إن شاءالله ياروح .. سعادتي أنا من يصنعها .. ستبدأ تبدأ فيني وتنتهي فيني أنا ماأحد يصنعها غيري..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

السلام عليكم ٠٠
انا متابعه مواضيعك من زمان الله يصلح بينكم ويسعدكم
احبه حبيبي بنصحك كأخت في الله ..
اولا احس الموظفه اقل مشاكل بكثير من غيرها
بسبب مافي وقت تصنع فيه مشكله الوقت اللي تفضى فيه
تحاول تضيف مرح ع بيتها وعائلتها وتعوضهم فترة غيابها
عنهم
انتي انسانه جدا حساسه هذا الشي اللي مأثر في علاقتك
بزوجك
تجاهلي كل شي يصير خلي الوقت اللي جالسته مع زوجك
بس مبتسمه صح الانسان مو كل وقت رايق بس مجرد تبتسمي
تحسي بسعاده داخلك تحسي برضا
قوليله حاضر وابشر ومن عيوني
ادا عصب لاتردي مطلقا ولاكأنك تسمعي
ادا رسل رسالة تجرحك ولا كأنك تشوفيها
مو لازم تردي ع كل شي
مشي الحياة تمشي
احسك مرره متسرعه ومتهوره
حبي نفسك واسعديها بضحكاتك الجميلة
برضاك الداخلي شوفي الحياة وردية
احس كل شي في الدنيا جميل
مافي شي يستاهل الزعل عشانه ..
ياالله لو اعطيك من نظرتي للحياة بتسعدي
رغم عناد زوجي الله يهديه ومشاكله
وكلامه الجارح مستحيل ارد كل شي اخذه ببرود وتطنيش
الله يصلح بينكم ويسعدكم

__________________

فطرنا وشال عمره وطلع .. ارسلت له اني ابي اروح لاهلي .. قال كان تكلمتي قبل .. وكلها كم يوم وتروحين لهم للابد .. قلت له ليش كم يوم الليلة ودينا لهم للابد بجهز شنطتي واذا جيت وديني لهم .. قال اوك

ولا احد يلومني على اللي قلته .. يعني بدل مايهدي ويحتوي ااموقف اللي صاير بيننا يقول كلها كم يوم وتروحين لهم للابد

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

احبه ليه هالحركات الي عذبت زوجك
ترى زواجك منه مو بس هو المستفيد كلكم مستفيدين لاعاد تتمنين عليه
هو يصرف عليك وقايم فيك حتى راتب سواقك وانتي تجين تقولين ليش حطيت صحن
بالله مو بيته وعلى كيفه ماعندك ذاك الشغل والعيال والضيوف خليه ياخد حريته حرام عليك تحدين من حريته
ومو كل شي تناقشينه فيه
حتى اخته لما تكلمت بصوت عالي ليه حاولتي تتدخلي انتي مالك شغل
تراها اخته وقايمه بالبيت وناس داخله وناس طالعه غير اهلها
تدرين لو زوجة اخوي اسمعها تقول اختك ليه تكلمك بهذي الطريقه بااكرهها طول عمري
لانه اخوها قبل يكون زوجك
احبه زوجك على فكره مااغلط ولا بااي شي وكلامه انه باتزوج لانك من جد حاصرته بزاويه خليه يرحم امك يتنفس وينبسط وببساطه
انا اوقات ببيتي احب اكل ببعثره وانبسط واعطي نفسي حريه
البسي وانبسطي وروحي مشاغل
ترى الزوج مايهمه الزوجة ماتروح مشاغل ومنكده عليه
المهم كيف عشرتها
بالعكس يبيك تكشخين وتنبسطين والدليل كلامه لك
والحين تراسلينه ابي اروح اهلي احسك تكبرين الموضوع وانتي مو حاسه

اسكتي
استكي التزمي الصمت بلاش الزن الزايد
مو انتم متفقين تروحين بعد كم يوم
والحين تقولين تعال ودني
احبه حاولي تمسكين يدك من المراسلات لاتراسلين شي

هو ياملكة قالي بتروحين لهم بعد كم يوم للابد .. وش تبيني اتصرف .. عارفة اني غلطت بهالنقطة .. بس من جد ردة فعله كانت قوية علي .. يا الله ماأعرف كيف أتصرف أنا ضايعة .. إن مارديت بقعد أكل في نفسي .. وإن مارديت مايتفهمني .. أنتي عندك شك إني بغيت أشوف بيتمسك فيني ولا لا؟؟!!!

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

كتبت لك سابقاً :
عندك مهارة في تصعيد المواقف
+
لو استمريتي على نفس نمط التعامل أكيد راح نلقى لك موضوع جديد في قسم آخر لا قدر الله

الله يهديك و يصلحك
ترا (( انتي الغلطانة أحبة )) .. حطي هالشي فبالك
حتى لو حصل اللي جالسة تسعين له
ما اشوف زوجك غلط معك بأي شي
حتى لو غلط ف الله يلوم اللي يلومه .. من الكبت و التحسس الزايد منك أكيد كل هالأمور سببت له تراكمات و انفجر .
و للأمانه ترا صبر عليك كثير ..
أنا ب كل رد أحط نفسي مكانه و أشوفه مطول باله و يرد عليك ب تهذيب و مافقد اعصابه
اسلوبك جدا مستفز و درامي و أقرب للمسلسلات من الحياة الواقعية

أحس يبغى لك اعادة تهيئة لأفكارك كلها و شخصيتك

المواقف التي حصلت برمتها لاتستحق مايحدث
فقط يراودني سؤال واحد
مالذي تريدين الوصول اليه؟
ثم هل ماتريدين الوصول اليه يستحق كل هذه المساومات والتبطين والندية
هل قيمة الانا لديك اعظم من قيمة التغاضي وان ادركت انه في حقيقته افضل وان رايت او راى زوجك ان هذا ضعف واستسلام!

__________________
الحمد لله..اللهم صل على محمد و ال محمد

التفريغ المنهجي

الموضوع صار يستفز بقوة ... بالله عليكِ الحقي نفسك ... بتندمين طول عمرك ... كانت عندك مليون فرصة ذهبية ضيعتيها ، فلا تضيعين اخر فرصة ...


لا اله الا الله

أفكر أرسله إني ماراح أطلع من بيتي الا إذا أنت طردتني منه .. وكل اللي قلته كلام بس رضا ربي ورسوله أهم عندي من كل شيء قال رسول الله صلى الله عليه وسلم:*(أيما امرأة سألت زوجها طلاقاً من غير بأس فحرام عليها رائحة الجنة)

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

لا ترسلين كذا ، للحين أسلوبك مستفز للأسف
ارسلي بطريقة ألطف و دخلي عبارات عاطفية

أو حتى لا ترسلين شي أفضل