ملوكه لا مو هدا قصدي أبدا

انا ما احب أي شكل واي نوع من الحيوانات بس ممكن اقبل واقنع نفسي اقبل أي حيوان الا البسة مررررا ما احبها

ههههههههههههههههههههههههههههههههههههههه
رهيييييب ولدك ي ملك
هذا جيبيه لي
ولد عمي كمان اسمه فهد هذا الإنسان توأمي
كل بلاوينا مع بعض >_<
مو انا ما احب الفهود من فراغ
الا لانهم راعين فزززززعه وقت النكبات خخخخخ

فاكهة
انا ولدي الوسطاني كذا ماشاء الله تبارك الله
شخصيته قوية مثل ولدك .. و لما جبت الصغير بعده على طول
الله يعين الصغير ( عليه ) الصراحة

ولدي بهدله الصراحة
انتبهي تتركي النونو معاه لوحدهم

بس دحين لما الصغير بدا يمشي ماشاء الله و يعرف يدافع عن نفسه
صايرين ( ثنائي عسسسسسسسل ) ماشاء الله ..
صاير الصغير كأنه ( ذيله ) .. ورآه كل مكان و يقلده بكل شي ..

الله يعينك عالغيرة ..
لازم تكوني حريصة انه ما تتكون الغيرة بينهم ابداااااااا

.
.
.


كوين

طفولتي احلى شي عشتها في حياتي .. عشان ابويا الله يرحمه كان موجود بيننا ..
لحد ما مات الله يرحمه و كل شي بدا يتغير <---- دايما كنت اتخيل نفسي ( سالي .. الي بأفلام الكرتون )
شعري كان نفس طول شعرها و انا بالابتدائي و كانت امي تلبسني فساتين مثلها

و انا جالسة اربي اولادي و أعاملهم تقريبا بنفس طريقة تعامل ابويا معايا
كنت قريبة منه و ما افتكر حتى امي الله يرحمها اني مرة جلست او تكلمت معاها

بس افتكر امي كانت تطبخ و تنظف البيت و تلبسني فساتين و تروشني و تمشط شعري
لكن ما كانت تتكلم ابدا معانا .. بس تتكلم مع ابويا

امي بدأت اتقرب منها لما دخلت الجامعة

.
.


ملك شادي ( المرأة الشفافة )

كان عندي حوض سمك في بريطانيا .. و تعلمت من اصحاب المحل كيف اهتم بالسمك و ارعاه
و كيف اهتم بتنظيف الحوض حقهم كل شوية

و اول مرة بصراحة يجلس السمك عندي فترة طويلة
لدرجة انه ( كبر حجمه ) ماشاء الله .. بس و انا راجعة أعطيتها لجيراننا الإنجليز
عشان اعرفهم يهتموا بالحيوانات .. و حبيت اتركهم في أيدي امينة ^_^
صحبتي الكويتية كنت باعطيها السمك بس قالت والله اولادها بياكلوهم من نفس اليوم

يمكن مستقبلا اجيب سمك
امي الله يرحمها كانت تحب تخلي السمك زينة بالبيت ^_^


.
.


أقحوان

طيب البسة كمان شرسة ..
خذي ( عررررري .. البسة الذكر )

بجد شي جديد احد يحبهم ^_^


.
.


كوين

ابويا الله يرحمه كان يشتري العصافير .. و ما يجلسوا عندنا فترة طويلة
و لما نخرج نتمشى كلنا .. يفك القفص و يطيرهم

عشان كذا ما اظن راح أجيبهم عندي
لو جبتهم احزن عليهم و أطيرهم بعد اسبوع

كنّا كمان في سطوح الفلة .. عاملين بيت الحمام ..
بس ما كنت الصراحة انجذب لهم و لا اهتم فيهم ..
بس ابويا رباهم فترة و بعدين خلاص شالهم من السطوح
عدموا الدنيا و ما حبيتهم ماعرف ليه ^^

و كم مرة حاولت اكتب رسالة و أربطه في رجول الحمام و اطيرها عشان ترجع لي
بس ابويا كان يقصقص جناحاتهم عشان لا يطيروا


.
.


انا الي نفسسسسسسسسي فعلا اجيبه عندي البيت
الببغاء الي يتكلم .. بجد مررررررة نفسي ..

برضو كان عندنا ببغاء
بس كنت مرة مرررررررة صغيرة و ما دخلت المدرسة

افتكر اخواني و اخواتي الكبار كانوا يأكلوه لوز و كان يتكلم شوي مو كثير
لونه اخضر

.
.


ما بقي من الحيوانات غير الفار

حتى الفئران ليا ذكريات معاهم و انا عمري 5 سنوات ههههههههه

أقحوان

راعين فزعات ؟

فزعات مع جماعتهم لما يهجموا عالواحد و يأكلوه
بس ما راح يفزع لك

ههههههههههه
روح لا لا القطاوه بجميع انواعها قذره في نظري
مدري من مطيحهم من عيني كذا
وصح انهم من الحيوانات المفترسه بس يعطوني انطباع عن الناس اللي يدبلون الكبددد
قوه على دلاخه مدري كيف جايين

الببغاء الكبير انصحككك فيهم تدري وش يعني تسليه
بالذات لما يبدأ يقلد الأصوات ويتكلم
كان عندنا واحد اخضر وبعده واحد رمادي
بعدين اخر واحد لونه وردي ورمادي كشخه من ناحية الكشخه بس ما عنده خاتمه

اللي لاحظته
الاخضر بطيء التعلم
الرمادي سريع
الوردي جزئية التعلم عنده احسها متوفيه اكلينيكياً
اخر شي طردناه مو معقول انا اللي بجلس طول عمري عنده اعلمه وما يتعلم
من كثر ما انطق الكلمه حسيتها غبيه
بس انهم مسللللين من جدد
وافضل حتى من الارانب
لانها ذكية جداً

يختي انتي شايفه كيف يفزعون لبعض
اللحين يقولك كل واحد له من اسمه نصيب
لما يكون الولد اسمه فهد
تنطبق عليه بعض الصفات وفي ولد ملك خير مثال
وولد عمي بعد
انا ما عمري شفت واحد اسمه فهد ورخمه
كلهم كذا رهيبين
( اذا فيه لحد يقولي )
خلوهم شجاعين في نظري خخخخخخ

امي كانت تروشني لحد ما طلعت سادس ابتدائي ..
احد مثلي برضو !؟

انا بديت استحي و ارفض انها تروشني ..
و اخرجها من الحمام ..

يمكن لاني كنت قصيرة ما بدأت ابلغ غير و انا بالمتوسطة

.
.


كل الدلع و الرفاهية هذه ..
طلعوها من عيوني لما ابويا و امي ماتوا الله يرحمهم ..
و زوجي جاء كمل الناقص ..
.

معليه تكلمت كثير

بس اكمل حكاية الفئران

( ترى عندي المصحح الإملائي بالجوال طفشني .. من حاله يقلب كلامي )

جات فترة و لقي ابويا فار في البيت .. و كان عمري صغير مررررة
يمكن 4 او 5 سنوات .. لكن افتكر الحمد لله كأنه حلم
ولدي الكبير ماشاء الله عليه .. اخد مني الشي هذا

امس يحكي لي عن امي و يحكي لي عن ذكرياته مع امي الله يرحمها
و هو عمره 4 سنوات .. و يفتكر بيتنا في بريطانيا و مع انه كان عمره 4 سنوات

عشان كذا غصب عني افتكر الأحداث الي صارت لي بعد موت امي الله يرحمها
و عشان كذا مشاعري تجاه زوجي مو مثل زمان ابدا ..

.
.

المهم نرجع للمفيد
أبوي جاب مصيدة و صار يحط الجبنة عليها و يدخل المصيدة تحت السرير

و انا الهبلة .. كنت اجي و ادخل يدي تحت السرير
و المصيدة تتقفل على إصبعي السبابة في يدي اليمين
و اصييييييح و يجي اخوي الكبير و يفك المصيدة


ما اتوب ابدا ..
ارجع و ادخل يدي من جديد و نفس الاصبع ..
افتكر الأحداث هذه عشان افتكر اختي الكبيرة تقول لي لا تدخلي يدك
و افتكر إصبعي تورمت .. و كمان ارجع ادخل يدي

شكلي وقتها كنت على بالي انهم صادوا الفار ..
و ادخل اشيك و أتأكد بنفسي !؟

بجد كنت عنيدة
افتكرت ولدي الوسطاني دحين .. زي كذا عنيد و ما يسمع الكلام
الا لازم بنفسه يجرب و ياخد على راْسه و يتعلم بعدين

بس الحلو
انه أبوي ما عمره خاصمني وقتها و لا ضربني و لاشي
ماعرف ليه اخواني و اخواتي الكبار كانوا يخافوا من ابويا !

.
.

أبوي الي علمني اني ما أعاقب على طول ..
علمني أعطي تحذير 1
بعدين تحذير 2
بعدين أعاقب ^_^

.
.

أقحوان

شجعتيني بجد اشتري ببغاء ..

شكلي السنة الجديدة هذه .. ارجع اربي الحيوانات من جديد ^_^
و ارجع أعيش الطفولة مع اولادي حبايبي

😆😆 ماشالله خذي راحتك او افتحي موضوع تكتبي فيه يومياتك واللي صار ويصير معاك حاسه عندك الكثير وحابه تعبري وتفضفضي

خلاص خلصت ..
و اصلا مقص الرقيب راح يجي بعد شوية ^^