اقتباس:
المشاركة الأصلية كتبت بواسطة أخي في الله
134
# ولماذا لم تستمري على الرقية ؟ ( في حال انك ذهبتي للرقيه من أساسه )
|
لاني افضل بكثيييير
اقتباس:
المشاركة الأصلية كتبت بواسطة أخي في الله
139
# حطيها في بالك حكاية السوق نتفاهم فيها بعدين ان لقينا وقت
|
هذي تتعبني كثيييير ، وبالفعل ابي لها حل
المشكلة لو يبي يشتري شماغ والا جزمة الله يكرمك خذاني معه
لكن مستحيل يدخل معي سوق او حتى نشتري من العثيم او بنده اغراض البيت مع بعض ، ما يتحمل
لكن الاحظه لما كان يجامل ويدخل معي عشان نلعب بناتنا انه يكون مو مرتاح ويراقب الناس ويخاف يتفشل ، ما عنده ثقة بنفسه ابدا ابدا ابدا، واذا جينا بنكلم او نفاصل في غرض او اي شي يخليني انا، ولو اخليه بيتهاوش معهم
هو يتهاوش مع كل الناس ، ما يعرف يكون اريحي منبسط
وفيه مواقف تكون كبيييرة واستغرب انه يسامح فيها!!
اخر شي قلت له مثل ما انك ما تروح معاي السوق لو حتى كنت ما رح اطول، انا ماني رايحه معاك تشتري ملابسك( خخخخخ،اقصد الشماغ والجزمه من كثر اغراضه) قال مو مشكلة اروح مع اخوي الصغير اشتريها
المشكلة انه العيد اللي رح(الفطر) رحت معاه وكالعادة نسيت الاتفاق
ما ابيه يطول معاي بالسوق ، بس على الاقل لو ابي محل واحد ينزل معي
تدري متى ينزل معي ( محل الخضار) بس، واخر مرة رحنا قبل كم يوم سلم عليه واحد من جماعته وزعل قال موديتنا محل كله اهل ......... ، يقصد جماعته
مع اني من شفته يسلم سحبت بناتي وابتعدت عنه وجلست بزاوية المحل اشتري كني ما اعرفه ، والا يا ويلي بيغثني انه شافه فلان وانا معه !!!
بذمتك مو خنقه
اقتباس:
المشاركة الأصلية كتبت بواسطة أخي في الله
143
# ممكن تكرميني وتوفري علي الوقت بإخباري عن مكمن الوجع ؟
|
حكايا طويلة
مواقف واوجاع
بين السطور يختبيء الكثير
اقتباس:
المشاركة الأصلية كتبت بواسطة أخي في الله
144
# كيف انتي مع الانتقام ؟
|
انتقم لنفسي ، خايبه جداً
الانتقام يحتمل الخير والشر وغالبه شر انا ما عندي وقت افكر في احد او انتقم من احد ، ما احب املى حياتي بشي يجهد نفسيتي واجلس افكر بفلان وش سوى لي وفلان كيف ابرد له الثاع صاعين
انا حياتي قصيرة ماني فاضية اني افكر بهالطريقة ابدا ابدا ابدا
بعدين ليش ربي خلق جنة ونار، عشان هو المنتقم الجبار اللي يحاسبهم مو انا
لكن قول اخذ حقي، ايه اخذه وما اسكت ولا ارتاح ابد ابد
واذا ما اخذته دعيت ربي، وقلت انت ولي امري وابوي وانا انظلمت ظلم يقهرني ما اتحمله
ووالله ما بعد دعوته فخيبني
اقتباس:
المشاركة الأصلية كتبت بواسطة أخي في الله
145
# وكيف حسن ظنك بالله؟
|
واااو
هالسءوال مخيف وله هيبة
العام انظلمت من مديرتي ، وكتبت فيها شكوى واستخرت
لكن ربي منعني ارفعها، يعني الاستخارة ردتني عن رفعها
جلست اسال نفسي بيني وبينها ليه ربي منعني والظلم واضح وصريح ( كنت مستغربة) واستغفر الله واتوب اليه
بعدها ربي اخذ حقي بنفس الصفعة اللي وجهتها لي مديرتي
حصل لي موقف قبل سنتين اعاد كل حساباتي من جديد في الحياة
موقف شعرت فيه انني اسات الادب مع الله فادبني ، لكن والله بحسن نية وجهل!!
كم مرة ارغب لكتابة هذا الموقف مع انه لا يعلمه بالحياة الا الله وحده وطبيبتي فقط
لكن كل مرة اقول " مو وقته الحين"
اقتباس:
المشاركة الأصلية كتبت بواسطة أخي في الله
146
# مين اثقيل الدم فيكم ؟
|
خخخخخخ، شوف بقول لك شي
زوجي يحب الهبال والرقص والازعاج
لدرجة كل اغنية رقص بالتلفزيون يرقص مع بناته
انا ثقيلة دم
ما اعرف شخصيتي هادية رزينةما اعرف اسوي مثله
وابشرك بديت اطبعه بطبايعي
يعني لما تزوجته يموووووووت في الاغاني ، وانا اكرهها مو التزام بس ما احبها
هو من نركب السيارة وهو يشغل حتى لو بنروح الصبح الدوام ( يوووووه قمة الازعاج)
كنت اقول له انا ما احب الاغاني ، ما اقدر اسمعها24 ساعة زيك
الحين مستحييييييل يشغل اغاني ، والفلاشات والسيديات كلها اختفت من سيارته
واذا ركبنا حطينا اذاعة القران والا ما شغلنا شي
بس من جد احس كرههههته في الاغاني
مره شرى باروكة من البحرين ( لما اصيبت اختي بالسرطان)، ويلبسها ويطلع فيها عادي وامه تقول ترى الناس بتضحك عليك وعاااادي
ما اعرف اصير كذا ،
اقتباس:
المشاركة الأصلية كتبت بواسطة أخي في الله
146
# ستضحكي بمشيئة الله#
|
ما ادري
احس اني نسيت الضحك من زمان
اقتباس:
المشاركة الأصلية كتبت بواسطة أخي في الله
148
# هل من الممكن نعرف القصة باختصار وماذا استفدتي منها ؟
ها تذكرت ، هذي السنة اللي رميتي عيالك عليه (غصب عن قلبك ) عشان لايضغط عليكي مستقبلا بحكاية الاولاد
|
ضربني ووقعت على الارض، وتركني مكاني لليوم الثاني
وداني لاهلي بشرط ، بناتي ما اخذهم
اخذهم في البداية مفتخرا باهله انهم رح يربونهم
تركتهم له
وقتها كان ماذيني جداً
امه بعد فترة كلمت اخذهم لانها ما تحملتهم!!
رفضت ( هل اذكر الاسباب؟!)
حاولوا زي كل مرة يجون البيت وينزلونهم ويروحون
هالمرة نبهت على امي ما تدخل ، ولا تفتح الباب زي كل مرة
جلست سنة ما ادري عنهم ، بعدها
فيلتي المستاجر طلع وهو سوى كل الامور معاه وحنا متهاوشين واخذ الايجار وكل شي
انعميت لحظتها باي حق يتدخل واحنا متهاوشين
دقيت عليه ( وحسته وحسته وحسته)
فجاة قلب السالفة الى مشاعر وعواطف وانه يبيني و........ الخ
قلت جب فلوسي كلها ما تنقص ريال
جابها
شوي شوي بدت ترجع الامور
السنة هذي فيها كم وجع مو طبيعي
اتذكر اخر مرة شفت بنتي الكبيرة كانت تتعشى مكرونة، والصغيرة ما شفتها كانت نايمة
وقال اذا صحت ما رح تروحين لاهلك فما شفتها ولا ادري عنها كان عمرها يمكن8 شهور
مشاعر الفقد لا توصف
زرعت بروحي خواء
مكاناً خالياً لا يملاه الا الفراغ
لكن يكفيني انه بعدها مستحيييييل يبعد بناتي عني ولا يفكر يحرمني منهم
ملحوظة:- هناك حكايا وخبايا كثيرة بالقصة لكن اختصرت قد ما اقدر