المشاركة الأصلية كتبت بواسطة سمو**

الشخص الطيب والليدخل بنية يأخذها على دماغه لكن الأيام تعلمه
بذكر موقف لليوم احس نفسي مبسوطة منه أحس أني أخذت حقي ثالث ومثلث وأول مره أحسني شريرة بس البركة فيها منها تعلمت
تزوجت وكنت في المرحلة الجامعية كنت الحمد لله متفوقه ومن أوائل الدفعة يعني الدارسة عندي شيء كبير..المهم حملت بعد زواجي بأشهر وكان حملي مهدد بالاجهاض يومها راحت معانا المستشفى عندها موعد وانا رحت أتطمن على وضعي وحملي لما جاء دوري بالدخول قامت قالت بدخل معاك قلت لا أرتاحي ياخالة مايحتاج طبعا ظنيت أنها معتبرتني زي بنتها وانا اشوفها زي أمي المهم الدكتورة قالت الحمل خلاص ماراح يتم وفي طريقة للاجهاض طلعت وابكي خايفه طبعا سألت من رأس خشمها وش قالت الدكتورة قلت تقول مابيتم ضعيف الحمل انتظرتها تهون علي او تدعي لي ولا كلمة استغربت بس عادي ما اخذت الموقف بزعل مشغوله بهمي وانا على نياتي في تعاملي معاها وهي داااهيه ومتسلطه شويتين _طبعا مااكتشفت شخصيتها الا بعد ماخذت على راسي من مواقفها معاي_ وبعدها بشهرين بنتها ولدت وكنت ارجع من الجامعة اسوي لهم غداء بطيب نفس واجيهم العصريه اساعدهم في استقبال الضيوف قامت تدق بالكلام قدام بناتها وتضحك باستهزاء قالت مدري فلانه وشبها ماتبغى تحمل شكلها بس تبغى تدرس ؟!!!قلتلها وانا مصدومه طيب انا حملت ياخالة واسلبت قالت لا مو حمل هذاك...قمت نزلت وانا ابكي ليش تجرحني وطبعا استمرت سنه ونص كامله تهزيء ودق بالكلام على الحمل قدام بناتها وسلفتي او قدامي لدرجه قلبت راس زوجي عليها سوولي حرب نفسيه كل شهر يجيني العذر اقعد ابكي من الخوف والنفسيه الخايسه ابكيييييييي من التعامل اللي بلاقها من زوجي ومنها كل ما حملت وحده تدق علي الباب وتقولي فلانه حملت وانت لسا وتبدا بكلامها السم...كنت ابكي على كتبي ووقت اختباراتي لكن كنت ماخذه عهد على نفسي مايأثرون على مستواي والحمدلله ذيك السنة طلعت الاولى على دفعتي طبعا انقهرت وتحسب ان دراستي بسببها اخرت الحمل بعد السنه والنص حملت وكتمت حملي شهرين وخبرها زوجي لما وصل الحمل شهرين ونص مات الجنين واسلبت وقتها زوجي مسافر وانا عند اهلي دقت علي احسبها بتسلم وتطمن علي قالت خلي اهلك يودوك المستشفى يشوفون وش عندك ليش ماتحملين ولا انا وولدي _حماي_ بنوديك قفلت منها وابكي بعدها بفتره جيتها قامت قالت لو ماحملتي زوجت ولدي تخيلوا مامرت سنتين على زواجنا طبعا مو مقتنعه اني حملت واجهضت ابدا طبعا لاول مره اغلط عليها وسمعتها كلام برد خاااااطري اخلاقها قفلت مني ولاول مره ينبض عرق الدهاء نزلت للبيت ولبست عباتي وجهزت كتبي واغراضي وجاء زوجي من برا وانا ابكي قلت الحين على بيت اهلي واهلي يتفاهكون مع امك وحكيت السالفه طبعا هو عنده علم بكل حكايتها معي وكلامها حاول يهديني_صراحه ماكنت ناويه اروح لاهلي بس ابغى اخوفها واوقفها عند حدها لاني عارفه خالتي تموووت خوف من اهلي ولو بس وصلهم انها سوت لي شيء بيطربقون الدنيا على راسها الله يحفظهم لي_ المهم زوجي عجبني قالها عيالي من غير فلانه ماابيهم وانا مبسوط معها سيبونا في حالنا وعصبت وخرج من البيت هي خافت وجات البيت جري تدق وتطلب اسامحها وسمعتها كلام في العظم ...وجات فتره هديت بس ابو طبيع مايجوز عن طبعه رجعت تسوي نفس حركاتها ويسر الله لي احمل في السنه الثالثه من زواجي..اتفقت مع زوجي مايقول لاحد ولا انا حتى اهله حتى يتم الحمل ونتأكد من سلامتها وانا كمان هدفي الثاني غير اتطمن على البيبي ان احرق اعصابها زي ماعملت فيا السنين الثلاث وخبيت خبر الحمل للنهايه الشهر الخامس طبعا ساكنه جنبي بس جننتها تبغى تعرف وماقدرت واتعمد اقول كلام يجننها انو اشتغل واطلع فوق السلم وانظف الجدران وهي تنهبل تقول لا خلي زوجك -تخاف اكون حامل وينزل الجنين -وانا استعبط عليها..
مره دخل عليها زوجي قالت هاه ولدت قال مو حامل اصلا😂😂😂😂😂😂طبعا انقهرت انها مادرت الا نهايه الخامس بس أحس قلبي لليوم مبسوط رديت حرتي فيها....بس زعلانه على نفسي ان احيانا تجي ظروف تخليك تتصرفي بغير طبيعتك

وسلامتكم

المشاركة الأصلية كتبت بواسطة مــريم

ههههه اشراقة ..
صح اغلب الطباع فيني .. اهمها دمي يفور بسرعة ..
واندم على كلامي بسرعة ..

المشاركة الأصلية كتبت بواسطة مــريم

ههههه اي للأسف مالت علي 😁

المشاركة الأصلية كتبت بواسطة مــريم

ليس لشيء الا لأني ماحب النكد والجو المشحون ..
فأشتري راحة بالي وما ازعل بسرعة .. واذا زعلت ارضى بسرعة ..