حركات زوجتك قديمه وغبيه
اول شي تبي تكسرك تسووي الحركات هذي وتضحك تبي تقهرك
ثاني شي لما قالت خذ عيالك تبي تجي لها وتترجاه ترجع وتشرط شرط البيت يعني تضغط عليك
خليها تجرب غيرك اسحب منها كل شي يتعلق فيك من سواق ومن شغاله ولا تعطيها مصروف العيال خل تنفعها صديقتها
وتشوف هي اللي بتتحسف وترجع تترجاك
مو هالدرجه تتطلق وتزعل وتكبر السالفه عشان بيت
الله يرزقك بنت الحلال

ماقصرت ورايتك بيضاء لكن ليتك فقط لم تستعجل بالطلاق

حتى لا تقول في نفسها حصل ما كنت أتوقعه والرجال ليس لهم أمان والحمدلله عندي وظيفتي ومن هذا الكلام الذي تردده بعض النساء
وحتى تعرف أنك رجل صادق ولا تفرط ببيتك وزوجتك بسهولة

لو أنك تركتها فقط لعقلها وأفكارها لعل مرور الأيام واحتياجها لبيتها وللم شملها يجعلها تفكر من جديد بطريقة مختلفه وتعرف من صديقها ومن عدوها

قدر الله وماشاء فعل
أكثر من الدعاء النبوي : اللهم آجرني في مصيبتي واخلف لي خيرا منها

الله يعوضك ببنت الاصول الي تصون العشره

__________________
وهل من مصير اخر ؟

مسكينه زوجتك
متاثره بالمسلسلات والروايات وعالخرابيط
بعد فتره تفيق وتشوف الكابوس الي حطت نفسها فيه
اخي لا تفكر بزواج انتظر للعده
لعل وعسى يهديها ربي وتجمعوا عيالكم
حط العيال في بالك الحين
واهتم فيهم والله يكتب لك الخيره

.................................
واوافق الأخت سماء رأيها منطقي لكن الي صار مكتوب
الان اكثر من اللهم أجرني في مصيبتي وأخلف لي خيرا منها
وبنفس الوقت الحمدلله انهم اولاد وان والدينك مهتمين بالأطفال تخيل لو كنت انت المسؤول الوحيد
الحمدلله وضعك في كل الامور ممتاز ماديا ومعنويا
وبقليل من التخطيط والعزيمة والكثير من توفيق الله تستطيع تجاوز مشكلة غياب الام بنسبة عالية

وبأذن الله تتجاوز العقبة ورب يكتبلك الخير ويلم شملك

مع سماء استعجلت بالطلاق

الا تأخرت فيه كثير للأسف ياليتني مطلق من زمان

الحمدلله عموما حتى وطليقتي بالبيت اطفالي يقضون اغلب الوقت عند اهلي

وهذا ليس بجديد اقسم بالله ان اولادي يفتقدون امي اذا بترجع لبيتها ويبكون يبونها

ولم يفعلوا هذا مع امهم والله بعيده كل البعد عن الامومه الله يسامحها
والله لم يسألوا وين ماما الا مرتين وش رايكم؟

وهي ماطقت لهم خبر ولا سألت عنهم

خلاص احس عواطفي اتجاهها بردت وعدم وجودها بحياتنا افضل

وانا حاس انها بتاخذ العيال لان خطتها مانجحت

عندي العيال عندهم سواق وخادمة ومدارس خاصة وحاطهم بعيوني انا واهلي

وقررت لو بتاخذهم ماراح ادفع شئ ابد الا مصروف

تصدقون ياجماعة شالت كل اغراضها حتى الاشياء التافهه مثل سلك شاحن وبطانية اخذتها

من كثر اغراضها استخدمت السواق يروح يوصل اغراضها معهم

الغريب عقب ماخلصت ونزلت الاغراض تقول للسواق انتظر بروح مشوار

دق علي وقالي قلت ارجع بس بلا هبال لا ابلغ عنك هروب ورجع

لاحد يقولي تسرعت صدقوني ماتسرعت

واحساس بداخلي يقول ان اللي سويته صح

لاحول ولاقوة الابالله
هل كانت كذا من البداية ام بعد ان توظفت
الله ينور بصيرتك ويسهل امورك ويعينك على تربية ابناءك

__________________
يارب ابدل حزني فرحا وسرورا وابدل مرضي صحة وعافيه ياكريم

الله يفرج همك ياخوي
لا أملك لك إلا الدعاء

الله يفرج همك أخوي ...

لاتتنازل عن اولادك خاصه انك قلت بعيده بعواطفها عنهم ع انه مافي أم ماتحن ع اولادها لكن الخوف تنتقم منك فيهم خاصه انه واضح متأثره نفسياً لما أخذت حتى بطانيتها لذلك اولادك ضروري يجلسو معاك حتى تحلو مشكلتكم وترجعو لبعض او حتى تتزوج لانه اذا تزوجت ممكن تيأس وماتستخدم نفسية الاولاد للعب بعواطفك ....

وياليت حاول تثبت في المحكمه انه اولادك مااحد يقدر يوصلهم للمدرسه ع الاقل تاخذهم طول الاسبوع والويك اند لها ....