جربت ترضيها بمبلغ و قدره. ؟

لو كانت مادية كان خلصت من زمان الحركة هذي ماراح تنفع مع اني عرضت على اهلها الرضاوة اللي تطيب خاطرها

انا بصبر عليها وبشوف وش آخرتها وبترك الوقت يعالجها

لعل زعلها يخف وتحن شوي وتلين ويهديها الله وتفكنا من ذا القروشه كلها وتفك بنتنا من التشتت

ردي لن يعجب النساء ولكن بسلامتهم

مع احترامي زوجتك مستفزه جداً

انا اقولك... هي الان ماخذه وضعية المراه المستقلة اللي ماتحتاج رجل بحياتها! عندها بنت بحضانتها ووظيفة مضمونة واهل مستقبلينها بالاحضان ياسلام

اتركها اسحب عليها لاتعبرها... خلك قاسي عليها فعلياً فكر بنفسك! انت طيب جداً وطيبتك غباء مع احترامي! انت ضحيت وهذي تضحية كبيرررره جدددا يوم نقلت عملك معها ! سالفتك ذكرتني بأخو صديقتي مثلك .. سعى لوظيفة زوجته وانتقل معها وتحمل تقصيرها وبالاخير تطلقت منه ليش؟ عشانه يخليها تسوي غداء يومياً! اخو صديقتي تعب نفسياً وجلس فترة مهلوس وعزف عن الزواج من قهره! لاتصبح مثله

لو تقدر قسي قلبك على بنتك شوي لاتاخذها الويكند! وولاتبرر لهم ليش انك ما اخذتها ط ن ش

وترا ثلاث شهور ماهيب قليلة! توقف واجمع ماتبقى من كرامتك

ومن ناحية ضربك لها فعلاً انت اخطئت وخطأك كبير ولكن واضح عليك جداً الندم والتوبه ...


وبالاخير اسأل الله ان يقدم كل مافيه الخير لكم

اخوي فيصل ما اقولك اللي صار قليل..
الضرب والتلفظ بالطلاق من اقوا الاسباب اللي دفعتها لهذا الصد..
البنت مجروحه لكن عنيده كثير الله يحنن قلبها عليك ..
من وجهة نظري وصلها كلمتين لو بورقة اكتب فيها ارجعي لي واذا شفتي مني اتفه اسلوب يزعلك، وقتها برجعك لاهلك وينتهي كل شي..
منها تعطيك فرصه ومنها تتطمن لو لقت عليك شي انها بترجع لاهلها ..

عموماً عليك بسهام الليل، والصدقه، وكثرة الاستغفار..
الله يفرج همي وهمك ويصلح احوالنا يارب
ويسخر لي ولك جنود السماوات والارض..

ماله دخل كوّن انها مادية او لا
عندنا لو صارت مشاكل مثل كذا يحلونها بالفلوس كإثبات لجدية الزوج فقط


الله يصلح بينكم و يآلف بين قلوبكم

بصراحه باختصر الموضوع بكلام بسيط
انا زوجتي لها 3 شهور عند اهلها وشهرين ونص الى الان والله مادري عنها شي ولا تدري عني شي صح تعبت وزعلت وليا موضوع هنا كمان كل شي مكتوب وانت غلطت اوكي وهيا زعلت اوكي بس انت اعترفت بغلطك وهيا برضو متمسكه الموضوع بما فيه بالنسبه ليا مدام انها صامله خليك صامل واسحب ياصاحبي زوجتك لو تبغا ترجع تعرف البيت واذا ماتبغا الله يصبرك وخليها زي بيت الوقف عند اهلها وشكرا

حرام يخليها زي بيت الوقف مايجوز.. امساك بمعروف او تسريح باحسان،،يصبر يمكن تلين وترجع واذا هي عايفه وماتبي خلاص اكرام النفس هواها مافي شي بالغصب ،،التمسك بشخص بايع اهانه للذات

اخوي فيصل الله يهديك
عز نفسك الله يرضى عليك
الواحد يحاول الاصلاح واذا شاف الامر تحول الى مذله هنا يوقف
مهما كانت المبررات ومهما كانت الاسباب
زوجتك واضح انها عايفه وبايعه فـ خلاص الذكي اذا شاف ان لابد من الخساره فـ يحاول انه مايخسر كل شي

الله لايعلق قلوبنا إلا بوجهه الكريم .. صراحة تعلقك فيها تعلق مرضي .. ومن تعلق بشيء وكله الله إليه .. ماراح تنتهي حياتك بدونها راح تستمر صدقني الحياة ماتوقف على شخص واحد بذلت جهدك ورفضت خلاص وكل أمرك لله في النهاية هي اقدار مكتوب لها انها تنفصل عنك او تستمر يعني قضاء الله نافذ لامحالة فقط علق قلبك بمن بيديه ملكوت السموات والارض سبحانه وتعالى .

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين

الله يجبر خاطرك يارب

أنا باقي لي شهر على عدتي وتنتهي وزوجي ما سأل عني ولا تكلم في موضوعي بس لما جيت آخذ ملابسي لقيت رساله منه طيب ليش ما جاء يرجعني طالما يحبني

ليش ما سوا زيك؟ أحس بقهر يطير النوم من عيني

أخوي
{والذين إذا أصابتهم مصيبة قالوا إنا لله وإنا إليه راجعون أولئك عليهم صلوات من ربهم ورحمة وأولئك هم المفلحون}

خلاص ما بيدك شيء مثلي وأنا جلست ترى فترة أدفع اليأس وأحاربه محاربه
ركز على هدف وطوره وإن شاءالله ينسيك

سافر لندن وإلا تركيا وخذ لك دوره في أي شيء تحبه غير جو وانسى

أنا ما أقول لك انساها أنا أقول لك أسعد نفسك وبإذن الله راح تهون مع الأيام وتبدأ تسلى

بس أخوي لازم تعمل على نفسك وتسعدها زوجي إلى الآن ما فكر يتكلم مع أهلي عني ويرجعني رغم إنه طلقني بطريقه ظالمه

أوجعني شعور التخلي عني وأوجعني إني أحبه وإن صوره في كل مكان وإني كنت معجبه فيه كثير وأحترمه وأحبه وأحب أهله طيب ليش تركني؟ وين تلقى أحد يحبك ويحترمك ويحاول يسعدك بالمال والنفس؟

الأمر كله خير والحمدلله الله أشعر فيه وفي رحمته وإنه راح يعطيني جائزه بدل الألم وأنا أنتظرها من الله لأنه أرحم الراحمين