الحمد لله على السلامه
يعني نحكي صافي يا لبن ههه

__________________
انا لله وانا اليه راجعون

شايفة الأمور ماشيه بإتجاه المراضاه يا مهره .

وما أقول لج لأ .. مو غلط تغيري رأيك عن الطلاق لكن مو ببلاش

أعرف أنك بتقولي أنا مصممة على الطلاق ... لكن خلي افتراض أنك تغيري رأيك افتراض محتمل ولو 5 بالمية وتجهزي لهذي ال 5 بالميه مو تهدأ الأمور بالتدريج وتنتهي الزوبعة بدون ما تتفقوا على شي

حطي تصور لحياتك معاه ... كيف ملامحها ؟ عشان تقولي له عن هذا التصور لما تشوفي نفسك بديتي تنزلقي للتهدئة .

الله يفرج همك ويصلح الحال

__________________

ماعليه ام سلطان هو صادق هو مايعلم الغيب كيف بيعرف اللي بقلبك واناي ماتتكلمين؟
من اليوم ورايح لازم تعبرينعن مشاعرك
ودامه اعتذر بلغيه مطالبك وانسي موضوع الطلاق.

في الحقيقة نعم .. الأمور اتخذت منحى آخر .. رغم أنني كنت متوقعة الأسوأ .. وفي جزء من نفسي كنت متوقعة إنه يظهر جانب الشر ويعاندي في مسألة الطلاق.


التصور اللي عندي قلته في آخر حوار بينا اليوم الصبح.

ما في تقسيم وقت .. وإذا يبا يبات هناك يبات على طول وما ييني أبداً .... وظاهرياً وافقني الرأي! .. والحقيقة أنني تكلمت في هذه النقطة مرتين .. المرة الأولى أمس.

بخصوص مجيئها .. ما طاع يعطيني رأي قاطع .. لكن أخته كلمتني اليوم الظهر .. وواضح جداً من كلامها إنه زيارتها كانت بهدف التمهيد لسكنها عندهم .. وهذا أمر نفاه زوجي أمس الصبح لما جاني المطبخ وعمل نفسه مصدوم من رسالتي! .. ونفته هي أيضاً وقالت إنها خلاص ما راح تسكن عندهم .. لكنها للأمانة ما كانت مأيدتني بخصوص تقسيم الوقت وقالت لي: لا تظلمين نفسج وعيالج .. استهدي بالله وعيشي حياتج وخذي حقج من عينه واستانسي .. وخليه يعدل بينكم مثل ما هو مذكور في شرع الله وانتي بترتاحين إن شاء الله.

__________________


اللهم طِيبَ الأثر .. وحُسْنَ الرحيل.

الله يسهل أمورك يا مهرة
اضربي الحديد مادام حامي
واطلبي كل اللي تبين

والعاقبة للمتقين

باذن الله اللي صار خير لك
مثل مانت شايفه هو مصدوم من ردة فعلك الحين عقب سنه
وليه ساكته من زمان وحاطه بقلبك !!! ؟؟؟؟؟؟ احس راسه اليوم افتر مليون فره
شفتي اشلون الحوار افضل من اي طريقه
هو ماكان يدور في باله ربع اللي تحسين فيه ا

ان شاء الله يصير تغيير بحياتكم للافضل من بعد هالموقف
على فكره زوجك ذكي جداً ماشاء الله 😁 في التعامل مع النساء

الله ييسر امرج حبيبتي مهرة

والله اللي تمرين فيه مو هين

__________________
لا اله الا انت سبحانك اني كنت من الظالمين

مواقف متفرقة حصلت هاليومين..


رجع سألني عن الصورة.

قلت له: ليش؟ .. قال: اباها. .. قلت: مب لازم .. قال: صورتي اباها .. قلت: باعطيك إياها بس لا تحطها .. قال: مب كافي تنامين وانت عاطتني ظهرج وما قلت شي .. على الأقل خلي لي الصورة.
.
.
.
خلال أحد حواراتنا كنت أشتغل في البيت .. قال: امي تقول انها تعرف وحدة تشتغل بالساعة .. تحبين اييبها لج؟ .. قلت: ما يحتاي انا تعودت على شغل البيت خلاص. <---- كان رافض هالاقتراح لما قلت له عنه قبل.
.
.
.
سألني عن التجهيز لعرس أخوه اللي عقب كم شهر .. قلت له: بعدني ما سويت شي .. قال: متى عيل ترا ما في وقت .. قلت: يمكن عقب رمضان .. قال: الحين احسن يبالج وقت لين تختارين وتسوين بروفة وتضبطين ..... بعدين سالني عن فساتين البنات .. قلت له باشتريهم من مكان ثاني .. قال: ليش؟ أحيدج تحبين تطقمين مع البنات .. قلت: المصممة غالية .. ما راح تأخذ اقل عن ألف لكل بنت وحرام ندفع هالمبلغ والفساتين ما بتنلبس الا مرة وحدة .. قال: عادي سوي لهم معاج .. تراها مناسبة وما تغلا عليهم!
.
.
.
سألني عن الجمعية .. قلت له: رحت .. قال: ليش ما قلتي لي؟ .. قلت: وليش أقول لك .. طبيعي اروح اشتري أغراض للبيت .. قال: عشان اعطيج الفلوس .. قلت: مب مشكلة .. سألني كم دفعت على أساس يردهم لي..
.
.
.
سألني عن جلسة الـ PRP إذا رحتها والا لا .. بعدين قرب مني عشان يشوف شعري .. ومدح النتيجة اللي وصلت لها! <----- الشهر اللي طاف ييته فرحانة أقول له ان خواته ملاحظات تطور في شعري .. كان رده المحبط: عشان تعرفين انا شو كنت متحمل!!
.
.
.

__________________


اللهم طِيبَ الأثر .. وحُسْنَ الرحيل.

__________________
[img]http://im78.***********/FRd0Bi.jpeg[/img]

ماشاءالله مهرة ارى الآتي اجمل واروع ان شاءالله
ومسألة المبيت من حقك صحيح بالشرع مطلوب العدل ولكن ليس على حساب اعصاب المرأة وليست مضطرة تحمل نفسها ما لا تطيق وطلباتك واضحة الآن والنقط توضع على الحروف
وكل شيئ لمصلحتك لانك تستاهلين الخير والحياة التي تريدينها فهذه من ابسط حقوقك
بانتظار الاخبار الطيبة واسأل الله ان يزيل هذه السحابة عاجلا غير اجلا
احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه