السلام عليكم ورحمة الله وبركاته وبعد

احب اكتب لكم ما حصل معي هذا الصباح من مستجدات

في الليلة الماضية طبعا زوجتي ما تكلمني وزعلانه وانا ساكت ماعلي منها تعشيت وصليت الوتر

وحطيت المنبه على صلاة الفجر

فعلا صحيت وقالت لي وين ؟

قلت بصلي بالمسجد

وانا راجع من المسجد شفت ابوي وفرح بي فرح شديد ودعا لي

لما دخلت البيت قالت زوجتي وش عندك بالصلاة بالمسجد ؟؟

قلت راح اصلي كل فرض بالمسجد ان شاء الله

صار بيننا الحوار التالي قبل ماروح للدوام

هي : ماراح تستمر بالصلاة بالمسجد انت بس متحمس ( قالتها بابتسامة شماتة )

انا : ان شاء الله راح استمر على كذا ( وقتها تذكرت دعوات ابوي الفجر وكلامها الحين هل هذه زوجة تعين زوجها على الخير والمعروف او هي شيطان رجيم همها بس تنتقدني حتى على فعل الخير )

هي : ترى الزواج مو تحدي وعناد وانك تحاول تفرض رأيك وتطلع متى ماتبي وتجي مثل ماتبي ؟

انا : انا لما اصلي بالمسجد وازور اهلي هذا مو تحدي هذا فعل خير ومن حقي اني اسوي كذا

لا هو عيب ولا حرام

هي : وعادي عندك امس ازعل ويضيق صدري ولا حتى تفكر تراضيني ؟

انا : انا ما غلطت حتى اراضيك

هي : الا غلطت !! انت اصلا تصلي بالمسجد مو عشان ربك ودينك انت تصلي لسببين اولا عشان تبعد عن وجهي وعن كلامي صح ؟ والسبب الثاني عشان تشوف وتزور اهلك مثل ماسويت امس؟


انا : انتي حكمتي على نيتي وهذا طبعك من تزوجتك تحكمين على نيتي وتحكمين عليها وتخليني اخاف من احكامك وقاعدة تصورين لي انه انتي تعرفين نيتي .

هي : ايه اعرف نيتك واعرف كيف تفكر !!! انت تبي اي فرصة عشان تطلع من البيت وتشوف اهلك ( جابت المصحف) وقالت احلف على المصحف انه نيتك بالصلاة بالمسجد عشان ربك ودينك
مو عشان تستغلها بزيارة اهلك مثل ما صار امس المغرب

انا : ماراح احلف ولا شي بس بقولك شي لاني تأخرت على دوامي ( طلعت عقد النكاح من الدرج ) وقلت لها هذا عقد نكاح مو نقل كفالة .

هي : حسبي الله على من لعب براسك وغيرك علي ، انا اعرف ان اهلك يبون يفرقون بيني وبينك ويضغطون عليك عشان تجي عندهم وودهم حتى تنام عندهم لانهم يكرهوني


انا : عن اذنك تأخرت على دوامي ولو سمحتي مابي مكالمات غير ضرورية لأني مشغول فلا تحرجيني في عملي

هي : تصارخ وتشيل وتحط

انا طلعت وشغلت سيارتي وعلى الدوام

هذا ماحصل اليوم

طبعا اتصلت وما رديت عليها

ردة فعل طبيعية لأنها ما أعتادت منك هالأسلوب ..
ردودك حكيمة وضبطت أعصابك بشكل سليم ..
وإنت صح .. لا تتأثر بكلامها .. لما تصرخ اخرج من البيت بكل برود ..
واستمر على هذا المنوال .. وإن شاء الله هي تفهم وتستوعب وتستسلم للتغيير ..

ماشاء الله عليك يا بدر اعجبني برود اعصابك وردودك المتزنه
تجاهلها ولا ترد عليها اليوم ولو تبي تزعل شهر .. انت الكسبان
سبحان الله الصلاة كلها خير حافظ عليها جماعه في وقتها وبتكسب نفسك واهلك وبيتك ودنياك واخرتك
حفظك الله

احسنت الآن زوجتك عرفت ان الزوبعه والغبار الي تثيره ماعاد يأثر عليك

اثبت مكانك وابتعد عند النقاش معها من كلمة اخاف - اخاف تفهميني غلط - اخاف من ردة فعلك

كلها تدل على انك تحاول ولكنك متردد وخايف من ردة فعلها وربما تصعد الموضوع هي اكثر من الصراخ بتكسير اغراض او ماشابه

بالتوفيق والله يوفقك اشعر انها فعلا لديها قابليه انها تتغير

مستتجدات مفرحة ردود متزنة
لا تترااجع ولا خطوة للوراء

__________________
ربنا هب لنا من ازواجنا وذرياتنا قرة اعين واجعلنا للمتقين اماما

انا اخاف تستخدم الأسلوب الثاني وهو تقول تعال بقولك شي

وتتكلم معي بهدوء لكن كل كلامها انتقادات وتحسسني اني فعلا ظالمها وتتكلم بكلام استفزازي وهجومي بس بصوت هادي

انا مشكلتي اني اسكت وحتى لو حاولت اتكلم ما تسمح لي حتى تنهي كل كلامها

وانا والله كل الجلسة بس ادافع عن نفسي وانقهر وهي طبعا ما تقتنع بأي كلمة اقولها

احس اسلوبها مو تعال نتفاهم عشان نوصل لحل لا

اسلوبها تعال ابي احطمك واجرحك واهينك

اللهم ارحم ضعفي وقلت حيلتي وهواني على زوجتي

ما شاء الله عليك يا بدر
بداية رااااااااااءعه جدا جدا جدا

انت انسان واثق من نفسك لكن هي عرفت نقطة ضعفك وهي:
الصوت العالي والسب والنكد >>> "الغبار في قصة الاسد والثور "

حزنت على كلام ابوك لما شافك خرجت لصلاة الفجر
يا قلبي عليه ملاحظ انها حابستك حتى عن صلاتك

الا صلاتك اخي بدر
وتذكر حديث الرسول عليه الصلاة والسلام
(من صلى الفجر فهو في ذمة الله حتى يمسي)
فلن يخاف او يتردد من كان في ذمة الله

استمر وخيب ظنها بانك تصلي لغير الله وسوف تترك الصلاه في المسجد بعد مده

فرحنا لك اخي فاستمر مستعينا عليها برك

حوار في غاية الهدوء ...
لكن لي نقد و يكمن في التالي :

★ طريقة كلامك تنزلها غير منزلها !
★ يظهر جليا الخوف منها في كلامك .
★ لازلت في موقع دفاااع خِلَافَها !

__________________
أشهد أن لا إله إلا الله و أشهد أن محمدا رسول الله صلى الله عليه و سلم

شكرا اخي شادو

تصدق نفسي يكون عندي زوجة تزعل كثير انا راضي

تزعل بس تحترمني وتحفظ لسانها والله ارضيها حتى لو انا مو غلطان


تصدق ان زوجتي ماعمرها زعلت وراحت لأهلها وانا احب هذا الشي على الأقل هي تفكر وانا افكر وآخذ وقت نقاهه

لكن زوجتي اسلوبها اذا زعلت تصب الزيت على النار اهم شي قلبها يبرد

بل والله ان زوجتي تتضايق كثير اذا راحت لأهلها زيارة وكأنها مغصوبة

كن مستعد لذلك وحضر الرد والحجج قبل الدخول في المناقشة

ولا تسمح لها بالسيطرة على المناقشة وارغامك على السكوت

ان سكت انت ستخسر وتثور اعصابك وتفقد هدوئك

وان اصرت هي على سكوتك طنشها ببرود و انسحب وقل لها الكلام أخذ وعطاء ولست خادما لديك لكي اسمع فقط ولا اتكلم