مشكلتك اخوي نفس مشكلتي مع زوجي المصون ،،
6 شهور عند أهلي وكل محاولاتي بإرضائه باءت ب الفشل ،،
بس مدام انك حاولت بكل شيء ومافاد معاها نصيحتي لك
أرسل لها اخر رساله تقول فيها { دامك كذا مرتاحه خلاص بخليك
براحتك عيشي حياتك وانبسطي وانا بعد بشوف نفسي واعيش حياتي }
وبعدها طنشها فتره ولا عاد ترسل او تتصل خير شر ،،
صدقني هالحركه بتخليها تستغرب سبب انقطاعك المفاجئ
وكلمة { أنا بعد بشوف نفسي وأعيش حياتي } بتخليها تفكر كثير
وتوسوس انه يمكن بتتزوج عليها او تطلقها ،،
يمكن هالشي يخليها تراجع نفسها شوي وترجع تكلمك ،،

الله يفرج عنك وعن كل مهموم ،،

اصبر كمان بومين الله يهديك
عامل لها حظر 8 شهور...8 شهور
تبغاها بيومين ترد.حتى قبل ما توصل الرسالة و انت متذمر انك رسالتها
انتظر و بالمرة فصل في امر خلافكما الاخير
وسبب خلافها مع اهلك
و شروطهم
انت ليش تتجنب تجاوب على هالمحاور الرئيسية؟؟؟

__________________

عفوا .. شكلي فهمت الموضوع غلط
فكرت انه هي اللي مطنشتك 8 شهور
طلع الوضع عكس ،، الله يهديك أخوي
انأ حظرني زوجي شهر وحسيتها زي الطعنه بقلبي
ترى هالحركه مو حلوه كلش وانت جرحتها حيل بأسلوبك
هذا ،،

أحبك ياربي
الرسائل اللي ارسلتها نفس اللي بردك الان
وللاسف قرتها ولاردت مره ثانيه
يبون شقه قريب منهم عشان يتسلطلون اكثر وتعقيد للامور ولانها ماعاد لها وجهه تقابل احد مثل اهلي وقرايبي بعد سوالفها أو ممكن طلبوا هالشي لانهم يعرفون ان لنا عقار بمدينتهم وهم ناس تفكيرهم سطحي جدا
لكن معصي البيت اللي هي فيه احسن واكبر من بيت اهلها لكن الدنيا حظوظ السنعه ماتحصل حتى شقه والرفلاءه تلقى كل شي
الوالد بعد ماسمع شروطهم وجاء يقولي وربي يكلمني وهو يضحك ونهايه كلامه قال طنشهم وتزوج وسبحان الله خلصوا الحريم ماعاد فيه احد يوم فكرت بالزواج احس مافي احد مناسب
لكن سمعت كلام الاعضاء وقلت عساها خيره
ارسلت المره الاولى شافتها واخفت اخر ضهور عشان ماعرف متى تدخل الواتس ومتى تطلع او نظام ماقريتها
ارسلت مره ثانيه قرتها ولاردت كان مجمل الرساله اني ابيك واحبك وكذا
واكيد كبر راس الحرمه وورتها اهلها وياليتنا من حجنا سالمين
هل ارسل لها رساله ختاميه او اطنش واروح اشوف حياتي عسى الله يعوضني خير
لو هي في راسها رجعه ماطنشت الرسايل

الابتعاد ابتعدت مافيه الكفايه
ووممكن جاء ببالها نفس كلامك
ولكن لازم اتخذ خطوه لنفسي
ماحط يدي ع خدي واجلس انتظرها
ع حساب صحتي ونفسيتي

انت مشكلتك عندك سوء ظن والشيطان يشتغل و تصدق تخميناتك
هي ماشافت منك الا القسوة لا غير وتقول لها بعد خليك سنعه
اسلوبك معها ماش وغيرك يدلعون زوجاتهم
الزوجة ماتبي الا المعاملة الحسنة
المؤخر يمكن عشان يضمنون انك ماتطلقها مثل المرة اللي قبل
يمكن يبون تستقر بحياتها
هم وش دراهم عن نواياك وانك تحبها دام ماشافوا منك الا الجفا والعناد
واكيد اذا زعلت او غلطت معك قبل كبرت الموضوع وعاندت
نصيحتي لك ان تبدأ بتغيير نفسك وابتعد عن تفسير اي حركة واي كلمة واي تصرف فهذا ينفر الناس منك
طبعا انا لا يمكن اعرف القضية لانها لازم تقال من الطرفين
لكن انت ماحسك واضح معانا قول كل شي وكل تصرفاتك ومواقفكم مع بعض
وخل ردودك متكاملة عشان تجيك النصيحة مضبوط
الله يفرج همكم

انثى بريئه
امين يارب ويفرج همك
دنيا معكوسه انتي تحاولين ترضينه ورافض
وانا احاول اراضيها ورافضه خليك بالقرب دايم بالموضوع دامك تمرين بنفس التجربه استفيد من نصايحك واللي مجرب اكيد بينصح من القلب ولكن بالنسبه لكلامك خلاص بخليك براحتك دام مبسوطه ومرتاحه وانا بعد بشوف حياتي كذا سكرت اناالموضوع يعني ماعاد لي رجعه لها اذا طنشت وماردت

لو أنها تريد الخير والإصلاح على الأقل تاخذ وتعطي معاك باللين ..

تزوج مادام الله موسع عليك ودعهم ومشاكلهم وليغن الله كلا من سعته ..

وفق الله الجميع

وتبغى الصبر ويلاه من وين الصبر
بصبر وامري لله
انا متذمر ممكن لاني قريب منهم واعرف اسلوبهم واتمنى للمره المليون يكون احساسي خطاااا
يااختي والله فصلت كل شي حتى الشروط ذكرتها ولكن ممكن ماتابعتي كل ردودي
وايش المحاور الرئيسيه اذكريها لي بنقاط وراح اجاوب عليها
ولايوجد بينها وبين اهلي اي خلاف ولكن اكيد انها تعرف انهم واقفين بصفي كانت معامله اهلي لها جدا راقيه ولاامدحهم عشانهم اهلي وكنت اقوله لها دايم اهلي يحبونك حسسيهم باهتمامك فيهم اعزميهم انا اقدر اتصل فيهم واعزمهم بس العزيمه منك لها طعم ثاني اذا جات منك

قبل ردي الأخير أريد أن أنوهـ بفكرة خطرت ببالي .. ولا أدري هل سبقني بها احد من الأعضاء ام لا ..

انتظر فترة .. واكتب بالرسالة الشخصية بالواتس ( أشكر كل من بارك لي وأسأل الله أن يتمم لي بخير ) ..

واترك الأمر مبهم ... وسترى ردها إن كان خيرا فخير .. وإن كان غير ذلك فالإقدام على الزواج من باب أولى ..

اتمنى انك تفعلها ... فهي نـــــــــــــــــافعة من باب تجربه .