل هي بتسوقها
ارجعي عزيزتي لست كغيري لرد غادة صفحة14

__________________

قلت يا مسز داني السيارة سيارتها و مستفيدة مثله موفرة اجرة السائق و ضامنة حقها فيها وهو ما عنده ضمان يتبث حقه الا انه يثق فيها
كم بتدفع للسائق في الشهر ؟
اقترحت عليها تقسم القسط يطلع لها 700 في الشهر و هو يمشي حاله بالباقي لنهاية الشهر رفضت مع انه 700 ممكن تدفعها في لحظة في مشغلة قص وةصبغ و تسريحة لحضور حفلة عرس
تري زوجها بعد مغبون و وضعه هو سبب عصبيته و توتره اجل يتسلف عشان يتمشوا و يجلس مطفر ينتظر آول الشهر هذا وضع صاحبه يرتاح و يحتوي و يداري

__________________

لا اعرف اذا كان اقتراحاتها ان يتمشوا و يسافروا ام هو معها يريد كذلك
كما أنهما كلاهما يتمشوا. فليست المستفيدة الوحيدة
زوجها بيده القوامة و الطلاق ببساطة لو اخذت السيارة و هي من حقها. ورقتها ستصلها. فتخسر.
السيارة دفعت مقدم لها ما يزيد عن 70الف
لو حسبنا اجرة السائق و لعدة سنوات و مع الاقساط. هل يتساوى الامر.
لا اعرف بصراحة. بس أكرر هو اقترح السيارة. و جعلها باسمها. لعدم القدرة على سداد القسط.

__________________

انا معك مسز داني واضح جدا ان زوجها يستغلها عشان راتبها و مستفيد بشكل كبير من وظيفتها

للأسف يا لست كغيري أحملك انتي الخطأ و المواصيل اللي انت وصلتي لها للان
انتي بيدك فتحتي على نفسك باب ما يتسكر من الأساس ماطلعتي قرض و هو يمد لحافه على قد رجله

لست كغيري
لا تدفعين شي انتي مو مقتنعه فيه او بعدين راح تتمني فيه

أنا واحدة من الناس اشتريت لزوجي سيارة هدية أو ما اتزوجنا بدون طلب منه
أنا اللي فكرت واقترحت وهو بس اختار السيارة واشتراها بإسمه بناءا ع طلبي
دفعت 40 ألف مقدم والباقي اقترضته وسددته أقساط مدة سنة .
زوجي طار من الفرح لأن سيارته كانت منتهية ومو قادر يشتري غيرها وشكرني .
إلين دحين حلووووو
اللي حصل بعد شراء السيارة
كل يوم ممتحني بمشكلة وصار حسااااااااااااااااااااااااااااااااااااس من أقل كلمة ويختلق المشاكل ويربط كل كلمة صغيرة وكبيرة مني بالسيارة مع إنه تكون المشكلة في وادي والسيارة في وادي ثاني مافي ربط بينهم من قريب ولا بعيد وكل مرة يسوي فيها زعلان ويرجع لي مفاتيح السيارة

تخيلي يرجع لي المفاتيح وهو سيارته ماتشتغل ميتة.وكل مرة أوضح وأشرح وأبرر وأطلب منه يفصل ووو............................ الخ
إلين مرة من المرات وصلت معايا الحلقوم من تكرار المهزلة لما جا يرجع لي مفاتيح السيارة قلت له ماتبغاها قال لا قلت خلاص وليش جايب لي المفاتيح روح بيعها ولا أحرقها هي سيارتك وإنت حر فيها وبكيييييييييييييييييييييييت من كل قلبي وقلتله إنت قتلت فرحتي وموتها.. اتخيل نفسك تجيب لي هدية وإنت فرحان فيها وأنا ما أقدرها أرجع لك هيا وأرميها في وجهك ايش يكون شعورك؟

وقتها زوجي حس بالندم والذنب واعتذر ولا جاب سيرة السيارة نهائيا...

لكن كل تصرفاته معي تقول ماراح تمتلكيني بالسيارة اللي اشتريتيها ليا..هذا موقفه مني وأنا مامنيت ولا ذكرت السيارة عنده في يوم ولا لحظة ولا صدر مني شي يدل..
أنا اشتريت السيارة له بقناعة وابتغيت فيها أجر تفريج كربة وهو أولى من غيره.

شفت الفرق اللي بيني وبينك يالست كغيري؟
شفت الفرق اللي بين زوجي وزوجك يا لست كغيري؟

أنا ما أقدر أقول أنا أحسن أو إنت أنا صح أو إنت لأن الناس نفسيات وشخصيات وإنت مهما وضحت يمكن محد يفهمك
و اللي استشفيته من ردودك إنت المسألة عندك مسألة مبدأ
أعطاني كلمة يكون قدها
اتفقنا مايتراجع ويورطني

اللي مو قادرة تفهميه
الحياة الزوجية مو بس مال لوحده ولا حب لوحده ولا رحمة لوحدها ولا جنس لوحده
الحياة الزوجية تجمعي بين كل الجوانب
وفي ناس في حياتهم يطغى جانب على آخر

مثلا يجيك رجال يغدق على مرته حب
لكن مايعطيها فلوس إلا بالقطارة
(هذه تعاني) تبغى فلوس

يجيك رجال مايسمع مرته كلام حب بس يرحمها لما تكون مريضة مثلا
هذه تعاني لأنها تبغى تسمع كلام حلو

يجيك واحد حياته كلها جنس
مرته راح تعاني لأنها تبغى رحمة مثلا ماتبغى أو ماتقدر لأي سبب

أنا لو جلست أفهمك إلين بكرة ماراح أخلص
لكن إنت الحمد والشكر لله حياتك متزنة نوعا ما
حياتك شاملة كل الجوانب مع وجود التقصير في جوانب أخرى ,,هنا دورك تحاولي تصبري وتضحي وتتحملي التقصير في الجوانب الثانية.. هذه طبيعة الحياة دار شقاء مافيها كمال ولا راحة لاحد فينا. والحزن العظيم اللي بتحزنيه مقابله أجور بلا حساب إذا صبرت واحتسبت.

فليش حاصرة التفكير في جانب الفلوس لوحده؟ مع إنه زوجك فيه صفات ومميزات ماشاء الله تبارك الله مرة مرة مرة جميلة ولِحَد دحين هو جالس يداريك ويراعي خاطرك ويستأذن من دوامه ويوديك مشاويرك الخاصة.

والله لو واحد غيره يقول لك دبري نفسك روحي مع سواق خصوصا وإنتو زعلانين.

مهما كان غلطان ومهما كبر غلطه إنت خطئك أكبر لأنك جرحتِ كرامته ورجولته..
حبيبتي الدين المعاملة
الدين أخلاق.
والكلمة اللي تطيح من الفم ماترجع مرة ثانية

إنت عارفة الإنسان ممكن يهوى في نار جهنم سبعين خريفا لكلمة يقولها وهو مو حاسس بفظاعتها؟!
فانتبهي لكلامك كل مازعلت التزمي الصمت وفكري مليون قبل ما تتكلمي.

وزوجك والله رحمة وجنة اكسبيه وارضيه وتقبليه بعيوبه لأنك إنت كمان كلك عيوب وهو كمان بيعاني منك ومتقبلك بعيوبك الشنيعة اللي الكل نبهك عليها.

وأصلا مافينا أحد كامل.

حتى لو فكرت تنهي حياتك
ماراح تلقي واحد مفصل بالطريقة اللي إنت تبغيها.

ياويلك وضلام ليلك لو ماقريتي ردي كامل حرف حرف
تراني بأكلمك زي ما أصبر وأكلم نفسي.

معليش اتحملي غلاستي شوية حابة أضيف شي
زوجك كان طيب ومؤدب ماكان يغلط عليك بالكلام في الوقت اللي إنت كنت تغلطي عليه بالكلام
دحين صار هو اللي يغلط عليك بالكلام ومايحترمك
بدون ماتنتبهي ولا تقصدي علمتيه طولة اللسان وعدم الإحترام
فلا تلوميه ليش مايحترمني
حاسبني نفسك إنت اللي علمتيه قلة الإحترام.

الزوجين يتأثروا ببعض ويتعلموا من بعض عامليه وكلميه بنفس الأسلوب والطريقة اللي تبغيه يعاملك ويكلمك بيها. وآسفة جدا إذا كثرت عليك.

كلامها احسه عين العقل..محتاجة تهدي اللعب شوية حبيبتي..زوجك اخذ الخطوة الاولى نحو الاصلاح وانتي كملي هدي الوضع حياتكم مع بعض تستاهل تضحياتكم... فمثلا قليل اللي يستلف عشان يمشي زوجته..فذي تعتبر ميزة مهمة انه وده يبسطك وهو مضغوط ماديا..يعني يحبك بس لسانه يخونه مرات ..الله يصلح احوالكم وبهدي سركم

ياكثر الدروس المستفاده من هالمواضيع
شكرا