المشاركة الأصلية كتبت بواسطة طعن قلبي

ثقي تمام ان طال الزمن ام قصر
انو سيقسم الوقت بينك وبينها
وراح تسمعي كلمة مثل ماانتي زوجتي هي زوجتي كمان
وحيقولك انا مطالب بالعدل تبغي اجي يوم القيامه وشقي مائل
مهره ي قلبي
دامك جلستي ببيتك وماسويتي له مشاكل
هو يفهم مثل ماغيروا يفهم انك خلاص راضيه بأمر زواجه

حطي كل الاحتمالات وشوفي نفسك وادرسيها
راح يقسم الوقت
تتقبلين هالشي..؟؟
انا اقول خلاص تكيفي مع واقعك الجديد
بشرط تضمني انو مايجيبها يسكنها جنبك ولا يحاول يجمعك فيها او يجيب طاريها عندك وينسى تمام انو متزوج وهو عندك واضمني حقوقك الثانيه
صدقيني هذا هو الحل

المشاركة الأصلية كتبت بواسطة kooki3

ههههههههههههه مش مصدقه عيني مهره تتبعل وتنافس وتبخر بعد
ما ادري احس اللعبه مكشوفه ومو لازم تاخذين دوى المستشار
متخيله زوجش بيستوي شهريار زمانه وسي السيد bb
والله رمضان وجهه حلو على زوجش
خليش انتي ومحد يغيرش اذا مو مقتنعه بالتغيير

المشاركة الأصلية كتبت بواسطة طعن قلبي

ياعسولتي يامهره انا مااكلمك بالشرع والعدل
انا اقولك كلامك هوا الي راح يقولك اياه
هم مايعرفون يتعذرون الا بهالكلام
انا ابغاك تستعدي نفسيا عشان لاتنصدمي وتتعب نفسيتك
ادري والله صعب انا مجربه وللحين مو متقبله زواجته
بس حطي هالامر قدام عينك انو راح يصير
وحاولي تتقبلي مو عشانه لا والله عشان نفسك انتي وبس

المشاركة الأصلية كتبت بواسطة ملَك شادي

السلام عليكم وكل عام والجميع بخير خصوصي مهرة
متابعة الك بس بدون تعليق ... ماعندي الك غير الدعاء الله يوفقك ويسعدك
ماتنسيني من دعاك الله يخليكي يفرج همي و يشفي ابني يارب حبيبتي

عاشقة القهوة مبروك الحمل
سمي البنت دلة قهوة اسم مركب
والولد قهوة عيني عينك ليش العلاقات في الاسامي محماس ومش محماس لا خليكي صريحة قهوة وبس هههههه

المشاركة الأصلية كتبت بواسطة موهبة الكويت

زوجك (( يخدرك )) نفس ما زوجي (( خدر )) مرته

وهو قالي اياها بنفس اللفظ انا اعمل لها تخدير


عشان جذي اهي مو راضية ترجع حق بناتها وبيتها لانها ما تبي تجزئة وتقسيم الوقت

واذا يات فهو بيكون لها من غير تقسيم

وهي قالت له مثل ما قلتيليه تبي تقسم لا اتييلي


احس اني اشوف نفسي فيكم مع اختلاف الشخصيات

الله يكون بعونج ويعينج ويصبر قلبج

ما اقدر افيدج باي شي غير ان الهدوء ما راح اييب اي نتيجة

بارك الله فيج


ابي ابجي

المشاركة الأصلية كتبت بواسطة مهره

باقول لج موقفين صاروا وانتي احكمي يا طعن إذا راح أقدر أحتمل هالحياة أو لا!


من كم شهر اشترى عدد من النخلات لبيتنا .. قال لي عدد معين .. ولما وصل البيت لقيته جايب نص العدد!

من كم أسبوع اشترى كرتونين عسل .. الكرتون فيه 12 زجاجة .. كرتون كامل أعطاه لأمي .. والكرتون الثاني عطاني منه ست زجاجات.

وطبعاً أنا ما سألته ولا هو شرح في كلا الموقفين .. لكن الأمر واضح ومب محتاج سؤال أو رد.


الله يرضى عليج يا طعن لا تكلميني عن العدل والقسمة والشرع .. لأني عارفة كل هذا وفاهمة أنه ليس موضع نقاش أو جدال.

وأصلاً النخل للبوابة الرئيسية الخارجية .. يعني مب حقي بالخصوص .. والعسل أنا ما أستخدمه كثير .. وقلت له إن ست زجاجات وايد علينا.

لكني تضايقت يا طعن .. لا أريد أن أتساوى مع أحد .. فإن كان ولابد سيقسم الوقت فليذهب هناك ويتركني وحدي!