مرة من المرات وقت ما كنت ساكنة ببيتهم ..
خالة زوجي .. وبنفس الوقت تصير زوجة عمي .. جات من البحرين . وانا كنت عند باب غرفتي اللي تصير عند مدخل البيت .. فصار وجهي بوجهها اول مادخلت البيت طبيعي اسلم عليها.. كنت على الباب يعني رجل برا ورجل داخل .. على دخلة اخو زوجي من الباب الرئيسي وشافني بدون حجاب ..
على طول لما شفته رجعت على ورا .. وخالة زوجي تركتني عشان استتر عنه ..
قام هو يصارخ ويسب ويدعي علي والله يلعن اليوم اللي دخلتي فيه بيتنا وسب وشتم بكلام كبير ..
طبعا انا قعد اصيييح .. صحت صياح وهو مب راضي يسكت اسمعه يصارخ ويسبني .. على شنو عاد ؟ على ثانية وحدة بالغلط شافني بدون حجاب .. وهو مش ملتزم ولا مطوع .. بس وقاحة منه .. بعد هالموقف مباشرة انا بغرفتي اصيح وهم برا اسمعهم يسولفون مع اخوهم ويتضحكون بصوت عالي كأنهم يبون يلطفون جوه ويعدلون مزاجه المتعكر ..
جاتني زوجة عمي .. اللي هي ضيفة عندهم توها واصلة من المطار .. لمتني وباست راسي وقامت تعتذر عنه وتقول مسحيها في وجهي ..
وامه وخواته ولا على بالهم .. الا يرفعون صوتهم بالضحك والسوالف ..
زوجي قاطع اخوه شهر تقريبا بعد هالموقف .. لين ما اخوه قرر يعتذر لزوجي ويتأسف منه .. وحتى انا شهر تقريبا ماكنت اطلع الصالة ولا اكل معاهم على طاولة وحدة .. ولا فكروا ياخذون مابخاطري ..

بنات اللي تحب تعرف شخصيتها تمام ونقاط قوتها وضعفها
في اختبار عالمي معروف اسمه MBTI يقول انه في العالم كله فيه فقط 16 شخصية مختلفة.. موجود بالعربي والانجليزي
دقته عجيبة.
أنا سويته من زمان واليوم وصلني هذا البرودكاست عنه:


هذا اختبار MBTI لكشف أي نمط من أنماط الشخصية انت وهو سهل و ممتاز ومشهور عالمياً وغالبية المشاهير اختبروه وجربوه وهو مبني على دراسات علمية ويستخدم ببعض الجامعات وبعض الشركات الكبرى ومن الجيد أن الواحد يجربه ويكتشف شخصيته وهو يختلف عن كثير من الاختبارات المنتشرة بالنت لأنه مبني على أسس علمية و يمكنك أن تقرأ شرحه وكيف تطبقه

و هو يقسم الناس إلى ١٦ شخصية وبعد الاختبار يظهر لك أي شخصية أنت و من ثم يمكنك أن تقرأ مواصفات هذه الشخصية

مواقفي مختلفة تماماً.

ما أدري أقولها والا لا.

__________________


اللهم طِيبَ الأثر .. وحُسْنَ الرحيل.

جيتوا عالجرح

جاري البحث عنه
اليوم كنت اقرا مميزات الحمل
قال حشري و يحب يستكشف
يعني انا حشرية !!!!

طلعت شخصيتي الراعي.

__________________


اللهم طِيبَ الأثر .. وحُسْنَ الرحيل.

يا حبي لك يا زهرة.. من شفت اسمك توقعت بتردي على طول يلا بانتظار النتيجة

أنا القنصل وتماما يمثلني

بروح أقرأ عن الراعي

بس ايش حسيتي مهرة هل فعلا يشرح شخصيتك؟

على فكرة أنا قرأت النتيجة بالانقليزي ولقيتها مطابقة لي..
عاد ماعرف بالعربي كيف مترجمين لا يكون جايبين العيد

مساء الورد

إشراقة انا العقل المدبر 😎

هههههههههه
طلعت مو هينة ابدا
رئيس الاركان
انا عملته قبل و كل مرة نتيجة غير
لكن اقرب تحليل كان المعماري