والله يا اخت كنافة مدري أواسيك والا اواسي نفسي.. احنا واقعين في نفس الحفرة.. نفس الأشخاص نفس الطينة نفس التعامل نفس الظروف والملابسات تقريبا مع اختلاف الظروف.. بس فيه شي مو واضح بالنسبة لي اش المشكلة أو المطب اللي حاليا يحول دون تصالحكم... انا قلنا لازم اتنازل وأرسل.. طيب انت اش تفكري تسوي عشان ينتهي اللي بينكم..

__________________
ربي احفظ لي ابنتي ..

السلام عليكم ورحمة الله وبركاته ..

تعلمي معالي الكريمة كُنْتُ أتوقع أن تكتبِ هذا الرد في موضوع كنافة

لا نكذب على أنفسنا لإنه لن يفيد ذلك شخصيتكِ تختلف تماماً عن كنافة وزوجكِ يختلف عن زوجها

ولو كان تعامل زوجكِ بمثل كنافة لأنهيت أنتِ الحياة بنفسكِ لإني اعلم شخصيتك ِ لن تتحمل كل ذلك !!

معالي أنا أنصحكِ كما أنصح أختي تماماً ،كوني صادقة مع نفسك وسترين العجب ..

أعتذر على قسوتي ،قسوة محبة تتمنى لكِ الخير فقط ولم شمل أسرتكِ ..

أشوف إن الرجال ماقصر كل يوم يرسل متى آخذكم إرجعي لبيتك هذا هو يسعى للصلح ، بس مايبي أهلك يتدخلون خليها بينك وبينه إطلعو في مكان هادي وتفاهمو حطي الشروط الي تبينها وإرجعي تعوذي من الشيطان إذا عاندتي زياده خاف يسحب عليك ويروح يتزوج ساعتها بتندمين .

__________________
الحمدلله حمدا جزيلا ...

تنازلي .. تنازلي .. تنازلي

ماتمشي الحياه إلا بالتنازل والتغاضي والتجاهل ، سبك وسبيتيه غلط عليك وغلطتي عليه لا تلومينه وتبرئين نفسك كلكم نفس الأخطاء ترتكبونها في حق بعض تعاملي معه بنفس الأسلوب الي تحبينه يعاملك فيه ، مشكلتك تعاملينه ند بند ماعندك دبلوماسيه وسياسه ، الأنثى ماتطلع نفسها بالصوره البشعه الصراخ والشتم والعناد الأنثى تاخذ الي تبيه بالحيله والمكر بالتذلل والتضعف لاتظهرين له قوتك وتحديك له بيزيد عناد وتكبر .

( إن الله لايغير مابقوم حتى يغيرو ما بأنفسهم )

تبينه يتغير تغيري وصححي عيوبك
تعبنا من الحكي يا كنافه .

__________________
الحمدلله حمدا جزيلا ...

الوفاء
اللي يسعى للصلح مايسب ويشتم
ولا يقول ارجعي ازعلي ببيتك
يعني مشوار النكد مستمر معه
وانا ماسبيته والله بحرف
ماسكه لساني عالاخر
وهو منقهر ويحاول يستفزني برسايله

واهلي عمري مادخلتهم بمشكله
ارجعي لموضوعي السابق
هو دخل اهله ورجع من سفرته وراح يتشكى لهم
وحتى لما طنشنا ولا اخذنا تعذرت له عند اهلي
وامي وصلها كلام سخيف من امه
وماكانت تعرف اصلا ايش صاير
راح يفضح فيني وامس يكتب اهله صافين معه

انا اول مره اشوف رجال يستقوي باهله
عموما المتعارف عليه دام افتعل المشكله وانا عند اهلي.. يتفاهم معهم..
تقولي لي تنازلي!!
يا عزيزتي كل حياتي صارت تنازلات بتتازلات
واوضاعي من ردي لاردى
وعلى طاري غيري نفسك
الرجال يقول تمثلي الطيبه وتتصنعي الحب
يعني ماحولك احد

الوفاء لو قريتي اخر موضوعين
ما اتوقع بيكون هذا ردك
لاتتهميني اني صرخت وشتمت
ماصار والله!!!!
ياختي اهلي ربوني على احترام الزوج
وعارفه حدودي كويس
وهو يقتله صمتي واحيانا يقول لي كأنك جدار!
لاتظلميني بردودك الله يخليك
انا ابي حلول واقتراحات
مو تأنيب وتقريع على امور انا مافعلتها اصلا

لمنه قال تتصنعي الطيبه
قول لا والله انا على نياتي
بس كل يرا الناس بعين طبعه

لا والله ما ارد.. انقهر واسكت..
أصلا تعودت على لسانه الجارح..
وبعض الأعضاء اللي ماتابعوا موضوعي
يظنون اني تركت البيت.. لا ابدا..
هو نزلني عند اهلي ليلة العيد
وراح مع أصحابه رحلة سياحية برا البلد
وقبل يسافر اخذ مني مفتاح البيت
ورجع كلمني وقال اول يوم تعبان ما اقدر اخذكم
ثاني يوم قال معزوم بالليل ما اقدر اخذكم
ثالث يوم صرخ علي وقفل الخط بوجهي
حاولت اكلمه قفل الجوال
أرسلت له كلام اعتذار حتى الطف الجو
قال تتصعني الطيبة والحب يا منافقة يا خبيثه
تركته
أسبوع كامل ما سأل فينا ولا مر ياخذنا
سألوني اهلي ايش القصة؟
خصوصا ان ام زوجي قالت كلام غريب لامي
قلت لها والله يا الغالية كيت وكيت
انفجعوا اهلي من اللي صار
بعد أسبوع دقيت استأذنه اخذ اغراضي
قال هذا اللي يهمك وقفل الخط بوجهي
بعدها سافروا اهلي وجلست لحالي بسبته
بعدين صار يرسل رسايل سب وشتم
مارديت عليه ولا على اتصالاته
وهو مستمر برسايله المعفنه
ويهدد اذا مارجعت البيت بسكات ياويلي وسواد ليلي


طيب يا محترم انا ماتركت بيتك!!!
واذا بتاخذني خذني بالحسنى!!
مدري هذي صعبه والا ايش!!

انا ادري محد منكم بيشجعني عالطلاق
ولو كتب احد رد زي كذا بتعدله الاداره
بس انا هذا اللي براسي
وتعقد الأمور كأنه إشارة من ربي لي
وجلوسي ببيت اهلي فوق الشهر عطاني درس
وتحملت مسؤوليه الأطفال بامور كثيرة
ولعذروني لصراحتي
انا مافقدته كزوج
العلاقه الخاصه مع زوجي مره بالشهر او الشهرين
ولافيها أي متعه او جاذبيه لي ابدا
والكلمة الطيبة انا محرومة منها نهائي
والشغلات الترفيهيه برضو مانعني منها نهائي
وعلى ادنى زله يجلس 3 شهور مايكلمني
وكل تحركاتي وتفاصيلي ومشاكلنا ببيت اهله
يعني انا مافقدته ابدا كزوج
هذا غير تصرفاته القذرة معي
لاحب ولا احترام ولا ستر ولا شيء
فاضحني حتى بمجالس الرجاجيل منه لله
انا مستخيرة كثير بالطلاق
وكل ما استخرت كل ماكرهته اكثر

هذا الشيطان يعبي راسك وراسه ويكبر عيوبكم في عيونكم
ليه ما تخلي ابوك يتصل عليه ويعزمه ع القهوة ومنها يشوف اولاده ولما يجي يفتح معه الموضوع هو يشوف جيته لكم من نفسه مو حلوة في حقه معليش جاروه واعزموه انتوا

مادام هو وداك عند اهلك ذوقيا هو يمر وياخدك
الله يعينك ياكنافه ويصبرك زوجك طفل وانتي اعقل منه بكثير
حتى لو هو راح يشتكي عند اهله وطلع كلام كله كذب وافتراءات معليك منه ربنا فيه وراح يظهر الحق
معليك من اهل زوجك الي يبغى يتدخل ويصلح يسمع من الطرفين مو يسمع طرف واحد فقط
حرام نطالبها بتغير وتنازل طيب ايش تسوي اكثر من كدا سب وشتايم وتاركه عنداهلها اكثر من شهر ماطلبت منه غير يتفاهم مع ابوها وهدا من ابسط حقوقها
ياناس كنافه تنازلت كثير وتغيرت كثير هي انسانه قياديه وشخصيتها قويه وواضحه مافيها لف والدوران ولا عندها كيد الحريم
أصعب شي لمى احد يحط صفات وعيوب ماهي موجوده فيك وكلها كدب وافتراءات
هم وصلو لمرحله لازم احد يتدخل بينهم وتنحط النقاط على الحروف
لكن يعيد مشاكل صارت من سنتين واكثر ايش دا؟
وضع متعب ويجيب الهم كل ماتزعلنا عاد نفس الشريط والاسطوانه

__________________
ريم نواف سابقا