الله يرحمك يا بابا ... تركتنا بدنيا عندهم مجاعه وطمع وجشع ..

.. اول يوم عيد مَر بسلام وعيدنا وزوجي كان راضي كل الرضى عني ... وعيدنا مع اهله الين الساعه 9 المسا ... وكنا مجهزين اغراضنا فاقترح نسافر عشان صباح ثاني العيد نعيد عند اهلي ... وصلنا لمدينتا .. وكان طول الطريق رايق وكلام معسول وان مستحيل يعيش من غيري وووو ...
ورحت بيت اهلي من 6 الصباح لاني اشتقت لهم ..اكثر من شهر ماشفتهم ... اشتقت لامي ولاخواني وللبيت ... قضينا ثاني العيد بفرحه مع ان كان ناقصنا وجود عامود البيت ... الحمد لله على كل حال ... وطلبت من زوجي اني ابيت عندهم هالليله ... وافق وقال مع اني مابقدر انام من غيرك !..بادلته الكلام .. قال بجيك بكره العصر... جلسنا انا واختي واخواني وسهرنا سوالف وضحك ... مع اني كنت تعبانه بس من شوقي لهم جلست معهم ... اصغر اخواني فتح موضوع الورث وانه بحاجه لها .. انا واختي كنا ساكتين بس نسمعهم ... كان باقي شوي ويقوموا يتذابحو ! طيب وين المحبه والضحك اللي كان قبل شوي ؟؟ مع ان الورث مره كبير معقوله كل واحد حاط عينه على فلوس الثاني ... هدينا الوضع وذكرناهم ان احنا اخوان والفلوس ماتفرق بينا ...نط واحد من اخواني قال لنا انا واختي انتوا الورث حقكم بيكون بيدينا عشان نخبيها لكم ونشغلها وننفعكم فيها ... اختي ساكته وكنت منتظره تتكلم عشانها الكبيره ولا تكلمت ...اضطريت اتكلم وقلت لهم طيب كل واحد ياخذ نصيبه ويتصرف فيه باللي يبغاه ... يستثمره يسوي مشروع يصرفه براحته ... أخوي الكبير قال لا احنا بنحافظ على فلوسكم لانكم حريم بكره ازواجكم يخدعونكم وياكلونها عليكم وقال لي خاصة انتي بعدك صغيره وماتفهمين اللي لك واللي عليك ... قلت وش اللي ياكلونه علينا احنا كبرنا وانا تعديت العشرين خلاص اعرف مصلحتي وين ... قال خلاص كل اللي عليكم تعطوني الوكالة عشان بعد اسبوع نروح المحكمة وبعدها انتي واختك تتنازلو ومدري ايش قال كلام كثير... مختصرها انه بياخد فلوسنا عشان يسووا مشروع كبيير وشركه ومدري ايش وان حقهم بس مارح يكفي ... قلت له طيب كل واحد ياخذ نصيبه وندخل كلنا بهالمشروع ... صرخ علي انتي وش تبين توصلين له ... قلنا لك مارح ناكل حقك وكل شي تطلبينه مارح نقصر معاك ... اي وقت تحتاجين الف نعطيك 10 الف بدالها... قلت له انتوا اخواني على عيني وراسي ومابغى أخسركم عشان هالفلوس بس الحين انا محتاجته ... قالوا واللي جبناها لك قبل كم يوم ماكفتك ؟ زاد قهري من كلامهم وقلت لهم فلوسي باخذها وهي من حقي واختي برضو بتاخذها ومحد له سلطه علينا .. ومعاكم اللي يكفيكم عمر وانتوا جالسين في البيت من غير شغل ...اخوي الصغير قال لاخواني قلت لكم من اول محد بيخربها علينا غير فلانه ومافي فايده معها ... يعني انا ... قلت لهم والبيت بتبيعوه .. قالوا لسى نفكر... اخوي الكبير قال خلاص اتفقنا تتنازلو واحنا بنحفظ لكم ومارح نقصر معاكم ... قلت له انا مو موافقه .. قال اوك خذي حقك بس مالك دخله عندنا وانسي ان عندك ام واخوان ومن الحين اتصلي على زوجك يجي ياخذك دامك تبغين فلوسك ... اخر شي توقعته يقول كذا ... عرف وين نقطة ضعفي وين .. اهلي واخواني مالي غنى عنهم ... هو هنا لوي ذراعي .. ماوعيت الا وقلت له خلاص مابغى فلوس ولا شي وانا متنازله عن حقي ... ماستبدلهم بفلوس الدنيا ... قال هذي أختنا اللي نعرفها ووعد مارح نقصر معك بشي اللي تطلبيه بنجيبه لك وحب راسي وطلع غرفته وكل واحد راح لغرفته ... حسبي الله ونعم الوكيل صار العيد نكد ... رجعت سويت رساله لزوجي قلت له اذا طلبوا مني اتنازل وش اسوي ؟ قال بكيفك بس هذي فلوسك وخذيها ... قلت له واذا خيروني بينهم وبين الفلوس؟ .. قال وانا برضو اخيرك بيني وبين اخوانك ... قلت له اختارك واختارهم ... قال أجل لا تتنازلي ... قلت له صعب هم اخواني لو ماتنازلت لهم بيقطعوا صلتهم فيني ... قال اوك الله معاك واقعدي عندهم دام تفضلينهم علي ...

والله اني بين نارين مادري مين اراضي وايش اسوي .. له يومين لا يتصل ولا شي ولا جاني ياخذني مع انه قال انه بيجيني امس العصر ... وللحين لا اتصال ولا رساله .. . مشكلتي مالها حل كذا ولا كذا انا ضايعه ..

__________________
-

فأجبر خَاطري .. بفيّض نعَمك ❤ ....

اعطيكي هي من الاخر؟

بس مااعتقد انك راح تستوعبيها لأنك عاطفيه واللعبة اكبر منك بكثير

ولكن خليني اقول اللي عندي لعل وعسى الله يفتحها عليكي

شوفي انتي الان بين اربعة نيران

اقوى نار ( الان خافته لكن هي اللي لها الغلبة في الاخر )
1- انتي - كينونتك - نفسك

والنار اللي بعدها (اقل حدة)

2- زوجك ( له الاولوية شرعاً اكثر من والدتك نفسها فما بالك باخوانك!)

والنار اللي بعدها ( اقل حدة )

3- والدتك

والنار اللي بعدها ( اقل حدة حقيقة ولكنها اقوى اعلاميا يعني صوت بس )

4- اخوانك

شوفي ياأختي ياسمورة

انتي لستي مقبلة على حرب وانما دخلتي الحرب خلاص

حرب اثبات الذات - كل واحد بيثبتها بطريقته وبيستخدم فيها كل اوراق الضغط والحيل والالاعيب عشان يوصل لمبتغاه ( طموح او اطماع )

اجلسي مع نفسك وابني لنفسك قاعدة نفسية متينة تتحمل الصدمات المقبلة

اجعل اهم اولوياتك في الحياة هي

1- سمورة نفسها ثم سمورة نفسها ثم سمورة نفسها

حددي اولوياتك في الحياة على اسس سليمة ومتينة بحيث تمشين فيها واثقة الخطى وماعليكي من لومة لائم في المستقبل

الدنيا مافيها خير وصدقيني كلهم مافيهم خير لكي ( حتى لو والدتك نفسها )

اهم واحد في المعادلة الان هو زوجك ( مع انه ممكن يتخلى عنك في اي لحظة بواسطة الطلاق او الزواج عليكي )

واخر هم اخوانك ( لانك لستي من اولوياتهم وراح تشوفي بنفسك كيف راح ينكرونك او يدخلونك في معمعة المشاريع اللي مالها اول ولا اخر )

تحتاجي استشارة مع متخصص ( نفسي - محامي - شيخ ) عشان تبني قاعدة متينة ضد العاصفة الهوجاء اللي انتم الان تستقبلون اول بوادرها

والله يعينك

__________________

__________________

هذا لوي ذراع..
سمورة لا تبطين جبدي .. لا تتنازلين
الحقوق تُنتزع ولا تُعطي
ما يقدر يمنعج من امج
لا تتنازلين
لا تسوين وكالة عامة وانما محدودة جدا
حقج اخذذذذيه
من اليوم تتصلين في زوجج واقضي امورج بالكتمان
اتصلي فيه .. ووكلي محامي شاطر
وكلي محاااامي..
فيه محاميين زملاء صح بحرينيين بس يتابعون بعض قضاياهم في السعودية .. بالاحرى اعرف زميل لي جذي شغلته
اذا تبين بسأل لج اذا بعده يتابع بعض قضاياه عندكم
انقهرت وآنه مالي شغل
الموضوع مو موضوع فلوس..
لا .. الموضوع سالفة حقج و حق عيالج

__________________

حاجة الناس إليكم من نعم الله عليكم ، فـ لا تملوا النِعم ☁✨

الخطوة الاهم هي المحاممممممي
المحاممممي
المحامممي

__________________

حاجة الناس إليكم من نعم الله عليكم ، فـ لا تملوا النِعم ☁✨

----- وبخصوص اللي يقولون لك هو أحق بالفلوس سلامات ! أحق ليه ياخذ ورثها وهي تبيه لوي ذراع
ان عطيتك منه مبلغ بسبط هديه وتكرما وطيب أخلاق ولا مالك شي عندي ! عالاقل اخواني لاخذوها بقول اخواني وفلوس ابوهم واغواهم الشيطان لكن انت يا زوجي تقولي جيبيها ولا اجلسي عندهم معناه بجيبها وبتاخذها وخلاص ارخصتني بعدها وماعاد لي قيمة !! اجل ماعندنا حريم تنكتب باسمهم فلوس سلامات يابو الشباب ورثي ورث الله شرعه لي وبإسمي غصب عن الراضي والزعلان


واخوانك مو على كيفهم وكل اللي يقولونه تهديد لكن حتى ان خذيتيها بيزعلون شهر وبيرضون غصب يا دخلي احد كبير ويخاف الله عم او خال
او كوني واضحه معهم قولي لاتعطوني اياها لكن ما اسوي تنازل دخلوني بسهمي شريك في مشروعكم مو انتو نقصكم راس مال خلاص معليش خذو قسمي راس مال معكم لكن شرااااكه وليس تنازل ووكاله

طيب اذا حطيت محامي وطالبت بحقوقي بخسر اخواني ... اذا حطيت راسي براسهم والله بيقطعون صلتهم فيني ... انا يهمني الان اهلي وزوجي مع بعض ... لو اخترت اهلي خسرت زوجي ولو اخترت زوجي لازم اخذ حقي وبعدها اخسر اهلي ...

يازين مابغى اخسرهم والله هم حياتي وماقصروا معي بشي ...

أخي لماذا نتزوج .. رح اطلع عالفيديو واستفيد شاكره لك ..

__________________
-

فأجبر خَاطري .. بفيّض نعَمك ❤ ....

ولى زمن البكبكة خلاص

الان ياتشمرّي عن ساعديكي وتشيلي نفسك بنفسك ياراح ياخذك الطوفان معاااااه

------

نعم شوفي الفيديو ضروري

وعيديه كل شوي

واكتبي ملاحظاتك

وضعي نفسك مكان الامثلة اللي بيقولها في الفيديو

وبدل مهو محل كشري خليه ( الورث )

طبقي كل الامثلة على موضوع الورث

اعرفي وحددي قدراتك وجنودك وخصومك ومنافسيكي واصحابك واعداءك

ولاتنسيني من الحلاوة ( مادام ماشاء الله الورث كبير ) نعم انا بشر مثلهم وسال لعابي

فياريت لو استفدتي من كلامي الان او مستقبلاً انك تتطلعي كم ريال صدقة لوجه الله عني

وجزاكي الله خير

مايدريكي يمكن سبحان الله صدقتك عني هي اللي تكون في سبب ترجيح حسناتي على سيئاتي!

__________________

والله لازوج ولا أخوان ينشد فيهم الظهر

المفروض مارجعتي ارسلتي لزوجك

لازم تتراجعي وتاخذي حقك حتى لو توصل لرفع القضيه في المحكمه

ولو انا مكانك اخواني خيروني بالشكل البشع هذا استخدم زوجي يساعدني ع أخذ حقي واذا اخذته كامل مكمل حتى لو سار فيها محاكم ومشاكل المهم يوصلني حقي ومعروف عندنا لازم رجل يوقف معانا
حتى المحامي ينخاف منه واقولها لك من تجربه

المهم بعد ماياخذ لي زوجي حقي اجهز لي بيت واتركه واخبر أخواني أني مااخذت زوجي ضدكم الا لمصلحتي ولانه مثلكم همه نفسه تركته
حابين ترجع العلاقه بينا اهلاً وسهلاً انا عايشه في المكان الفلاني ولو قدرتي خذي امك معاك

مااعرف لكن هذا يحتاج قوه منك

خلك واضحة قدام الجميع وقوليلهم كلهم لا اخواني ولا زوجي الفلوس لي لحالي اشتري بها عقار ويتسجل بإسمي ومحد له خص فيه ..
واللي يبيعني عشان فلوس ابيعه ببلاش ..