تعديل دقيقة

اليوم الظهر و بدون اي مقدمات، جاني امساك الله يعزكم شديد شديد لدرجة مو طبيعية أبدا .. و معدتي بنفس الوقت قالبة عشان شربت كاسة حليب دافية.راجان راس النونو ضاغط على تحت و بقوة و لدرجة حتى ماقدر كنت اتحرك او يخرج مني اي شي.. حتى الراس كان ضاغط عالمثانة و ماني قادرة اخرج شي.. بغيت اموووووووووت من الآلام اللي جاتني

فجأة النونو صار يضغط على تحت و يتحرك و يضغط عالمثانة و واقف بالطريق مسبب لي امساك الله يعزكم و الرحم بدا يوجعني و كل شي
جلست اكثر من نص ساعة بالحمام الله يعزكم،، ماني قادرة اتحرك و لا حتى اخرج

خرجت و دقيت على زوجي اقول له تعباااااااااااانة مرة مصاريني بتنفجر، عندي كتمة ( امساك ) الله يعزكم بحياتي ماجاني مثله ..
و ماني قادرة اعمل شي، لانه الرحم بنفس الوقت بدا يوجعني و ماني قادرة اخد شي، النونو ضاغط بقوة و ضاغط عالمثانة و البول
الله يعزكم برضو مو راضي يخرج..

خرج من العمل و بسررررررعة و ساهر صادوه و اعطوه مخالفة 500 ريال .. ركبت السيارة و رقدت بالمقاعد اللي بالخلف، مو قادرة اجلس
وصلنا الطوارئ بالمستشفى،، جاب لي كرسي متحرك، ماني قادرة امشي

بس جاتني دكتورة النساء و الولادة، و قالتلي خليني اكشف عالرحم يمكن تكون أعراض ولادة ؟؟؟
قلتلها: لاااااااااا مو ولادة .. و شرحت لها اللي فيا و الحمد لله اخدت تحميلة و بعد ربع ساعة جابت مفعولها
بس تعذبت و الله، و حسيت كاني باولد .. و متتتتت من جد من قوة الألم و ضغط النونو بزيادة على تحت و اليوم
اكثر من قبل ضاغط ..

دخلت بعد شوية عند الدكتورة و قالتلي طبيعي مع قرب الولادة اللي صار فيك.. النونو ضاغط بقوة و قافل الطريق
و مسبب الشي هذا.. و كانت بتكشف عالرحم بس قلتلها : مابغى مو لازم .. زوجي قالي خليها تشوف يمكن ولادة ؟؟؟
قلتله و الله يوجعوني عالفاضي و ثلاث مرات كشفوا و كل مرة مقفل و ماقدر أتحمل الألم، و كنت من جد تعبانة
و مازلت تعبانة، لاني انجرحت بقوة بسبب الكتمة

المهم سالت الدكتورة، اقدر دحييييين اخد طلق صناعي و إبرة الظهر معاها ؟؟؟ قالتلي ايوة عادي دام خلصتي التاسع
دحين نولدك.. بسسسسسس نحن دايما مانستعجل بالطلق الصناعي، لانه اغلب اللي ياخدوها بيدخلوا للعمليات
لانه احتمال مايفتحش الرحم معاهم ..

فالأفضل اننا نصبر كمان يومين عشان يمكن يجي طلق طبيعي .. و الدكتورة هند كاتبة لك موعد السبت .. فممكن نعطي
اخر فرصة للطلق الطبيعي ..

قلتلها،، انا مابغى عملية و يارب ماحتاجها و قلتلها خلاص باصبر لحد السبت ..

.
.

المهم ،، طلعت من عندها و قلت لزوجي، الدكتورة هند و اللي راجعت عندها اخر مرة
فاهمة اكثر من هذه و عشان كذا فضلت اصبر للسبت لو باخد طلق صناعي ..
و السبب !!!!!

انه دكتورة هند اللي عطتني موعد السبت و اللي راجعت عندها اخر مرة، قالتلي اذا جيتي
السبت، بنعطيك اول شي تحميله عشان الرحم ينفتح و بعدين طلق صناعي ..

بس هذه قالت: بيعطوني الطلق الصناعي و احتمال كبير ادخل لغرفة العمليات عشان لو
الرحم ماانفتح و ماجابت سيرة التحاميل اللي تفتح الرحم ..

قلت المعلومة هذه، عشان الحوامل ^^

و الله يصبرني ..
*

احساس عمري

يسعدك يارب، ادري و الله انه شي يخوف.. و يخليك ليا يارب ..
و نفس اللي تقوليه سمعته من ناس كثيرين.. و كل مارحت المستشفى
و تكون فيه دكتورة تانية مناوبة، اسألها عن الإبرة .. و انا اكييييييييد
حاستخير مليون مرة،، و ان شاء الله اقدر اقوم الليلة و ادعي و استخير كمان

لو كنت من جدة، كنت ارتحت من جدة.. مستشفياتكم سمعتها حلوة بالتوليد..
نحن قريبين منكم و المستشفى اللي باولد فيها كل اخواتي يولدوا بها و حريم
اخواني .. ارتاح لها نفسياً عشان اغلب الدكتورات فيها فاهمين من جددد
بس مااعتقد توصل لمستوى مستشفيات جدة .. عشان باسمع الكل يمدح بالتوليد بجدة ..

و يسلمك يارب على إحساسك و ان شاء الله باستخيييييير اكييييد ..

سلطانة نفسها

الحمد لله على سلامتك و النونو، و اكيييييييد تجربتك بتفيدني ،. لاني من زمان نفسي اسمع من وحدة جربتها
و توصفلي ايش هي بالضبط ؟؟؟

انا الصراحة خايفة من الم الطلق و الولادة، اما الخياطة و غيره فهذه اصلا ماحسيت بها في ولادتي بولدي
لانهم يعطوك إبرة مخدرة مجرد مايخرج النونو .. و يعطوني كمامة وقت الولادة تحسسني بالدوخة وقتها و أبدأ تهاوي
بس الم الولادة اللي من جد موووووووووووت مو عذاب ..

و تسلميلي على تفاصيل التفاصيل اللي كتبتيها ^^

--------------------------

على فكرة،، بدأ اليوم معاي طلق خفيييييييف مرة و اعتقد انه السبب
ليلة امس، عملت بنصيحة الدكتورة .. بدعك الصدر .. لاني حسيت الرحم
بدأ يشد امس و اليوم بدأ طلق خفيف مرة مرة ..

نورة ..

عاد ابو الشباب ماشاء الله طبيب و مابعد كلامه اي كلام
بس قوليله انت بألمانيا و بريطانيا،، مو عندنا

هذا سبب الخوف اللي بداخلي من الإبرة،، بس تطمنت كثير بكلامه
عن السلبيات و توضيحه ..

انا برضو اختي اللي ولدت قريب، تقول الولادة الجاية ان شاء الله بتاخد
الإبرة .. و هي مخوفتني اكثر من الولادة، لانها مرة تعذبت بولادتها
و الحلو بالمستشفي اللي باولد عندهم ان شاء الله، انه دكاترة التخدير
يمدحوا بهم كثير و انا جربتهم وقت ما أجهضت باول طفل

الف شكر عزيزتي *

يا بنت هذه اعراض ولاده

ليه ما تركتي الطبيبه تفحصك
وجلوسك في الحمام خطر يمكن ينزل البيبي بدل اللي تحسي فيه

اول ولاده ما كنت احس بطلق الا بكتمه واريد ان اخرج شي اكرمكم الله

الله يسامحك هذا طلق ولاده

اقول لك ما تجلسي الحمام جيبي لك نونو واجلسي عليها

روح الطير راقبي الالم وقت يشد

ووقت يخف

هو احساس كتمه ولكن مش كتمه

حبيبتي في ناس تعملها وهي تولد يعني يخرج من هنا ومن هنا

حبيبيت ابدي بسم الله

انتبهي ما تولدي بالبيت

خليها تفحصك


اذذا ياخذ زودك اجازه افضل له هالاسبوع افضل له من ساهر ومن اي حادث وقت ينشغل بالو عليكي

انتي في طلق ولاده يا بنت
طمنينا

كرري الدعا : يخرج من بين الصلب والتراءب الله يهونها عليكي

__________________
http://live.gph.gov.sa/
اللهم اني استودعك اولادي

على فكرة ،، معليه على الجرأة شوي..
بس من جد مرة تعبت اليوم

الامساك الله يعزكم جرحني كثييييير قبل لا اروح المستشفى
و من يوم رجعت من المستشفى ماني قادرة اجلس.. و راقدة
و خايفة يستمر الألم لحد وقت الولادة و يصير الألم مضاعف
فكرت استخدم مرهم من الصيدلية ؟

الطلق دحين بيجي على خفيف مرة مرة بس احسن من امس و قبله.. *
و وقت كنت بالمستشفى اليوم، حسيت النونو بيطلع لانه كان ضاغط
تحت بقوة و مقفل الطرق كلها

صبايا همتكم عنا حالة ولاده في المنتدى

مين يراقب معي

روح الطير حبيبتي

وقت يشتد الكتم اكتبي اشتد وراقبي كم يبقى

روح الطير هذا طلق يا ماما
وكل ما جلستي على الحمام رح تتعبي اكثر


صبايا وقت يشد الوقت لكل اربع دقايق مين يتصل بزوج روح الطير

كم لك بهذا الالم

وآخر الم متى كان

نص ساعه ربع ساعه كيف

ببنتي البكر مثلك ولدت ما اعرف شو هو الطلق ولا معناه

كان كتم ولمع يلمع الحوض عندي


مين سراقب معي صبايا

__________________
http://live.gph.gov.sa/
اللهم اني استودعك اولادي

أبلة جرين

قالتلي الدكتورة مثل كلامك، انه احتمال كبير ولادة و انا مااكون دارية .. و طلبت تفحصني مرتين
بس ماخليتها، قلتلها اول شي ابغى علاج للكتمة، باتعذب ماني قادرة حتى اتكلم و لا احرك اي شب

سالتها اذا رجعت البيت، كيف باعرف من حالي انه الرحم مفتوح؟ قالت بيجيك طلق
حسيت كلامهم متناقض ؟ مرات يقولوا انه يجي طلق لازم و هذا اللي اعرفه و جربته انا ..
و مرات يقولولي ممكن الرحم ينفتح و انت ماتدري ؟؟؟ جاني الوسواس ..

بس من جد، يارب الطلق هذا يكون تبع الولادة ..
اليوم امي تقولي، بحملك هذا مرة تعبتي .. لانها شايفتني ماني قادرة اقوم و امشي ..

جوجو حبيبة الكل ..
زوجي مايقدر ياخد اجازة الفترة هذه بالذات.. لانها فترة الحج و شغلهم حاليا متعلق بالحجاج
فمحتاجين لكل موظف.. بس المدير يسمح له يخرج زي هذه الحالات لانه داري انه زوجي بيستنى ولادتي
و اصحابه يغطوا مكانه بالفترة اللي يخرجها عشاني زي المرة هذه.. فما احب ادق عليه الا بالحالات الحرجة مرة
عشان وقت ولادتي راح يغيب عن العمل 5 ايام.. لانه متفق مع صاحبه، صاحبه غاب 5 ايام عشان كان بالمستشفى
و زوجي استلم مكانه بالفترة هذيك ..

هذا طلق ولاده

الكتمه هذه طلق يا بنت


انا ولدت وما احس الا بالكتمه بدي اخرج شي

اذا تقدري فورا للمشفى ويمكن راس البيبي ما بدو الا يطلع

شو شعورك وما معك احد بالبيت وفجأه ينزل البيبي والاصعب انو والله تكوني جالسه بالحمام

ترا صارت مع ناس كتير

بوجك على الفحص
ما في طلق صناعي ما تخافي

رح يضعو لك ملين وفورا بإذن تولدي

__________________
http://live.gph.gov.sa/
اللهم اني استودعك اولادي