صباح الخير

شوك
الله يهدي قلبك
بظن فهمتك و الله اعلم
حتى تستمري يا شوك سامحي
ايوة سامحي اعتبري اللي يصير لك انقاص من ذنوبك
لا تدخلي و لا تضيعي طاقتك بمشحنات و طاقة سلبية
اقوة ضربة توجهيها لهم بابتسامة
حطي خط احمر لا احد يتجاوزه

اتمنى اكون فهمتك و قدرت اوصل فكرتي

هل المسامحة قرار؟

يعني تكونين مجروحة ومتألمة وفلبج مليان وجع وخيبة أمل وإحباط .. وتساؤل يذبح: ليش يسوون جذي؟!!!

وفجأة تقررين إنج تسامحين؟!!


أشوف إن المسامحة تتناسب عكسياً مع مشاعر الألم .. ومشاعر الألم صعب نتحكم فيها و نقننها أو نقلصها بقرار.

__________________


اللهم طِيبَ الأثر .. وحُسْنَ الرحيل.

اليوم حضرت حصة معايشة لبنتي الكبيرة ..
عشان جذي تأخرت عليكم ..

توني اتذكر إني ماصبحت عليكم بالخير ..
صبااحكم حب ..

طيب سامحت وحطيت خط أحمر في علاقتي معهم وصرنا نأدي الواجب وبس ومشت الأيام بعدين فجأة يطلع موقف لطشه وتجريح ، أو نفس الكلام اللي كانوا يقولونه يرجعون يرددونه بلعنا وطنشنا ومشت الأيام ثاني وبرضه تتفاجئين بتجريح جديد وهكذا
طيب إلى متى؟!!
هالندب اللي كل شوي مسوينها بقلبي مو حرام علي أعذب نفسي بهالشكل
ناس ديدنها تجاملك وتجاملك وتجاملك لدرجة تشكين بعمرك وتقولين أكيد إني فاهمه غلط عقب تجيك هذيك الصفعة تسألين نفسك طيب أنا وش سويت ؟!!
ترى جنا نستهلك وتنتهي صلاحياتنا كبشر بعد
إذا بحافظ على نقائي لازم احميه ، مو أتوكه يتمردغ بالوحل وأقول بحافظ!!
إذا شريتي جوال جديد وقلتي بحافظ عليه تمرينه بالأماكن اللي تضره ؟! تحطينه بيد أطفال؟!
طيب ليش نرمي قلوبنا للناس توجعنا ونقول بنصير الأحسن على حساب أنفسنا؟!!
شوك ما تؤذي أحد ، لكن يا ويله اللي بيغلط علي
باختصار هذا اللي أبقوله

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

سلامة وليدج شوك ..
أنا بعد بناتي ثلاثهم طاحو من على السرير في صغرهم ..
والحمد لله ربي سلمهم ..
أهم شي مراقبتهم بعد الطيحة ،
من علامات الخطورة الترجيع ، فقدان التوازن ، عدم وضوح الرؤية ، اختلاف الحجم في بؤبؤتي العين، فقدان الذاكرة ، نوم عميق بعد السقوط مباشرة أقرب للغيبوبة ، لذلك يجب أن تتم افاقة المصاب بين حين وحين للتأكد من سلامته .. هالأعراض ممكن تطلع خلاص 72 ساعة من السقوط ، فلازم نراقب هذه العلامات جيدا خلال هذه الفترة ..

وربي يحفظ ابنائنا ويبعد عنهم كل مكروه ..

عيوشة كنت احاتيج ..
الحمد لله على السلامة ..
شمعنى كتبتي لوفتي على الرمل ؟؟

صباح السعادة

طلة سريعه فما في مجال اصبح عليكم نجمة نجمة وقمر قمر

اول شي سلامته الامير ... ابني وقم بالمشاية مرتين من اول الدرج لاخره والحمد الله ربي سلم .

احب كلمات التفاؤل وتعجبني جملة حاطها ابني عنده عالواتساب تقول " قف على ناصية الحلم وقاتل " ربي ينجح مقصده ويطول حلمه

ترى المسامحه صعبة جدا ... تذكري مهره موضوع اخو زوجي الكبير اللي توفى .. مدري اذا انه قلبي فعلا سامحه او لا مع اني وقت وفاته قررت وكنت حاسه اني فعلا مسامحته . لكن من فترة اشوف عياله يحطوا له ترحم او ذكرى له واتجنب الرد . حتى الله يرحمه مب طالعه .

يمكن موقع هالشخص واثره بحياتك ومكانته عندك لها تأثير على قدرة التسامح ... الكف من القريب مؤلم كثير اكثر من لما يكون من الغريب

رهام .. لك قلب محب مني

اشوف فيه خلط بين المسامحة و الخنوع
اسامح حتى اقدر اكمل طريقي
حتى اتحرر من المشاعر السلبية اللي تسود الدنيا بعيوني
اسامح لاني عارفة حقي راجع لي دامني مظلومة
بس مو معناه ابدا اني اكون انهزامية
مو معناه ما ادافع عن حقوقي
فيه خط رفيع بين الاثنين
و هي كما ارى قابلية و استعداد نفسي
ما فيك تجبري نفسك او فجاة تقرري تسامحي
لا الامر ليس قرار عقلي او معادلة رياضية

احس اللغة تخوني و انا اشرح

يعني يوم ييت رحتو ؟؟

بالضبط

مفهوم المسامحة عندهم إنك ما تدعين عليهم، وتستقبلينهم بالأحضان
بغض النظر عن المشاعر اللي بداخلك أنت كتمتيها أولا تخلصتي منها أولا ،

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.