الله يقضي حاجتك وييسر امرك

__________________
ربنا هب لنا من ازواجنا وذرياتنا قرة اعين واجعلنا للمتقين اماما

الله يفرج همك ويسعدك ويقضي حاجتك


ويسعد صباح النشيطات صباح الورد للورد

__________________
سبحان الله وبحمده..سبحان الله العظيم

بذكر موقف واحد اثر فيني بشكل كبير .
ويمكن هو الموقف اللي خلا قلبي يصد صدود كبير عن اهل زوجي ..

بس أرجوكم أقروه للنهاية لا تتمللون ..

المشكلة لازم أشرح بشكل مطول عشان تفهمون الموضوع :

زوجة حماي (أخو زوجي اللي أصغر منه) ماتشتغل .. وكون بيتها ملاصق لبيت أهل زوجي يفصلهم سور وفيه مدخل من الحوش .. فاغلب وجباتهم مع بعض الغدا والعشا وأغلب وقتها تقضيه معاهم .. نهار ومسا ..
وأنا لأني اعمل وبيتي بعيد عنهم روحاتي لهم قليلة .. وأنا مرتاحة لأن التدخلات قلت عن السابق .. طبعا صارت علاقتها بهم قوية .. وهي أساسا مب هينة وذكية في التعامل.. فلو صدر منهم شي مايعجبها مثل الأمور اللي كانو يسوونها معاي تتصرف بذكاء ودهاء .. غيري أنا كنت مسالمة وحتى لو يدرون إني تضايقت بس مايهمهم ..

أهل زوجي عندهم بيتين ..
واحد ساكنين فيه والثاني كان بيتنا جميعا سابقا وطلعنا منه كل واحد ببيت (أم زوجي وخواته ببيت .. وزوجي ببيت .. وأخو زوجي ببيت) .. أجروه فترة وبعد ماطلع المؤجر قالو بنعدله وكل واحد يأثث غرفته بكيفه وبنروح له جميعا أو حسب ظروف كل واحد في أيام العطل والاجازات الأسبوعية ..لأنه في مدينة ثانية بعيدة عن المدينة اللي كلنا ساكنين فيها ..

بشرح لهم شكل البيت الثاني اللي بيقعدون في في الإجازات :
هذا البيت بيت الطفولة لزوجي .. كانت عنده غرفة بحمامها ولما فكر يتزوج أبوه الله يرحمه بنى غرفة ثانية فتحها على غرفة زوجي .. ( احتمال كبير إن زوجي اللي دفع تكاليفها) ..
فلما تزوجني سكنت معاه في غرفتين بحمام .. والباب على صالة البيت مباشرة ..
أخو زوجي لما خطب بعدنا بكم سنة .. أعطوه غرفة بحمامها موجودة بالحوش من الخلف لأن غرفته اللي بداخل البيت صغيرة ..
المهم بعد ماطلعنا أنا وزوجي وسكنا في سكن منفصل .. بديهيا أخو زوجي انتقل مع زوجته وكان عندهم ولد واحد آنذاك إلى قسمنا اللي بداخل البيت .. والغرفة اللي برع تركوها للضيوف ..

ألحين نوصل لراس المشكلة ..
في فترة تصليحات وصيانة البيت .. ام زوجي كلمت زوجي .. وطلبت منه طلب ..
قالت له أبي أخلي ملحقكم في البيت (الغرفتين والحمام) لأخوك .. وإنت تاخذ الغرفة اللي برع ..
أنا عندي ثلاث بنات (13 و 10 و 4) وحماي عنده 3 أطفال ( 8 و 4 و 6شهور ) ..
زوجي جزاه الله خير قال لأمه خليني اتشاور أنا وزوجتي وبنرد عليج ..
لما كلمني زوجي تضااااااايقت ..
أولا لأن هذا أساسا مكاننا وإحنا أولى فيه .. ثانيا عيالي أكبر من عيالهم ..
ثالثا وهو الأهم .. شمعنى بتقربونها هي منكم وبتبعدوني أنا وبترموني في الغرفة اللي برا .. ليش حبيتوا لها هالمكان وكرهتوه لي .. ؟
قلت لزوجي لا خلنا على مكانا احنا نحتاج غرفتين .. وقال اللي تشوفينه وقال لأمه إن نبي قسمنا ..

الموضوع هنا انتهى بالنسبة لهم .. كانت مجرد محاولة منهم إن صابت زين وإن خابت خلاص .. وأخذ أخو زوجي الغرفة اللي برا ..

لكن الجرح اللي بقلبي كيف بيلتئم ؟ بصراحة حسيت بالمهانة ..
وكلما فكرت في موقفهم تضايقت أكثر ..
وكرهت إني اروح كل اجازة هناك وأقعد معاهم في نفس الصالة وآكل معاهم من نفس السفرة وأنا حاسة إنه غير مرغوب فيني ..
ألحين صار لهم شهور من تصلح البيت .. كل اسبوع يروحون حتى أخو زوجي ومرته ..
وإحنا أثثنا غرفة بناتي لأنهم يروحون يباتون مع جدتهم بعض الأحيان .. بس غرفتنا لحد الآن فاضية ماحطينا فيها أثاث ..
من ناحية أخاف يقولون إني أنانية لأني ماعطيتهم الغرفة وفي نفس الوقت ماستخدمتها ..
بس للأمانة قبل هالموقف كنت جدا متحمسة أأثثها واقعد فيها في الإجازات .. من بعد الموقف كرهت أقعد فيها وأنا حاسة إني غير مرغوب فيني ..

السلام عليكم
تسجيل حضور

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

ليش سكتوا ؟؟

زين الله يفرج همك ويقضي حاجتك يارب..

أرد يا مريم على موقفك والا أخلي البقية وأنا آخر وحدة ونشوف وش بننتهي عليه؟!
على فكرة حاسه فيك قوووووة
ونفس. اللي تمرين فيه أمر فيه
بس الفرق بيني وبينك إنهم يبون يفرضون زوجة ولدهم علي!
عاد تعرفين شوك وتعرفين وش ردة فعلها !!!

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

ردي شوك شكله مافيه غيرج بيرد ..
أبي أعرف أنا لي الحق في زعلي أو لا .؟؟
وهل انا على حق لما شعرت إني انهنت وإن كرامتي ماتسمح أقعد في الغرفة من بعد كلامهم .. ؟
على فكرة أنا نفسي عزيييزة وما أرضى على نفسي أفرض نفسي فرض على ناس حسسوني انهم مايبوني ..

حبيبتي شوفي مصلحتك انت وبناتك ولاتخلي هاد الافكار تسيطر عليك
كل الزوجات تتعرض لمواقف استفزاز مثل هذه
فالذكية والانانية تعيش حياتها بالطول والعرض
والحساسة تبقى بحسرتها ووجع قلبها
بعدين احمدي الله انه زوجك راعاك واستشارك تخيلي لو وافق على طول شو كان رح يكون موقفك
بعدين يمكن يفضلوها هي لكن هذا لا يعني انهم ما يبونك هو مسالة تفضيل فقط
وشو نفعها هاد التفضيل المهم انه الغرفتين لك انت
اثثي غرفتك حبيبتي وانبسطي فيهم وانسي الموضوع



على فكرة انت مكبرة الموضوع اختي وحساسة فوووق اللزوم لو انا منك ما اتحسس ابدا..
كنت محضرتهم قبل ما تكتبي لازم اقولهم

__________________
ربنا هب لنا من ازواجنا وذرياتنا قرة اعين واجعلنا للمتقين اماما

شوفي يا بنت
آخر وحدة تاخذين منها هو شوك.
لا مالك حق تزعلين ( إلا إذا كان بينك وبين نفسك شوي همن تنسين)
قولي ليش؟!
لأن أنا عندي مبدأ في الحياة إن الحب من الله، فإذا ربي طرح بقلوبهم حب زوجة ولدهم الصغير ترى مالهم ذنب ولا لها ذنب ولا لك ذنب!( بس عندي قناعة ثانية جداً مهمة) إن علاقات الحريم ما تدوم
يعني اصبري كم سنة وبتشوفينهم قلبوا على بعض
كل هذا ما يهمك ، المهم إن الحب من الله وأنت مالك نصيب من هالحب (زيي) عاد الشكوى لله نقول لهم حبونا غصب ، ما يصير!!
بس انتبهي تشترين حبهم بالهدايا والفلوس ترى بتطلعين أنت الخسرانة في النهاية، كيفتس.
نجي للكرامة والإهانة وحركات ابليس معك
قلنا لك الحب من الله شتسوين بعد ،
نجي للغرفة وسالفة كرهتها
وقبل كرهتها هل كنت أنانية ؟!
لا.
شوفي فيه مواقف في الحياة تبي مننا نشيل قلبنا ونحطه تحت رجلينا وندوس عليه ونمشي يعني نكمل طريقنا
يعني برضه، حتى لو كرهتي الغرفة أثثيها واكتمي مشاعرك " الخبله" واستمتعي بتأثيثها وادفني الموقف في قاع قاع قاع قلبك وأهم شي انسيه.

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.