هالدوام الجديد بددددعه
عالم ثاني

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

اليوم لاحظت شي
زميلة عمل عندها فضووووول مو طبيعي
لما اثنين يسولفون تطرح اذنها بالسالفة
ولما تدخل تحشر عمرها بالسالفة!!
ومن تسمع بشي تجي ركض وتقوله
حتى لو ما عطيناها وجه
تفرض علينا نسمع



ودددددي أصفقها

ودي أهاجر

تهقون سلطان بروناي يستقبلني وعيالي

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

مهره تنامين من وقت وتقعدين من وقت
زين اذا قعدتي من وقت شتسوين الصبح

__________________

حاجة الناس إليكم من نعم الله عليكم ، فـ لا تملوا النِعم ☁✨

أنشّ خمس إلا عشر.

أوعّي اليهال وأجهزهم للمدرسة .. سلطان كبير ما شاء الله عليه يلبس بروحه طبعاً .. لكن مهرة بعدها تتدلع وتباني ألبّسها .. وطبعاً أمشّط شعرها.

اليوم أقول لها: اعملي حسابج لما تدخلين جريد تو بتلبسين ثيابج بروحج.

يطلعون للباص ست إلا ثلث .. وعقب ما يطلعون أصلي وأقرأ وردي من القرآن.

عقبها طبعاً ما في مجال أنام في الغالب .. لأني لازم أوعّي شما الساعة سبع إلا ربع عشان أجهزها للحضانة .... مع إنها أحياناً تنشّ مع اخوانها وما تطيع ترجع تنام في الغالب.

ثمان إلا ربع أطلع أوصّلها الحضانة .. وعقب أرجع أتريق.

عقبها أشوف شو عندي من مشواير أو شغل في البيت أو أقرا كتاب أو أدخل النت .. أو أودي أمي إذا تبا تروح مكان.

الساعة 12.30 أروح أييب شما من الحضانة.


وهكذا تنتهي الفترة الصباحية.

__________________


اللهم طِيبَ الأثر .. وحُسْنَ الرحيل.

رغم انه روتين بس حبيته
حسسني بالحياة
بس مو كأنه يطلعون من 6 الا وايد من وقت ؟

❤ يعطيج العافيييية

__________________

حاجة الناس إليكم من نعم الله عليكم ، فـ لا تملوا النِعم ☁✨

كل السهرانين تفضلوا معايا

شووووك سوالف الاقساط ما احبها
☺ كملي القصة لاه

__________________

حاجة الناس إليكم من نعم الله عليكم ، فـ لا تملوا النِعم ☁✨

هيه حبايبي .. يطلعون من وقت.

ناوين نييب سايقة السنة الياية .... بس يا رب نحصّل.
.
.
.
في موقف غريب صار البارحة من زوجي.

ما باقوله لين تخلص إجازته الأسبوع الياي .. بس عشان أتأكد الموقف صدق وإلا حركة منه!!

__________________


اللهم طِيبَ الأثر .. وحُسْنَ الرحيل.

طيب وش دراني أنتوا معي والا مو معي
شادتكم السالفة ؟!
والا كني رادو
وهكزا!

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

😠 شوك ومهرة تقهرون
😆 لا تقولون نص السالفة
مهرة قولي الموقف بعدين بنتأكد معاج
شوك كملي موقف رفيجتج

__________________

حاجة الناس إليكم من نعم الله عليكم ، فـ لا تملوا النِعم ☁✨