اعرف ولدي الوسطاني بيذبحها ..
عشان كذا خليها تدافع عن نفسها ^_^
و الصغير دحين صار يقلد أخوه في حركاته
ولدي الكبير يا بخت زوجته المستقبلية
ماشاءالله حنون و قلبه كبير .. يهتم في البسة و يدلعها
مرة شفته فتح الثلاجة و اخد قطعة دجاج بروست و يخبيها
سألته ليه تخبيها.!
قال ابغى اعطيها البسة الي في الشارع
عكس الوسطاني
يشوتهم و يجري وراهم و يقول لهم ( وااااااااع )
كانت القطوة رفيقتي الدائمة في مراهقتي وبداية عشريناتي.
الشيرازي على كثر ما هو ناعم وكيوت .. لكن عمري ما ربيته ولا تحمست له.
كنت أفضّل السيامي .. وفعلاً السيامي يشيل نفسه إلى حد كبير .. على الأقل ما كنت أشيل همّ السبوح والتنشيف والتمشيط.
كان عندي ذكر وأنثى .. وتوالدوا ... أيامها جهزت لها مكان وفرشته ورتبته على أساس حقها وحق الصغار ... لكن سبحان الله بعد ما ولدت ما حبت المكان وقررت تنقلهم.
تعرفون وين نقلتهم؟؟؟
كنت نايمة وما وعيت إلا بحركة عند أقدامي .. أثرها الأخت كانت تنقل صغارها وتحطهم تحت لحافي
قمت ورجعّت الصغار مكانهم عن أرفسهم وأنا نايمة .. لكن أبداً الأخت ما اقتنعت ورجّعتهم تحت لحافي مرة ثانية.
طبعاً ما قدرت أحتفظ بكل الصغار .. فاحتفظت بواحد بس .. وتم عندي لين كبر.
وأذكر مرة كنت مسافرة .. وطوّلت حوالي ثلاث أسابيع .. وتوقعت لما أرجع يكون ناسيني .. لكن سبحان الله أول ما شافني نط في حضني على طول وبطريقة ما توقعتها.
وإجمالاً كانوا قطاوي دايماً حولي لما أكون في البيت .. وياااااا حلاتهم لما يتمسحون في ريلي حتى إنهم كانوا ينامون معاي.
بخصوص النظافة .. القطوة نظيفة وتعرف مكانها الخاص .. إلا إذا انحبست في مكان مثلاً .. أو حد سكّر مكانها الخاص .. طبيعي وقتها توصخ في أي مكان ..... وبعدها صعب فعلاً ترجع لمكانها القديم .. أو على الأقل بتظل توصخ في المكان اليديد.
لكن في النهاية بدت الصياعة لما تعلموا يطلعون الحوش وينطون فوق السور .. وأنا ما عندي قطاوة تصيع
__________________
اللهم طِيبَ الأثر .. وحُسْنَ الرحيل.
التعديل الأخير تم بواسطة مهره ; 02-01-2015 الساعة 07:39 PM
الي يحب البسس وفيه طاقه يهتم ويعتني فيها يجيب الي مافيه حيل ابدا ماانصحه. زوجي كان يحب البسس مره ويربيهم من صغره علشان كذه لما قال بجيب بسه رضيت بشرط انه يتكفل فيها يحممها وينظف الرمل حقتها بشكل مستمر فكان يوديها للبيطري بشكل دائم يقصو اضافرها ويحلقو شعرها الزايد ويعطوها تطعيمتها
انا كنت أحط لها الأكل والماي وأتحمل دوارتها بالبيت وبناتي مره كانو طايرين فيها واسامه مرررره تغير من وقت جبناها
أهلي لاحظوا انه صار اجتماعي ومرح عكس قبل كان حاله حال نفسه مع انه الي كان عندنا هادي ومسالم لانه مولود ببيت احيانا اسامه يأذيه وارحمه ولا يعمله حاجه
وجلست عندنا حول السنه وبعدها طفشت منها وصرفناها احس اني كنت مقيده اذا جيت افتح غرفتي وإلا المطبخ تركض لداخل وما ترضى تطلع وانا كنت اكره تدخل المطبخ وغرفتي وإذا تسطحت على الكنب مثلا تنط فوقي وانا صح احبها بس مااحب تجلس فوق بس من بعيد لبعد غير شعرها المتطاير هنا وهناك مع انه تأخذ فايتمين للشعر بس لانه شعرها طويل
وفي شغله مهمه القط اذا بلغ لو كان ذكر بيعمل بلاوي بالبيت يوسخ ويبهذل وازعااااج لين يطلع للشارع يعني مسؤولية مش هينه
يا عيني على طاري البساس ''
اخاف من كل شي يتحرك غير البشر ..
عندي خالتين الله يذكرهم بالخير بنات عم امي ايتام وكبار في السن كل شي يربونه بعطونه اسم واذا نادوه باسمه جاء يركض .. شي يخوف
رحت اسلم عليهم مع امي قبل فتره وجات وحده منهم تفرجنا على مزرعتهم ووراها فوق 20 بسه وين ما راحت لحقوها .. حسيت الموضوع فيه ان .. المنظر مو طبيعي كأنه من افلام الرعب .. والله شكيت في الحرمه وقلت اكيد فيها شي ..
__________________
🌾🌾 ! اللهم لا تعلق قلبي بسواك .. ولا تقربني ممن لا يخافك في ! 🌾🌾