أنشّ خمس إلا عشر.

أوعّي اليهال وأجهزهم للمدرسة .. سلطان كبير ما شاء الله عليه يلبس بروحه طبعاً .. لكن مهرة بعدها تتدلع وتباني ألبّسها .. وطبعاً أمشّط شعرها.

اليوم أقول لها: اعملي حسابج لما تدخلين جريد تو بتلبسين ثيابج بروحج.

يطلعون للباص ست إلا ثلث .. وعقب ما يطلعون أصلي وأقرأ وردي من القرآن.

عقبها طبعاً ما في مجال أنام في الغالب .. لأني لازم أوعّي شما الساعة سبع إلا ربع عشان أجهزها للحضانة .... مع إنها أحياناً تنشّ مع اخوانها وما تطيع ترجع تنام في الغالب.

ثمان إلا ربع أطلع أوصّلها الحضانة .. وعقب أرجع أتريق.

عقبها أشوف شو عندي من مشواير أو شغل في البيت أو أقرا كتاب أو أدخل النت .. أو أودي أمي إذا تبا تروح مكان.

الساعة 12.30 أروح أييب شما من الحضانة.


وهكذا تنتهي الفترة الصباحية.

__________________


اللهم طِيبَ الأثر .. وحُسْنَ الرحيل.

اليوم لاحظت شي
زميلة عمل عندها فضووووول مو طبيعي
لما اثنين يسولفون تطرح اذنها بالسالفة
ولما تدخل تحشر عمرها بالسالفة!!
ومن تسمع بشي تجي ركض وتقوله
حتى لو ما عطيناها وجه
تفرض علينا نسمع



ودددددي أصفقها

ودي أهاجر

تهقون سلطان بروناي يستقبلني وعيالي

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

رغم انه روتين بس حبيته
حسسني بالحياة
بس مو كأنه يطلعون من 6 الا وايد من وقت ؟

❤ يعطيج العافيييية

__________________

حاجة الناس إليكم من نعم الله عليكم ، فـ لا تملوا النِعم ☁✨

شووووك سوالف الاقساط ما احبها
☺ كملي القصة لاه

__________________

حاجة الناس إليكم من نعم الله عليكم ، فـ لا تملوا النِعم ☁✨

هيه حبايبي .. يطلعون من وقت.

ناوين نييب سايقة السنة الياية .... بس يا رب نحصّل.
.
.
.
في موقف غريب صار البارحة من زوجي.

ما باقوله لين تخلص إجازته الأسبوع الياي .. بس عشان أتأكد الموقف صدق وإلا حركة منه!!

__________________


اللهم طِيبَ الأثر .. وحُسْنَ الرحيل.

😠 شوك ومهرة تقهرون
😆 لا تقولون نص السالفة
مهرة قولي الموقف بعدين بنتأكد معاج
شوك كملي موقف رفيجتج

__________________

حاجة الناس إليكم من نعم الله عليكم ، فـ لا تملوا النِعم ☁✨

مساء الورد

أريد رأيكن في موضوع
ابني عمره 3 سنوات يقول لي أحبك في اليوم الواحد أكثر من عشرين مرة... أبوه يتضايق ويقول انه رجال ومفروض يكون أصلب.... انا ابداله كلمات الحب والثناء واحاول أوصله بالشجاعة واذكر له دايما انه رجال
ايش رأيكن أبوه عنده حق؟

الله يحفظلك اولادك يا مهرة ...
شوك : الله يفرج همك
اشراقة : الله يكرمك
ميمي : ارميلش الحبل ههههههه
مريم : دوري معي على النينجا ، زفينا الخبر و ام ام المعرسة غابت هههههه

__________________
أشهد أن لا إله إلا الله و أشهد أن محمدا رسول الله صلى الله عليه و سلم

لا طبعاً.

بالعكس .. حلو الولد يكون عاطفي مع أمه.


أنا حريصة على هذا الجانب مع عيالي.

سلطان ما يقول لي أحبج عشرين مرة في اليوم .. لكن بين فترة وفترة يي يحضني .. يبوسني .. ومرتين أو ثلاث يقول لي أحبج.

والله أطير.


الله يخلي لج ولدج ولا يحرمج حبه وحنيته.

__________________


اللهم طِيبَ الأثر .. وحُسْنَ الرحيل.

هذا هو الرجل الحنون اللي ادوره لاميرتي ... ..هههه
اقول ، يا الرهام استبشري خير ابنك بيطلع روعة بإذن الله ...
بذرة طيبة جدا تبارك الله

__________________
أشهد أن لا إله إلا الله و أشهد أن محمدا رسول الله صلى الله عليه و سلم