المشاركة الأصلية كتبت بواسطة ابوزيد

لعلك ذكرتي استقبال المرأة لزوجها بدون تدقيق لذا سوف أفصل في توضيح الإستقبال المتعارف عليه





بعض النساء تستقبل زوجها بكل جفاف وتخلف بحيث يدخل الزوج ولايجد أحد أمامه... إلا إذا كان عنده أطفال فهم من يستقبله ويفتح نفسه مما يقبلهم ويقبلونه

ثم يذهب مباشرة إلى غرفة النوم ويخلع ملابسه ويرفسها بقدمه ثم يتحمم ثم يرجع يفتح الدولاب ويختار الملابس ثم ينادي يافلانه وين القميص ..ترد عليه من المطبخ ..باقي في سلة الملابس !! مما يدربي الرجل راسه ويقول الله يفرجها ويلبس أي شي ...بعدها يذهب إلى صالة الجلوس وينطق على راسه حتى يجي الغدا وياكل بالهنا والشفا ...طبخ مشي حالك المهم أنه يملئ المعدة !!

ثم بعد ذلك يروح غرفة النوم ويجلس ينادي في المدام تعالي يافلانه ...تعالي بسرعه ...تعالي ...بعدين ترد المدام وتجي وتقول بصوت عالي وشفيك وش تبي ماتدري أني أغسل المواعين وتنظر له بنظرة تعجب ثم ترجع للمطبخ



طبعا الرجل هنا يتلحف ويغطي راسه ...وفي داخله يقول الله يصبرني على هذي العسكرية



ابو زيد .. تقصد تقول ان استقبال الزوج بهالصورة السلبية = الاستقبال السائد في معظم البيوت ؟؟



انت لو الله بس يفكك من هالاحصائيات العشوائية ولو تحاول تشوف النماذج الايجابية من الاستقبال في البيوت الثانية .. كان ماصرت بهالحال ..



انا ما انكر ان الاستقبال هذا الي اي رجل يكرهه .. موجود .. ولكن ما اظن انه سائد وان شاء الله ما يكون سائد ..


أختى روعة طريقة الإستقبال التي ذكرتي محزنة والله ومؤلمة مع أني أشكرك على إظهارها للملأ كي يعلم الجميع ما يعانيه الرجل في منزله ...حيث أن الطريقة التي ذكرتي في حديثك هي المنتشره في ملايين البيوتات الا من رحم الله .



يعني طريقتي : استقبال الزوج بهالاحضان وكلمتين حلوات مع الاكل الحلو .. والمكان المرتب والمعطر .. هذي طريقة محزنة ومؤلمة لانها بدون خلع ملابس وبدون حمام ؟؟ والله اذا هذا رايك فاكيد على العين والراس ..


حلووووووووة وش يبي من زوجته !!

هل فيه شي يبيه الرجل من زوجته إذا رجع من الدوام غير الإستقبال الحسن !



غريب سؤالك ...!! طيب إذا فيه شي غير الإستقبال خبريني حتى أضيفه إلى معلوماتي .



ابو زيد انا مو قاعدة اسال .. قاعدة اقول لك ان هانديا ضربت مثال على المصارحة بانها قالت : الرجل لو دخل البيت يوضح لزوجته وش يبي بالضبط ..



الرجل يعطي بلا مقابل وليس لديه أدنى مشكلة في العطاء حتى ولوكانت زوجته سيئة الخلق .

شف ابو زيد هالنقطة هذي كتبت عليها كلام طويل ورجعت مسحته ..

من الاخر .. فكرة ان الزوجة تعطي زوجها لانها بالمقام الاول تحبه وتبي تكون سبب بسعادته ..
انا شخصيا ماني معارضتها ابدا .. لكن .. انها ما تتوقع ولا شي تعرف وش معنى ولا شي ..
ما تتوقع شي نهائيا بعد ما تعطي !! لا ابو زيد .. الي تتوقعه الزوجة بالمقابل هو الحنان والدلع وانه يقدر جهدها ويكفيها عن الناس .. وهذا احتياج فطري قبل يكون مقابل لعطائها .. مستحيل تقدر تتنازل عنه بطبيعتها لانه زي ما قلت لك احتياج قبل يكون مقابل .. مثلك انت كرجل لما تتعب برا البيت وترجع تتوقع الاكل الحلو والكلام الحلو والحمام والتدليك الخ الخ ... لو قالت لك زوجتك وليش هذا كله ؟؟؟ انت تصرف علي حبا فيني بدون مقابل ؟؟ ولا عشان تحصل على هالاشياء بالمقابل ؟؟ .. هل يحق لها تقول لك هالحكي ؟؟ اكيد لا .. لان هالاشياء هي احتياج لك بالمقام الاول قبل تكون مقابل .. تحتاج راحة بعد التعب .. وحنان بعد قسوة ظروف العمل والبيئة الخارجية ..


نعم إذا المرأة ما تفهم وما تبغى تفهم ومعاندة ولاتريد أن تكون حياتها مثل حياة الناس المثقفة في الحياة الزوجية فمن حق الرجل أن يقمعها بالزوجة الثانية حتى تفيق من غيبوبتها.



بالتوفيق..,,,

المشاركة الأصلية كتبت بواسطة مشاعر مرهفه

المشاركة الأصلية كتبت بواسطة روعة المعنى

يعني انا عاجزة اخصص 15 دقيقة من وقتي لهالشي !!
نقدر كلنا نسويها لكن كمبدا .. انا احكي كمبدا بالمقام
الاول ..انا قلت : مابي اسوي الشغلة يوميا تبي تقولين ليش ؟؟
بوضح لك السبب بدقة يمكن بردي السابق ماوضحت ...
السبب شغلتين :

1- تحسسني بالاستغلال لدرجة انه شي بسيط ما ياخذ
على قولتك 15 دقيقة .. باختياره يرميه علي كل يوم !!
بالضبط زي الزوجة الي راتب زوجها ما شاء الله 20 الف ومعطيها
ما يكفيها من الفلوس وتقدر تكتفي بها .. مع ذلك تحرص تشتري وتشتري لييين
ما يبقى من الفلوس شي .. بحجة انه يقدر يصرف !!!

2- تحسسني بانه يتجاهل تعبي الي اتعبه بالبيت .. يحسسني
ان الساعتين او الثلاث الي وقفتهم بالمطبخ اطبخ له رغم اني
ممكن اكون تعبانة او ما نمت زين بنفس الوقت الي اراكض فيه
ورا الطفل او الطفلين او الثلاثة الي عندي عشان اراقبهم ومايصير لهم شي
كله هذا مايسوى شي قدام الثمان ساعات الي قضاها بالعمل مع زملائه
يشتغل على مهله وياخذ بريكات وغيرها من اشكال الراحة !
فهمتي ؟؟ لمن يفرض علي اني يوميا اخذ ملابسه واحممه
يحسسني كاني انا ما تعبت بشي ماغير نايمة لين 10 ولا 11
وقايمة بس لبست وقعدت احتريه !!!!!!!!!!!

الاحساس بالاستغلال وتهميش الجهد الي يولده التكرار اليومي
لهالشغلة .. هو السبب الي يخليني مابي اسويها يوميا واتصور
هو السبب الي يخلي العضوات يرفضونها .. لاحظي اقول التكرار اليومي
عشان تتذكرين يوم قلت لك اني ما اعارضها بين فترة وفترة ..

تبين تقولين لي انتي وحدة ما تقدر الزوج انانية تستثقل خدمة زوجها الخ الخ
بقول لك : على راحتك احكمي زي ما تحبين .. مع اني بصراحتن يعني
استغرب وشلون يكون فيه زوجة انانية وتستثقل خدمة زوجها ..
وبنفس الوقت ما عندها مانع تطبخ له تقريبا كل يوم وتستقبله
بالاحضان والكلام الحلو وكل فترة وفترة مستعدة تسوي له حمام وتدليك وتدلعه ؟؟؟
فيه زوجة انانية مستعدة ذي الاشياء الجواب متروك لك
هذا على فرض اني تهمني احكامك او احكام غيرك علي .. !

وبشكل عام يمديك تتاكدين من اي حكم تطلقينه على اي شخص
من التمعن في ردوده ( اذا يهمك طبعا)

انا سالت ليش الرجل يرمي هالحمل علي وهو يقدر يسويه ؟؟؟
هذا السؤال كل مرة انتي عطيتيني عليه اجابة ..

قلتي لي طاعة .. رديت عليك قبل ..
والحين تبين تجيبينها من ناحية عمل الرجل ..
وتقولين انه يشتغل 8 او 9 ساعات .. وبرد عليك بكل سذاجة الدنيا
وما راح اقول لك انها واجب .. لا .. بقول لك اذا هو
يشتغل برا 8 او 9 ساعات لمدة خمس ايام بالاسبوع وياخذ نهاية
كل شهر راتب ما ينقص ولا ريال ...
فانا اشتغل بالبيت 4 الى ست ساعات لا يغرك قلها لانها يومية
بدون اجازة يعني .. وبدون راتب ولا طلعات وهذي بدون اطفال ترى ..
مع وجود الاطفال بتزيد الى 8 او عشر ساعات ايضا يومية بدون اجازة
وبدون راتب ولا طلعات ولا شي .. خلال هالثمان او عشر ساعات لازم اهتم باكل الاطفال وشربهم ونومهم ولازم عيني عليهم اربع وعشرين ساعة عشان مايصير لهم اي اصابات .. هذا
طبعا بالاضافة لمسؤوليتي عن الطبخ وترتيب البيت .. من الي يحتاج هالحين تدليع 15 دقيقة ؟؟؟

يعني بالمختصر .. اذا زوجي يشتغل برا 8 ساعات انا اشتغل جوا البيت
اكثر منه وطبيعة عملي مرهقة اكثر منه وابن امه ينكر هالكلام ..

وان هو على مسالة اني اخذ تعب يوم كامل عشان اشتري فستان الخ من كلامك
فهو ياخذ تعبي كل يوم .. الاكل الي اقعد في المطبخ ساعتين اطبخه هو ياكله
بـ 15 دقيقة كل يوم ..

مشاعر .. خذيها من قاصرها يالغلا وقولي اني احب زوجي واموت فيه
لانه اشبع كل احتياجاتي .. لذلك صار سهل علي طاعته بكل شي
بدل ما تتهمين كل بنت هنا ماتمشي على نفس قناعاتك انها لا ترى
ابعد من خشمها ولا تقدر ولا ولا الخ الخ .. انتي حرة تحاولين تقنعين الناس
بقناعاتك الي تشوفينها صح .. ولكن منتي حرة انك تهاجمين او تنتقدين
الناس الي شذو عن هالقناعات ..



تقولين : تستخسر الزوجة أن تتعب 15 دقيقة لتدلل فيها زوجها بعد ساعات عمله الشاقة تلك

انا اقول لك هل التدليل محصور بخلع الملابس والتحميم ؟؟



انا فاهمة كل الرجال يحبون هالشي ويحبونه من حريمهم .. واذا الزوجة مستعدة تسويه كل يوم سواء بطلب من زوجها او بدافع حبها له .. اوكي (حتى لو بدا لي هالشي مستهجن بشكل عام صحيح ولا يضر احد ) .. لكن انها لو ماسوته ..


لو انها ما سوته او رفضت تسويه كل يوم .. هل هذا يعطيني الحق انا او غيري اني اتهمها بالتقصير واتجاهل تعبها بالمطبخ وهندامها المرتب وكلامها الحنون لزوجها لمن يرجع .. انسف كل هالجهد بس عشان حمام !!! والله دنيا عجايب

ثانيا : بخصوص الخدامة والاطفال الي بسن دراسة
شوفي لو كان البيت فيه خدامة .. هل راح تمسك كل شي من الى ؟؟ شوفي انا ما احكي عن البيوت الي الخدامات فيها ماسكين كل شي .. لا بحكي عن الواقع والمفروض .. والشي الي انا افضله انا روعة والي كل زوجة عاقلة تسويه.. لو عندي خدامة ومسكت عني التنظيف والترتيب .. هل بتمسك عني الطبخ ؟؟ لا .. هل بتمسك عني عيالي الي بيبقون معي خمس او ست سنوات قبل لا يدخلون المدرسة ؟ لا وان مسكتهم تمسكهم بعض الوقت .. يعني انا لسا مسؤولة عن الطبخ والاطفال .. نقول الطبخ رغم كونه روتين يومي امره هين .. طيب الاطفال وكوني حاطة عيني عليهم 24 ساعة لا يصير فيهم شي .. هذا مو تعب ؟؟ تبين تقولين احط الخدامة والبيبي كلهم تحت عيني بالمطبخ .. تتصورين اكون مرتاحة ؟؟؟ لا يالغلا مهما كانت الخدامة منتبهة للبيبي اي شي يصير فيه انا المسؤولة لذلك ما اقدر اتكل عليها كليا بالهالشي .. يعني انا بطبخ وانا تحت تاثير توتر .. تشوفين هذا تعب بسيط وتافه .. على راحتك .. بس غيرك ما يشوفه بسيط وتافه لان هالبيبي مو بس بنتبه عليه وقت ما انا اطبخ .. بنتبه عليه طول 24 وعشرين ساعة مابين مراقبة وتنويم ومحايل عليه عشان اوكله .. هذا التعب والارهاق الي انتي تشوفينه تافه ولا يمنع الزوجة تخصص 15 دقيقة من وقتها لتحميم زوجها .. يخلي نومها متخربط ومزاجها زفت ونفسيتها تعبانة .. واصلا هالتعب هو السبب الي استحقت عشانه الام الجنة .. وانتي تبين تهونين موضوعه عشان 15 دقيقة تحميم !!!

طبعا هالحكي الي فوق على فرض اني مستعدة اجيب شغالة واني ما امانع وجودها ببيتي ..

باختصار : تعب الزوجة ببيتها ومع اطفالها يفوق بحجمه وطبيعته تعب الرجل بعمله .. خصوصا وان الرجل يطلع من عمله يرتاح بالبيت .. والزوجة ما ترتاح الا وقت بسيط من هالمسؤولية (في حال راحت عند اهلها ومسكو عنها عيالها شوي او في حال تكرم زوجها ومسك عنها الاطفال كم ساعة علما بان هالشي ما يصير كل يوم .. واعرف وش بيقولون رجالنا لو طلبناه كل يوم )

البنات الي تقولين ماعندهم مسؤوليات وقاعدات يردون على المواضيع .. ادري انك يمكن تكونين لقيتي 30 عضوة بفترة الصباح جالسات يتصفحون بس ما حسبتي كل وحدة كم قعدت تتصفح
هذا على فرض انهم كلهم بالرياض مافي احد باستراليا ولا دبي ولا مصر ولا ولا ولا ...
وهذا على فرض انهم كلهم ببيوت رجالهم مافي ولا وحدة ببيت اهلها

مشاعر ليتك ما تعرضتيهم صراحة ... كلامك عنهم ما دعم ردك .. شوه صورتك ..

وسلامتك

المشاركة الأصلية كتبت بواسطة الشيماء الروعه

المشاركة الأصلية كتبت بواسطة روعة المعنى

والله اني كنت قبل انقهر منهم هالثلاثة لكن الحين تغير احساسي صار كلامهم ما يعني لي الا مجرد شي خطا احاول اصححه بالحجة والمنطق ... قدرت كان بها ما قدرت مو لازم !!!!