انا ماحطيت عيوبه تحت المجهر لكن والله زوجي عيوبه اكثر من مزاياه انا حاولت اغير من نفسي الفترة الاخيرة
واكلمه وادلعه واسوي له مساج والله انه يعتبرها ازعاج وتلصق لما نجي نتناقش يقولي تتطفشيني تجي عندي وش فيك وش صار مع اني مرة رجع من الدوام وجهه قالب قعدت عنده السرير واسوي له مساج واقوله وش فيك من مزعلك والله بكل رقه قبل يومين برضو واحنا ف السيارة مر رجال يده محروق بشكل فضيع انا لاشعوريا يوم شفته خفت وتاثرت ومسكت يد زوجي تخيلي وش ردة فعله صرااااخ بصوت عالي لا تتطالعين خلاص وفك يدي بقوة قلتله وش فيكمن سمح لك تصرخي علي كذا انا خفت ومسكتك يقول اي لا تمسكيني تخيلي بعد ذا الموقف لا يعتذر ولا يقول شي عادي ادخل البيت وابكي مع نفسي واطب طب نفسي واجهز له غدا نفسه فيه ومثل هالموقف كثير ياما احاول اقعد معاه واسولف سواليف تعجبه يحاول يتجنبني بالتلفزيون ولا جوال وياما طلبت منه اشياء ف لحظات ود وصفا مايسويها بالعكس يقلب الطاولة والصراخ علي والله حركاته غريبة انا مو قادرة افهم وش يبي ف كمية تناقضات يقول مايهمني الاكل ويقولي انتيي مقصرة ف البيت والدوام مامنه فايده يحاسبني ع كل يوم ما اسوي فيه غدا وف نفس الوقت احيانا هو يطلب مني ما اسوي غدا يحاسبني ع لبسه المكوم يحاسبني انه مايلاقي اكل جاهز وقت الظهر وهو عارف اني ف الدوام وعارف شغلي قبل لا تنزوج وشغلات كثيرة ماتعبتر موضوع خصام هو يتخاصم فيها طريقة مششيتي طريقة كلامي خصوصا لما نكون برا البيت احسه مني عاجبته ولاهو متقبل شخصيتي |
زوجي ماكان يخون اول
بدات علاقته بعد العيد وزادت الاسبوع هذا اول يمكن كان يكلمهم لكن مادخل معاها ف العميق لاني بين فترة وفترة الاقي مكالمات وكنت اطنش ماكنت اشوف عليه شي بالعكس طول الوقت قاعد ف البيت ومايمسك جواله الا للاخبار بس بعدين غير الرقم السري وماصار جواله يفارقه وماصار يتفرج تلفزيون وبدات حركاته انه يبي الجو يفضاله وهذه كانت وقت تعدلي انا وهدوئي يمكن قبله كنت اناقش واتكلم بس يوم بديت اغير من نفسي لقيته مو متقبلني ابدا كلمت ابوي لانه هو الي صار يرجعني من العمل قالي وش فيكم قلتله مني قادره افهمه وماحس وده يبغا يتحمل مسؤليه انصدمت بابوي وتعصبه وانحيازه للرجل قالي انتي سوي وافعلي واتحملي حاولي تكوني انتي متماسكة واصبري اكثر لانه لازم يتعدل انتي المتضررة اذا تخرب بيتكم لبي كل طلباته سوي له الي يبي لا تناقشيه لا ترادديه لا تقولي شي ابدا رتبي بيتك ونفسك وقومي بواجباته وبس وبعدين نشوف بغيت ابكي والله وش ذا المجتمع العنصري والله هو بعد لو مو واثق انه المجتمع معاه ماكان سوا الي قاعد يسويه مستجداتي رحنا الدوام وصلني طبعا مارجعني دخلت البيت لقيته قاعد ع الجوال ومتسدح سويت غدا يوم خلصت ترك البيت وطلع مع انه شايف اني قاعده اطبخ واساسا خلصت باقي اجهز السفرة وانا تركت الاكل مثل ماهو اصلا ماعاد لي نفس اكل احس حياتي صارت جحيم وابي اتكلم عن خيانته لان كل يوم علاقتهم قاعده تقوى احد يعرف برنامج يكشف هوية الشخص برقم جواله ابي اعرفها ساعدوني الله ي خليكم |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|