على طاري الطول.


اليوم في المنتزه كان لازم ياخذون طول اليهال .. لأن سعر تذكرة الدخول معتمد على طول الياهل.

سلطان (بعد شهرين بيكمل 11 سنة) تقريباً 135 سم.

مهرة (بعد شهرين بتكمل 7 سنوات) تقريباً 115 سم.

شمّا (بعد ثلاثة أسابيع بتكمل 4 سنوات) تقريباً 110 سم.


أنا عاد 155 سم.


متخيلات منظري مع عيالي بعد سنة أو سنتين مثلاً؟!!

__________________


اللهم طِيبَ الأثر .. وحُسْنَ الرحيل.

يب يب هذا مصير كل أم ... تكون بطول أقصر عيالها بنات واولاد

أقترح الموديل الثاني.

__________________


اللهم طِيبَ الأثر .. وحُسْنَ الرحيل.

🙈🙈🙈🙈🙈


......

متوقعة هالمصير .. بس مب جذي عاد.

كان عندي أمل سلطان يكون في المرحلة الإعدادية مثلاً.

لكن شكلنا وصلناها بدري بدري.

__________________


اللهم طِيبَ الأثر .. وحُسْنَ الرحيل.

الاسبوع اللي راح حضرت حق بنتي الكبيرة حصة معايشة ..
يعني هم يدرسونهم والام تجلس اخر الصف تشوف طريقة التدريس واسلوب المدرسات .. منها تستفيد من طريقتهم ومنها اذا ماعجبها شي تعطي ملاحظاتها بعدين ..

المهم خلصت الحصة وطلعت على طول رحت دوامي ..
لما رجعت البيت بنتي تقول زميلاتي يقولون لي ليش اختج ياتج؟ ليش مب امج اللي يات ؟
واي واي 🙈🙈🙈 مايحتاج اوصف لكم شكثر تشققت حزتها ..

مهرة بنتي في عمر سلطان.. بعد كم شهر تصير 11 سنة..
ماشاء الله تبارك الله طولها 152 الله يحفظها
زمان كنت اشوف نفسي طويلة بس جنبها خلاص راحت عليا

يحق لج

__________________


اللهم طِيبَ الأثر .. وحُسْنَ الرحيل.

هههههههههههههه مريووم ياحليلك

ما شالله تبارك الرحمن.


تصدقين شو يا على بالي الحين؟

أقول يمكن أنا مخربطة في طول سلطان .. ويكون 153 مب 135 وأنا ما انتبهت.

لأنه أمس لما طلعنا المول كان ماشي جنبي ويبوسني في كتفي .. وكان مستواه ثابت يعني ما يرفع راسه أو جسمه مثلاً عشان يوصل كتفي .. هذا وأنا كنت لابسة كعب.


شكلي باجر باقيس طوله بنفسي.

__________________


اللهم طِيبَ الأثر .. وحُسْنَ الرحيل.