آه يامهرة ..
فوق الزواج اللي كان مثل الطعنة في حياتج .. يجون هالثنتين .. لا بارك الله بالعدو .. بصراحة مستغربة وبنفس الوقت أقول تبارك الله وش هالصبر والحكمة اللي انتي فيها .. عارفة لو أنا مكانك .. وسبق أن كنت مكانك .. والله مايتم شي بقلبي هالمدة هاذي كلها .. كنت أول ما اكتشفها أنوي الصبر والتعقل في ردة فعلي .. لكن أجد نفسي أنهار وأصارحه لما اكتشفته .. بعد أيام قليلة .. وقد تكون اليوم نفسه .. هههههه وأغلب ردة الفعل إني كيف أفتش من وراه .. وتصير هاذي هي السالفة الاساسية اللي تستدعي الغضب .. كعادته يقلب الطاولة علي .. وكعادتي أواجهه في كل مرة ولا أتعلم من اخطائي .. بالضبط .. هذا اللي يصير فعلاً. بس الفرق بيني وبينج اني خلاص تعلمت من أخطائي انتي أعلم بزوجج .. فكري هل الافضل مصارحته بالموضوع وشنو ممكن كون ردود فعله .. أم الأفضل كتمان الامر في نفسك والتألم بها في خلجات صدرك إلى ماشاء الله .. والله يا أم الدانة اللي أعرفه عنه ما يخليني متحمسة للكلام والأخذ والرد. توي أشوف موضوعج لانشغالي الايام اللي راحت .. ماكنت ادخل المنتدى وايد ولا اقرا كل المواضبع .. سامحيني لأني ماعندي كلام يريحج ويخفف من اللي أنتي فيه .. |
الله يفرج همج يامهره
تفجات ماشالله من 2006 انتي هني هاك الوقت ماندمجت في الشبكه العنكبوتيه .. وعاالم ثاني.. الله يهدي سرج |
ومنو قالج انج لما تقولين له انج تغارين راح تنكسرين
اساسا انكسار الانثى قوة مو ضعف والله ثم والله لما كان زوجي هيمان في مرته وكان كرهه لي يطامر من عيونه كنت اقوله هالكلام اقوله من بيدي اغار عليك حيل تدرين شيسوي ؟؟؟؟ كان يلمني ويبوس راسي وهو كارهني وما يبيني بحياته بس عشان تعرفين شكثر هالكلمة تقلب الموازين وتعدل الامور والله قلبي معاج فديتج |
مهره ..
انا لما أبين له إني اكتشفت أمور .. مايكون ابدا بداعي اظهار الغيرة .. ولكن عشان يعرف إني مش مغفلة ولا ساذجة .. وإني أعرف الامور اللي يسويها من وراي ويحاول يخبيها عني .. |
شكرا مهره
لا يثقلني الرد إنما اخاف الخطأ والنصح غير السديد فأخرب بدل ما أعمر ... بالنسبة لي أنا فدوري هنا يرفع من معنوياتي ويعطيني ثقة بنفسي وبأن لي دور ما بهذه الحياة غير الأكل والشرب على قولة شريك عمري .... يا خسارة السنين والصبر بس أمس يا مهره أجمعنا ( أنا وزوجي واولادي الكبار واخوي ) على أن الانفصال هو القرار الوحيد المتاح أمامنا .. لكن أجلناه لما بعد انتهاء هذه السنة الدراسية لأن اخر العنقود ( التوأم ) هذه اخر سنة دراسية لهم ومهمة في تحديد مستقبلهم ويهمني أن يركزوا بدراستهم .. ادعيلي تمر هالسنة على خير وتخلص بسرعه |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|