كلمت امي البارحه بعد ما رجعت من الدوام المسا . قلت لها يمه ابيج بموضوع لو سمحتي . وشرحت لها الوضع . وقلت الها انه حنا ما تطلقنا بس انا قلت جذيه عشان ابرر موقفي وان احنا اثنينا غلطانين وكان كله سوء تفاهم وعناد مني وعناد مني وكلمه منه وكلمه مني وصار انه عصب وقال ارجعك بيتكم لين ما تقتنعين فيني او نتفق كيف تب حياتنا تمشي مستقبلا .
المهم .. امي عصبت حيل وسمعتني كلام ماله او من تالي .. وان الطلاق مو لعبه وانتو ما فيكم مخ ويهال وما تعرفون تتصرفون واذا هذي اولها مايندرى شنو تاليتها وياكم وانا اسمع واسمع لين خلاص ماقدرت اتحمل اكثر .
قلت الها يمه الحين اللي صار صار شو فايدته ها الكلام .. انا خلصت جملتي وتعطيني محاضره طويله عريضه ... المهم مابي اطول الموضوع لاني مو عارفه ارتب افكاري ..
قلت لها انزين يمه هو اتصل واعتذر مني وقال انا تسرعت وتاسف وهو يبيني وشاريني .. ومستعد يقول انفذ كل طلباتج واللي تامرون عليه هذا اللي بيصير ..
امي قالت خلاص مادام كل اللي نبيه بيسويه اتصلي عليه وقولي له يتفضل عندنا البيت يوم الخميس بعد العشاء هو و عمه و انا و ابوج ..
قلت الها يمه هو ما يبي يدخل احد في الموضوع عشان ما يكبر اكثر مما هو كبير ..
قالت لازم حد ناضج يكون وياه لانه ريلج بعده مراهق وياهل ومو شكل واحد يقدر يمسك اسره وبيت وعيال ..
قلت لها يمه حرام عليج عطيه فرصه لاني ابيه وهو يبيني .. ويمكن يكون الغلط مني مو منه فلا نعق اللوم كله عليه الله يخليج شيلي عمه من الموضوع ..
قالت طيب ما يخالف خليه يمر علينا بروحه او مع اخوه الاكبر وانا وابوج .
قلت طيب وانا ..
قالت لي انتي ما تدخلين معانا في البدايه .. انا عندي كلام ابي اقوله وعقب بنادي عليج تدخلين .. قلت الها يمه ما يصير جذيه انا لازم اكون موجوده انا لي مطالب بعد ولازم اعرف كل شي بيدور بينكم .. قالت لا تكثري علي كلام وروحي كلميه باللي قلت لج عليه وقلت لج لي خلصت كلامي معاه بنادي عليج وقولي له اللي تبي تقولينه بحضوري وحضور ابوج طبعا ..
قلت ما يخالف وامري لله ..

انا مو مستوعبه للحين ليش امي ما تبيني ادخل معاهم اجتماعهم هذا . قلبي ناغزني وافكاري متلخبطه .. طول الليل افكر اشتبي تقول له .. الله يستر بس ..

انا الفجر ارسلت لزوجي رساله باللي قالته امي .. طبعا بخصوص الاجتماع اما اللي قالته عنه ابد ما بينت له ولا لمحت له .. بس انتظر رده .. وانتظر ردودكم

تطلقتِ ام لا؟

__________________
الحمد لله..اللهم صل على محمد و ال محمد

التفريغ المنهجي

ايوا تطلقت .. ورجعني باللفظ على حسب ما قرات من فتاوي حول هذا الموضوع
بس كله بيني وبينه .. يعني محد يدري غيرنا ماعلمنا احد
او يعني من ناحيتي ما احد يدري .. اما من ناحيته فهو اكد لي انه ما علم احد بس مادري

اقترفت خطئا فادحا بالكذب على أمك في موضوع اسري جسيم مثل هذا

__________________
الحمد لله..اللهم صل على محمد و ال محمد

التفريغ المنهجي

ياربي شسوي .. موضوعي كل ماله ويتعقد اكثر واكثر

لا حبيبتي . بالعكس قرب ينحل ان شاء الله

والدتك بتقول له كلمتين بالعظم عشان ما يكون عنده الطلاق سهل ..

واذا حاسه بالذنب لانك قلتي انك ما تطلقتي فتقدري بعد ما ترجعي بيتك وتهدى الامور وتحسي امك ارتاحت تقدري تقولي لها وقتها

انتي خايفه من امك لكني اشوف كلامها حكيم وهي تحبك ورغبتها اموركم تزين .. تخافي لو انها تتعنت بزواجك او لها هدف وبدها تكوني مصدر مال لها او لشغل البيت لكنها تحبك وهدفها مصلحتكم فتطمني وخلي الكبار يتفاهموا
وبلغي زوجك بانك كذبتي عشان ينصلح حالكم وتحلي مشكلتكم ... عشان يكون بالصورة لو والدتك حاولت تعرف منه بالجلسه .

اكبر خطأ ان تفعل والدتها ذلك
عليها بان تكلمه بلين و تستفهم منه
التكلم باسلوب حاد غير جيد خصوصا ان الخطأ الاكبر على ابنتها و ما فعلته شيء ليس بالتافه او الصغير
لو تكلمت معه باسلوب حاد قد يراددها و تتفاقم المسألة اكثر من ذلك و قد لا يرجعها و الخاسر الاكبر طبعا البنت
لذلك لصاحبة الموضوع قولي لامك تتكلم معه بهدوء

ان شاء الله . الله يسمع منك وتنحل كل اموري .
امي مابي اجرحها عقب يعني لو عدت السالفه ما اعتقد اني بقول لها اني اصلن تطلقت بخلي الموضوع يمشي على البركه
اما ليش خايفه من امي فلانها عصبيه جدا وحسيت ان الموضوع مضايقها جدا خصوصا انها انصدمت لما قطعنا السفره ورجعنا سمعتني كلام ماقدرت اتحمله فاخاف تسوي نفس الشي مع زوجي فانا امي عادي اتحملها واتمنى هو يتحملها وانا لمن كلمته قلت له ارجوك اذا امي شدت عليك حاول ترخي انت على الاقل لين تنحل مشكلتنا عقب طلع حرتك فيني ماعندي اي مانع . قلت له انت بس تعال وبالك رايق وان شاء الله ما يصير الا كل خير

ماراح تتعقد بإذن الله دام الموضوع مشى على الوالده خلاص خليها تمشي ، بس أهم شي تشوفين حل مع إتصالات زوج أختك قبل لاترجعين لا يخرب السالفه من أول وجديد ماأدري شلون أعطى نفسه الحق يتصل ثالث يوم ويتصل رابع يوم خير إن شاء الله أخوي ولد أمي وأبوي يستحي يسويها .

__________________
الحمدلله حمدا جزيلا ...

البارحه اختي متصله علي تقول لي خل نطلع نغير جو انا وانتي وزوجها واختي اللي مخطوبه .. قلت له لا مالي نفس اطلع خليني قاعده في البيت .. وتمت تلح وتصر علي اني اطلع معاهم بس انا رفضت قلت الها لا مره ثانيه ان شاء الله .. وان شاء الله لي هدت الامور رايحه اكلم اختي بان زوجي ما يرضى بطلعاتنا وقعداتنا بس ابي الموضوع تدريجي شوي .. ابي اخلص من موضوع واحد على الاقل . . موضوع امي و زوجي .. وان شاء الله بعدها اتفرغ لموضوع خواتي ونسايي .. انا عازمه على التغيير و تغيرت فعلا