يوووه نسيت البلوغ .... صعبه صراحة انا اكره الحيوانات لما تكبر ..

خلاص مابدي ... بلا بسوس بلا هم ..


ندو هدي بستكم ...

كيف عرفتو مايجيب عيال كشفتو عليه ...

والله يادوب اشوف مواعيدي ... بنتي لين دحين ماطعمتها حقه المدرسه ... مو اروح اودي مواعيد للبسه

__________________


سبحانك اللهم وبحمدك، أشهد أن لا إله إلا أنت، أستغفرك وأتوب إليك

متى ناوين تخلصوا هرجة البساس ؟؟


يا عالم والله عندي كل ام العقد من البسه .. اكره البسة .. وأخاف منها ..

وكلام كوين عن البسة ممكن يكون فيها الجني صحيح عشان كدا أخاف منها

بالرغم انو أحيانا أقول لا لكن صار الموقف عند صديقتي فصدقت .. الله يلطف بحالها


مو كفاية الجامعة كلها بساس وكم مرة تأخرت أدخل لان حضرة البسة جالسة في الطريق لو تدخل القاعة وناقص ما تحاضر ..

فاكهة .& ندى ..
.. Love U


,
,

احكي لكم طيب عن قصصي و مواقفي مع الحيوانات ؟
تويي افتكرها و انتوا تهرجوا عن البسسة .. و خاصة كلام ندى عن بنتها ، فكرتني بحالي ..

أول شي ..
كوكي فين اختفت ؟
مو قالت تبغى هرج بنات ؟
و قلت لها تعالي نهرج معاك سوا ؟

كوكي ، لو ما طلعتي ..
بنرجع لهروج الحريم ..

احمدي ربك ياندى بنتك عسل تدور حيوانات اليفه
اختي ايام ماكانت بعمر بنتك
جلست تبكي عند امي
حابه تجيب حنش ( ثعبان لغير الناطقين بلهجتي )
طبعا امي رفضت رفض قاطع
قالت اختي طيب خلاص اجيب عنكبوت ( هذيك السودا الكبيره)

طبعا امي كان بيغمي عليها قالت مستحيييل
قالت اختي طيب خلاص بجيب هامستر

امي جنت هههههه قالت اخرتها نربي فيران !!

المهم سكتناها بسمك
وبالنهايه ماتو

__________________
سبحانك لا اله الا انت اني كنت من الظالمين

كانت عندنا فيلا ..

و أبوي الله يرحمه ، كان يحب الحيوانات و دايما يشتري حيوانات و نحن صغار .. و يبني لهم بيوت و يهتم فيهم ..
و أمي الله يرحمها نظيفة مرة .. ما كانت تتكلم و تعارض ، كانت تحترم رغبة أبوي ..
لكن ما تحب تخلي البسة تنام في البيت ..

.
.

أول شي ،
( الديك و الدجاجات )

كنت احب اسمع صوت الديك قبل الفجر ، و أعشق صوت الديك و مازلت افتقد صوته ..
كنت احب أجي اهز رجولي عند الديك ( و استفزه ) .. يقوم يجررررررررررررررررررررررري ورايا
و اشرررررررررررررررررد ، في الأخير ما يلحقني
و أحس حالي وقتها إني بطلة ( سباق الجري ) ..

تعلمت طبعا كل الحركات هذه من أخوي اللي أكبر مني
كان مرررررة شقي و أنا أقلده ، كنت ذراعه اليمين في كل شي ..

كنت في مرحلة الإبتدائية ..
مسكين أخوي الي اصغر مني ، مرة الديك جري وراه .. و نقز فوق راسه ..
و جلس أخوي يبكي .. كان أخوي لسى عمره 7 سنوات

.
.

عندي حكاية مأساوية مع الدجاج ..

مرة وحدة دجاجة رجولها تكسرت ، أبوي الله يرحمه أخدها مكان بعييييييييد و ذبحها ..
عشان لا تتعذب ..

أنا رحت دفنتها ، و جلست ابكي .. و سويت عزاء لها ( مع نفسي طبعا ) ..
و صرت أقول أشعار ( برضو مع نفسي ، عشان أخواني و أخواتي كانوا كثير يتريقوا من شاعريتي و أحاسيسي )
كان عمري ( 9 سنوات وقتها )

مررررررررررة مرة زعلت ، ليش يذبحوا الدجاجة ؟
ما اقتنعت أبدا إنه عشان رجولا تكسرت .. تنهوا حياتها بالسهولة هذه ؟
حتى افتكر كان لونها ( بني ) ..

افتكر لما كنت أشيلها و احطها على رجولي ..
مرة تأثرت وقتها لما ذبحوها ، و ما كنت أدري إنه الحياة بشعة كذا ..

ألفت وقتها كلمات و مازلت افتكرها .. و افتكر فين كنت جالسة و اكلم حالي ..
و عشت أجواء مع نفسي .. و عملت فيلم ..

مسكت كتلة تراب من الأرض ، و نثرتها في الهواء .. و قلت :
( هكذا هي حياة الآخرين ، تختفي فجأة مثل حبات الرمال عندما تتساقط و تختفي )
بس هذه الكلمات اللي افتكرها و الباقي نسيته ..

هههههههه روح فديت الحساس هههه
ذكرتيني بنفسي دايما وفي كل عيد
كانت تنشىءعلاقة اخوية بيني وبين كبش العيد
وازعل ليش يذبحوه وماارضي اكل من اللحم

__________________
سبحانك لا اله الا انت اني كنت من الظالمين

يالله يا كرهي للقطاوه
يع احسها كائنات وسخه لو ان شاء تطلع فيها لمعة الصحون بعد في نظري وسخه
لا احب اقربها ولا تقربني
مره واحد من اخواني جاب قطوه كبيييييييره
وكلها شعر ما ينعرف راسها من رجولها
وكسووله بالمره
ومره طلعت الحوش وشافت قطوه ثانيه
وقبت بيننهم >_< مسكينه قطوة الشوارع بغت تروح غلطه
بس انها انحاشت
وتعالوا شوفوا ذي هااجت تبي تقتلها
واخوي توهق يراكض وراها اخر شي قلبت عليه
ومن بعدها طردها عليها من الله ما تستحق
بلا كانت تتسدح في الصاله وانشب فوق انا ما عاد اقدر انزل
وجع الله لا يعيدها من ايام
بس ايييش انا صراحه لي سنتين احاول ف امي تسمح لي اشتري
شيتا ايه ايه شيتا لا تنصدمون
وعندي شعور انو فيني من الشجاعه اللي اقدر اربيها والعب معها
بغض النظر عن سالفة اني اخاف من القطاوة واحب الشيتا


امممم بالمقابل لي تجارب حالميه مع الأرانب الصغنونه
ااااخ ي عشقي
احبها وش حب لو فيه اكثر كان قلت
كان عندي ارنب قبل
ولما بدا يصير دب وكبير طردته امي شر طرده
مسكين
ابدور له صور واوريكم ارونبي القميل
كان لونه ابيض وعنونه حمرا
ي لبيييه

صبايا تعالوا هنا 😉


http://www.66n.com/forums/showthread.php?t=256513

أم يوسف و سما ..

مرة كانت عندنا ( أرانب + بط + وزة ) ..
كان أبويا يبغى يذبح الأرانب ، عشان جارنا و زوجته و بناته ..
اقنعوا اهلي إنه لحم الأرانب لذيذ ..

صحبتي ( بنت الجيران ) كل ما جات عندنا و شافت الأرانب ..
قالت لي ، يا سلاااااااااااام .. و الله الأرانب طعمها لذيذ لازم تجربوه ..

و أمها كانت تقنع أمي ، و تقول لها جربوا ملوخية بالأرانب ..
مرررررررررة طعمها يصير لذيذ ..

و أبو صحبتي ، جارنا يعني .. كان صاحب أبويا ..
اقنعه إنه يجرب و يذبح الأرنب ..

طبعا الأرانب تتكاثر ماشاء الله بشكل عجيب .. فكانت عندنا أرانب كثيرة ..
و كنت اهتم بالحيوانات مع أخواني و أخواتي ..

.
.

المهم ..
بيوم من الأيام ، أبوي استنى متى نكون بالمدرسة .. و ذبح أرنبين .. و باع البطة و الوزة ..
لما رجعت من المدرسة ، ما لقيت البط ، و لا الوز <--- أصلا ما كنت صحبتهم ، لإنهم جلسوا عندنا بس كم يوم ..

رحت عند الأرانب و لقيت أرنبين مختفيين ، سألت أهلي فين البط و الوز و أرنبين ؟
أبويا قال .. بعنا الأرنب ، و ذبحنا البطة ..

أمي حطت الرز ، و فوقها لحمة حمراء مثل لحم الغنم .. مو بيضا مثل الطيور ..
و عملت ملوخية ..

و شايفتهم كلهم يطالعوا فيا ، و يقولولي ( ياللا .. كلي ) ..
الإهتمام العجيب ، خلاني احس إنه فيه شي مو طبيعي ..
و اللحم لونه مو مثل لحم الدجاج ؟؟؟؟؟؟؟؟

شفت أختي الكبيرة ( تضحك و تخبي ضحكتها ) ..
الضحكة حقتها خلتني اكتشف .. إنهم بياكلوا لحم الأرانب ( أصحابي ) ..

قلت لهم ما أبغى أكل .. و صارت عيوني تدممممممع ..
قمتو قلت لهم ، ذبحتوا الأرنبين صح ؟

قالوا لي ، لا ..
هذا لحم البط ..

قلت لهم ، لا ..
ذبحتوا الأرانب و هذا لحمه ..

أخوي اللي أصغر مني ( ملقوف ، و كان يقلدني في كل شي )
قلدني و قام من السفرة و ما أكلنا أنا و هو .. و رحنا الغرفة زعلانين
و صرت ابكي ..

أختي احتفظت بالجلد حقة الأرنب ، و نظفته و شالته عندها
صرت امسح عليها و افتكر الأرانب و ازعل عليهم ..

و الله مرة زعلت عليهم
و كان عمري 10 سنوات ..

و الحمد لله ، إلى الان عمري ما ذقت لحم أرنب ..
و لا راح أكل لحم أرنب طول حياتي أبداااا ..

أقحوان

ايش هو الشيتا ؟

ماعرف ليش الناس تخاف من البسة ؟

أحسهم لما يشوفوا البسة .. كأنهم شافوا ( صرصور )

.
.

أنا ما أحب اربي الأرانب .. بس احب اتفرج عليهم ..
تربيتهم صعبة .. و لازم لك حوش و ماعرف ايش ..
مو مثل البسة ، هي تنظف نفسها و تهتم بنفسها ..

أموت عالبسسسة مرة